ଜୟପୁର,୨୧ା୧୦ (ନି.ପ୍ର.): ଜୟପୁରରୁ ସବୁଦିନିଆ ବିମାନ ଉଡିବା ନେଇ ଅନୁମତି ମିଳଛି। ଗୁରୁବାର କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତ୍ରଣାଳୟ ପକ୍ଷରୁ ଉଡାନ ଯୋଜନାରେ ଡିଜିସିଏ ଏହି ଅନୁମତି ପ୍ରଦାନ କରଛି। ଅନୁମତି ପତ୍ର ବିଭାଗ ପକ୍ଷରୁ ଏନେଇ ଓଡିଶା ସରକାରଙ୍କୁ ଅବଗତ କରାଯାଇଛି। ଅନୁମିତ ଅନୁସାରେ ଜୟପୁର ଏୟାରପୋର୍ଟରୁ ପ୍ରତ୍ୟହ ଯାତ୍ରୀଙ୍କୁ ନେଇ ଚଳପ୍ରଚଳ କରିବ। ଗତ ଅଗଷ୍ଟ ୩ରେ ରାଜ୍ୟ ସରକାରଙ୍କ ପରିବହନ ବିଭାଗ ଇଣ୍ଡିଆ ଓ୍ବାନ ଏୟାର ନାମକ ଏକ ସଂସ୍ଥାକୁ ଜୟପୁର-୍ଭୁବନେଶ୍ୱର ଓ ଜୟପୁର-ବିଶାଖାପାଟଣା ମଧ୍ୟରେ ୯ ସିଟ ବିଶିଷ୍ଟ ବିମାନ ଚଳାଇବାକୁ ନନ ସିଡ୍ୟୁଲ କରିଥିଲେ ା ମାତ୍ର କେନ୍ଦ୍ର ସରକାରଙ୍କ ଡିଜିସିଏ ପକ୍ଷରୁ ଏହି ଅନୁମତି ପତ୍ର ମିଳି ନ ଥିବା ଯୋଗୁ ଏହି ବିମାନ ପ୍ରତ୍ୟେହ ଆସୁଥିଲେ ମଧ୍ୟ ଯାତ୍ରୀକୁ ନେଇ ପାରୁ ନ ଥିଲା। ଡିଜିସିଏ ଅନୁମତି ପରେ ଏବେ ଜୟପୁରଠାରୁ ବିମାନ ଚଳାଚଳ ନେଇ ରୁଟ୍ ମିଳିଛି। ଗତ ୧୩ରେ ୨ ଦିନ ଧରି ଡିଜିସିଏ ଓ ବ୍ୟୁରୋ ଅଫ୍ ସିଭିଲ ଆଭିଏଶନ ସିକ୍ୟୁରିଟି ଟିମ୍ ପହଞ୍ଚତ୍ ଏୟାରପୋର୍ଟରେ ଯାଞ୍ଚ କରି ଫେରିଥିଲେ। ଟିମ୍ର ବେସାମରିକ ସୁରକ୍ଷା ମୁଖ୍ୟ ଏୟାରପୋର୍ଟରେ ସୁରକ୍ଷା ବ୍ୟବସ୍ଥା ଯାଞ୍ଚ କରିଥିଲେ। ଏଥିରେ ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କ ଟିମ୍ ସାମିଲ ଥିଲେ। ଅନ୍ୟପକ୍ଷରେ ଏଠାରୁ ନିୟମିତ ବିମାନ ସେବା ନେଇ ବିଡ୍ ପାଇଥିବା ଇଣ୍ଡିଆ ଓ୍ବାନ ଏୟାର ଟ୍ରାଏଲ ଭାବେ ନିୟମିତ ଭୁବନେଶ୍ୱର-ଜୟପୁର-ବିଶାଖାପାଟଣା ଉଡାଣ ଜାରି ରଖିଛି। ଏହା ପୂର୍ବରୁ ଉଭୟ ରାଜ୍ୟ ଓ କେନ୍ଦ୍ର ଟିମ୍ ୬ ଥର ଏୟାରପୋର୍ଟର ଭିତ୍ତିଭୂମି ସମୀକ୍ଷା କରିଥିଲେ। ଡିଜିସିଏ ଅନୁମତି ମିଳିବା ଖବର ଜଣାପଡ଼ିବା ପରେ ଜୟପୁର ସହ ଅବିଭକ୍ତ କୋରାପୁଟ ଜିଲାରେ ଖୁସିର ଲହରି ଖେଳିଯାଇଛି।
