କ୍ଷତିଗ୍ରସ୍ତ ପରିବାରକୁ ନଜରବନ୍ଦୀ

ଯାଜପୁର ଅଫିସ/କଳିଙ୍ଗନଗର (ଡି.ଏନ.ଏ.), ୨୪ା୧୧: ଯାଜପୁର ଜିଲା କଳିଙ୍ଗନଗର ଶିଳ୍ପାଞ୍ଚଳ ଦାନଗଦି ତହସିଲ ଟାଙ୍ଗରସାହି ଗ୍ରାମର କ୍ଷତିଗ୍ରସ୍ତ ପରିବାର ବୁଧବାର ହକ୍‌ ପାଇଁ ଦାବି କରି ଇଡ୍‌କୋ ଓ ପୋଲିସ ଦ୍ୱାରା ନଜରବନ୍ଦୀ ହୋଇ ନିର୍ଯାତନାର ଶିକାର ହୋଇଥିବା ଅଭିଯୋଗ ହୋଇଛି। ଇଡ୍‌କୋ ଦ୍ୱାରା ଜମି ମାପଚୁପକୁ ବିରୋଧ କରିବାରୁ ପୋଲିସ ପ୍ରାୟ ୫୦ ମହିଳା,ପୁରୁଷଙ୍କ ସମେତ ଛୋଟ ପିଲାଙ୍କୁ ଉଠାଇ ନେଇ ମାନତିରା କଲେଜରେ ଭୋକ ଉପାସରେ ରଖିଥିଲା। ଖାଇବାକୁ ଦେବା ତ’ଦୂରର କଥା ପାଣି ବୁନ୍ଦାଏ ବି ଦେଇ ନ ଥିଲା ବୋଲି ଚାନ୍ଦିଆ ସରପଞ୍ଚ ପାଣ୍ଡୁରାମ ଖୁଣ୍ଟିଆଙ୍କ ସମେତ ରାମରାୟ ଲାଗୁରି, ପାଣ୍ଡବ ହୁସା ପ୍ରମୁଖ କୋହଭରା କଣ୍ଠରେ କହିଛନ୍ତି।
ଶିଳ୍ପ କାରଖାନା ଦ୍ୱାରା ପ୍ରଦୂଷଣର ଶିକାର ଟାଙ୍ଗରସାହି, କୁଡୁମୀସାହି, ଅରାସାହି ଆଦି ଗ୍ରାମବାସୀଙ୍କୁ ଥଇଥାନ ପାଇଁ ଜିଲା ପ୍ରଶାସନ ପକ୍ଷରୁ ପଦକ୍ଷେପ ଆରମ୍ଭ ହୋଇଛି। ଏନେଇ କ୍ଷତିଗ୍ରସ୍ତ ପରିବାର ୨୩ା୯ା୨୦୨୨ରେ ବିିଭିନ୍ନ ଦାବି ନେଇ କଳିଙ୍ଗନଗର ଅତିରିକ୍ତ ଜିଲାପାଳଙ୍କ ଦ୍ୱାରସ୍ଥ ହୋଇଥିଲେ। ପୂର୍ବରୁ ଗଢି ଉଠିଥିବା ଶିଳ୍ପ କାରଖାନା ଯୋଗୁ ବିସ୍ଥାପିତ ପରିବାର ଏବେ ବି ସମସ୍ୟାରେ ଗତି କରୁଥିବାରୁ ପୁଣି ବିସ୍ଥାପିତ ହେବାକୁ ଥିବା ଲୋକେ ଆଉ ପ୍ରଶାସନର ପ୍ରତିଶ୍ରୁତି ଗ୍ରହଣ କରି ପାରୁ ନାହାନ୍ତି। ତେଣୁ ଯେଉଁ ତାରିଖରେ ବିସ୍ଥାପିତ ପାଇଁ ଦିନ ଧାର୍ଯ୍ୟ କରାଯିବ, ସେହି ତାରିଖ ସୁଦ୍ଧା ଯାହାର ୧୮ ବର୍ଷ ହେଉଛି ସେମାନଙ୍କୁ ପୃଥକ ପରିବାର ଭାବେ ବିବେଚନା କରିବା, ବିସ୍ଥାପିତଙ୍କୁ ୨୦ ଲକ୍ଷ ଟଙ୍କା ପ୍ରଦାନ, ପ୍ରଥମେ ବିସ୍ଥାପିତ ପରେ କାରଖାନା, ବିସ୍ଥାପିତ ସହ ଯୋଗ୍ୟତା ଅନୁଯାୟୀ ପ୍ରତ୍ୟେକ ପରିବାରରୁ ସ୍ଥାୟୀ ନିଯୁକ୍ତି ଆଦି ଦାବି କରାଯାଇଥିଲା। କିନ୍ତୁ କ୍ଷତିଗ୍ରସ୍ତ ପରିବାରଙ୍କ ଦାବିକୁ କେହି କର୍ଣ୍ଣପାତ କଲେ ନାହିଁ। ଫଳରେ ବୁଧବାର ଅପରାହ୍ନ ୧ଟାରେ ଟାଙ୍ଗରସାହିର ସମସ୍ତ ପରିବାର ମାପଚୁପକୁ ବିରୋଧ କରିିଥିଲେ। ଏହାପରେ ଇଡ୍‌କୋ କର୍ତ୍ତୃପକ୍ଷ ପୋଲିସ ଲଗାଇ କ୍ଷତିଗ୍ରସ୍ତ ଲୋକଙ୍କୁ ଉଠାଇ ନେଇ ସନ୍ଧ୍ୟାରେ ଛାଡିଛି। ସ୍କୁଲରୁ ଫେରିଥିବା ପିଲା ଘରେ ମା’ବାପାଙ୍କୁ ନ ପାଇ କାନ୍ଦିଥିବା ଦେଖିବାକୁ ମିିଳିଥିଲା। ଯଦି ଦାବିଗୁଡିକ ପୁରଣ ନ କରି ବଳପୂର୍ବକ ଜମି ଅଧିଗ୍ରହଣ କରାଯାଏ ତେବେ ପୁଣି ଏକ କଳିଙ୍ଗନଗର ଗୁଳିକାଣ୍ଡ ହୋଇପାରେ ବୋଲି ଆଦିବାସୀ ପରିବାର ଲୋକେ ଚେତାବନୀ ଦେଇଛନ୍ତି।
ଅଭିଯୋଗ ଅନୁଯାୟୀ, ଟାଙ୍ଗରସାହିର ୨୯ ଭୂମିହୀନ ପରିବାରଙ୍କୁ ସରକାରଙ୍କ ଜମିବଣ୍ଟନ ଯୋଜନାରେ ଦାନଗଦୀ ତହସିଲ ଯଖପୁରା ମୌଜାର ଖାତା ନଂ. ୪୧୯ର ପ୍ଲ୍‌ଟ ନଂ. ୫୫୭, ୫୫୮, ୫୬୦ରେ ୧୧୫ ଏକର ଜମି ଦିଆଯାଇଥିଲା। ଏହି ଜମିରେ ସେମାନେ ଚାଷ କରି ଜୀବିକା ନିର୍ବାହ କରୁଥିଲେ। କିନ୍ତୁ ଏବେ କଳିଙ୍ଗନଗର ଶିଳ୍ପାଞ୍ଚଳ ପାଇଁ ଏହି ଜମିକୁ ସରକାର ଅଧିଗ୍ରହଣ କରୁଛନ୍ତି। ଚଞ୍ଚକତା ପୂର୍ବକ କାଗଜ କଲମରେ ଅଧିଗ୍ରହଣ କରାଯାଉଥିବା ଅଭିଯୋଗ ହୋଇଛି। ଯଦି ଉକ୍ତ ଜମି କାଢି ନିଆଯାଏ ତେବେ ସେମାନେ ଜୀବନଜୀବିକା ହରାଇବେ ବୋଲି କହିଛନ୍ତି। ତେଣୁ ବିସ୍ଥାପନ ଆଇନ ଅନୁଯାୟୀ କ୍ଷତିପୂରଣ ଏବଂ ଥଇଥାନ କରାଯିବାକୁ ସେମାନେ ଦାବି କରିଛନ୍ତି।
ଏ ସଂକ୍ରାନ୍ତରେ କଳିଙ୍ଗନଗର ଅତିରିକ୍ତ ଜିଲାପାଳ(ଏଡିଏମ) ସନ୍ତୋଷ କୁମାର ମିଶ୍ରଙ୍କୁ ପଚାରିବାରେ ସେ କହିଛନ୍ତି, ଟାଙ୍ଗରସାହିରେ ୨୯ ପରିବାର ସରକାରୀ ଜମି ଜବରଦଖଲ କରି ରହୁଛନ୍ତି। ଦୀର୍ଘଦିନ ହେଲା ସେମାନେ ରହୁଥିବାରୁ ସମସ୍ତ ବିସ୍ଥାପିତ ଯୋଜନାରେ ସାମିଲ କରାଯାଉଛି। ପ୍ରତ୍ୟେକ କ୍ଷତିଗ୍ରସ୍ତ ପରିବାରଙ୍କୁ ୧୦ ଡେସିମିଲ ଜମି ଦିଆଯାଉଛି। ପରିବାରର ଜଣଙ୍କୁ ନିଯୁକ୍ତି ମିଳିବ। ମାନତିରାଠାରେ ବିସ୍ଥାପିତ କଲୋନୀ କରାଯାଇ ସମସ୍ତ ସୁବିଧା ହେଉଛି। ଏହାସହ ପ୍ରତ୍ୟେକଙ୍କୁ ୨ ଲକ୍ଷ ଟଙ୍କା ଲେଖାଏଁ ସହାୟତା ରାଶି ପ୍ରଦାନ କରିବାକୁ ବିଡିଓଙ୍କୁ ନିର୍ଦ୍ଦେଶ ହୋଇଛି। ହେଲେ ସେମାନେ ଏହାକୁ ଗ୍ରହଣ କରିବାକୁ ନାରାଜ। ସରକାରୀ ଜମିରେ ରହୁଥିଲେ ଥଇଥାନ ଓ ବିସ୍ଥାପିତ ଆଇନରେ ଆସୁ ନ ଥିଲେ ହେଁ ପ୍ରଶାସନ ସମସ୍ତ ସୁବିଧା କରିବାକୁ ତପତ୍ରତା ପ୍ରକାଶ କରିଛି। କିନ୍ତୁ ସେମାନେ ଏଥିରେ ସହଯୋଗ କରୁ ନାହାନ୍ତି ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଓଡ଼ିଶା ମୁହାଁ ବାତ୍ୟା; ଜୁନିୟର ଆସିଷ୍ଟାଣ୍ଟ-କ୍ଲର୍କ ପରୀକ୍ଷା ସ୍ଥଗିତ

ଭୁବନେଶ୍ୱର,୧୮।୧୧: ଓଡ଼ିଶା ମୁହାଁ ହେଉଛି ବାତ୍ୟା ‘ଅକ୍ୱାନ’ । ୯ କିମି ବେଗରେ ବଢୁଛି ଭୀଷଣ ବାତ୍ୟା । ଏହାକୁ ଦୃଷ୍ଟିରେ ରଖି ଆସନ୍ତା ୨୧ ଓ…

‘ଅର୍ଣ୍ଣବ’ର କ୍ଷତ ଶୁଖିନି, ପୁଣି ଘାରିଲା ‘ଅକ୍ୱାନ’ ଭୟ: ଆତଙ୍କିତ ପୁରୁଷୋତ୍ତମପୁରବାସୀ, ପ୍ରଶାସନର ହାଇ ଆଲର୍ଟ, ସୁରକ୍ଷିତ ସ୍ଥାନକୁ…

ପୁରୁଷୋତ୍ତମପୁର୧୮।୧୧ (ସବିତା ମିଶ୍ର) : ଗତ ୧୫ ଦିନ ତଳେ ଆସିଥିବା ବାତ୍ୟା ‘ଅର୍ଣ୍ଣବ’ ଓ ପରବର୍ତ୍ତୀ ବନ୍ୟାର କ୍ଷତ ଏଯାଏ ଶୁଖି ନ ଥିବା ବେଳେ…

ବରଗଡ଼ରେ ଧଳାଜହର କାରବାରର ପର୍ଦ୍ଦାଫାଶ: ୯୦ ଗ୍ରାମ ବ୍ରାଉନ୍ ସୁଗାର ଜବତ, ପୋଲିସ ହାତରେ ଧରାପଡ଼ିଲେ ଦମ୍ପତି

ବରଗଡ଼,୧୮।୧୧(ପ୍ରେମାନନ୍ଦ ଖମାରୀ)- ବରଗଡ଼ ଟାଉନ୍ ଥାନା ପୋଲିସକୁ ନିଶା କାରବାର ବିରୋଧୀ ଅଭିଯାନରେ ଏକ ବଡ଼ ସଫଳତା ମିଳିଛି । ବୁଧବାର ପୋଲିସ ଚଢ଼ାଉ କରି ବ୍ରାଉନ୍…

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

ସରକାରଙ୍କ ବଡ଼ ନିଷ୍ପତ୍ତି; ଘୁଞ୍ଚିଲା ପଞ୍ଚାୟତ ନିର୍ବାଚନ, ବିଧାନସଭା ପରେ….

ଲକ୍ଷ୍ନୌ,୧୮।୧୧: ଉତ୍ତରପ୍ରଦେଶରେ ପଞ୍ଚାୟତ ନିର୍ବାଚନକୁ ନେଇ ବଡ଼ ନିଷ୍ପତ୍ତି ନେଇଛନ୍ତି ଯୋଗୀ ସରକାର । ପଞ୍ଚାୟତ ନିର୍ବାଚନ କରାଇବାର ସମୟସୀମାକୁ ଆଉ ୬ ମାସ ବୃଦ୍ଧି କରାଯାଇଛି…

‘ଅକ୍ବାନ’ ଆଲର୍ଟ: ଗୁଡ଼ାରି ବ୍ଲକ ପ୍ରଶାସନର ଜରୁରୀ ବୈଠକ, ମୁଖ୍ୟାଳୟ ନ ଛାଡ଼ିବାକୁ କର୍ମଚାରୀଙ୍କୁ କଡ଼ା ନିର୍ଦ୍ଦେଶ

ଗୁଡ଼ାରି,୧୮ା୧୧(ପ୍ରମୋଦ କୁମାର ପତି ): ସମ୍ଭାବ୍ୟ ବାତ୍ୟା ‘ଅକ୍ବାନ’କୁ ଦୃଷ୍ଟିରେ ରଖି ଗୁଡ଼ାରି ବ୍ଲକ ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି ।…

କେନ୍ଦୁଝରର ଗୌରବ: ବିଶିଷ୍ଟ କବି ଭୈରବ ଚନ୍ଦ୍ର ବେହେରାଙ୍କୁ ମିଳିଲା ମର୍ଯ୍ୟାଦାଜନକ ‘ଉତ୍କଳ ସାହିତ୍ୟ ରତ୍ନ ସମ୍ମାନ’

ପାଟଣା,୧୮।୧୧(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ କଣ୍ଟିଆପଡ଼ା ପଞ୍ଚାୟତ ଜାମୁନାଳିଆ ଗ୍ରାମର ବିଶିଷ୍ଟ କବି, ଗାଳ୍ପିକ ତଥା ଶିକ୍ଷାବିତ୍ ଭୈରବ ଚନ୍ଦ୍ର ବେହେରାଙ୍କୁ…

ରେଡ୍ ଜୋନ୍‌ରେ ଗଞ୍ଜାମ: ଅଫିସରଙ୍କ ହଜିଗଲାଣି ନିଦ, ଚିନ୍ତାରେ ଲୋକେ; ନିୟୋଜିତ ହେଲେ ୪୦ ଉଦ୍ଧାରକାରୀ ଦଳ…

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଓ ଲଗାଣ ବର୍ଷାକୁ ନେଇ ଗଞ୍ଜାମ ଜିଲାରେ ଆଶଙ୍କା ବଢ଼ିଥିବା ବେଳେ ପ୍ରଶାସନ ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି।…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?