ବଲାଙ୍ଗୀର ଅଫିସ,୧୮ା୧୦: ଜିଲା କେଶରୀୟା ହିନ୍ଦୁ ବାହିନୀ ପକ୍ଷରୁ ରାଜ୍ୟ ସଭାପତି ସନ୍ତୋଷ ଭୋଳଙ୍କ ନେତୃତ୍ୱରେ ନ୍ୟାୟାଳୟଙ୍କ ନିର୍ଦ୍ଦେଶ କ୍ରମେ ହୋଇଥିବା ଗୃହରକ୍ଷୀମାନଙ୍କ ବର୍ଦ୍ଧିତ ଦରମା (ଦୈନିକ ଭତ୍ତା ୫୩୩/ ଟଙ୍କା) ତୁରନ୍ତ ଲାଗୁ ନେଇ ଦାବି ହୋଇଛି । ଏନେଇ ମୁଖ୍ୟମନ୍ତ୍ରୀଙ୍କୁ ଜିଲାପାଳଙ୍କ ମାଧ୍ୟମରେ ଏକ ଦାବିପତ୍ର ପ୍ରଦାନ କରାଯାଇଛି। ବର୍ତ୍ତମାନ ସମୟରେ ନିତ୍ୟ ବ୍ୟବହାର୍ଯ୍ୟ ସାମଗ୍ରୀର ଦରଦାମ୍ ବୃଦ୍ଧି ପାଉଥିବାରୁ ସେମାନଙ୍କ ପରିବାର ୩୦୦ ଟଙ୍କା ଦୈନିକ ଭତ୍ତାରେ ଚଳିବା ବହୁ କଷ୍ଟକର। ଗୃହରକ୍ଷୀ ଭାଇଭଉଣୀମାନେ ଦିନକୁ ୧୨ ଘଣ୍ଟା ଅକ୍ଲାନ୍ତ ପରିଶ୍ରମ କରି ସୁଦ୍ଧା ଏକ ଦିନ ମଜୁରିଆ ଠାରୁ କମ୍ ପଇସା ପାଉଛନ୍ତି।
ଏନେଇ ରାଜ୍ୟ ସରକାରଙ୍କୁ ଉଚ୍ଚ ନ୍ୟାୟାଳୟ ଦୀର୍ଘ ୨ ବର୍ଷ ହେଲା ଆଦେଶ ଦେବା ସତ୍ତ୍ୱେ ଆଜି ପର୍ଯ୍ୟନ୍ତ ଏହା କାର୍ଯ୍ୟକାରୀ ହୋଇପାରିନାହିଁ। ଏଣୁ ଏହାକୁ ଯଥାଶୀଘ୍ର କାର୍ଯ୍ୟକାରୀ କରିବାକୁ ମୁଖ୍ୟମନ୍ତ୍ରୀଙ୍କ ଦୃଷ୍ଟି ଆକର୍ଷଣ କରିଛନ୍ତି। ତୁରନ୍ତ କାର୍ଯ୍ୟକାରୀ ନ ହେଲେ ଆଗାମୀ ଦିନରେ କେଶରୀୟା ହିନ୍ଦୁ ବାହିନୀ ପକ୍ଷରୁ ବ୍ୟାପକ ଆନ୍ଦୋଳନ କରାଯିବ।
ଉକ୍ତ କାର୍ଯ୍ୟକ୍ରମରେ ରାଜ୍ୟ କୋଷାଧ୍ୟକ୍ଷ ସୁଶୀଲ ସାହୁ, ରାଜ୍ୟ ସଂଗଠନ ମନ୍ତ୍ରୀ ସୁବ୍ରତ କୁଆଁର, ଜିଲା ସଭାପତି ପ୍ରଦୀପ କୁମାର ତ୍ରିପାଠୀ, ଜିଲା ବରିଷ୍ଠ ଉପାଧ୍ୟକ୍ଷ ଶଙ୍କର୍ଷଣ ଆଚାର୍ଯ୍ୟ, ଜିଲା ଉପସଭାପତି ପ୍ରଦୀପ ଦାସ, ଜିଲା ପ୍ରବକ୍ତା ଦେବାନନ୍ଦ ନାୟକ,ପ୍ରଦୀପ ସାହୁ, ବୁଲୁ ପର୍ଦିଆ, ରାଜୁ ନାଏକ, ଜିଲା ଯୁବ ମୋର୍ଚ୍ଚା ସଭାପତି ଆଲୋକ ନାଥ ପଣ୍ଡା, କବି ସାହୁ, ସୁରଜ ବକୁଳ, ସନଥ ପାତ୍ର ପ୍ରମୁଖ ସାମିଲ ଥିଲେ।
