କୋରାପୁଟ,୧୬ା୩(ଅମିତାଭ ବେହେରା): କୋରାପୁଟ ରେଲଓ୍ବେ ଅଧୀନରେ ଥିବା ୩ଟି ବ୍ଲକର ୧୦ଟି ସ୍ଥାନରେ ପୁଶିଂ ବ୍ରିଜ ନିର୍ମାଣ ପାଇଁ ଆଜି ଡିଆରଏମ୍ଙ୍କୁ ରବିବାର ସ୍ଥାନୀୟ ଷ୍ଟେଶନଠାରେ ସାକ୍ଷାତ କରି ପୂର୍ବତନ ବିଧାୟକ ନିମାଇଁ ସରକାର ଏକ ଦାବିପତ୍ର ପ୍ରଦାନ କରିଛନ୍ତି। ବିଶାଖାପାଟଣା ରେଳ ଡିଭିଜନର ଡିଆରଏମ ଲଳିତ ବୋରାଙ୍କ ରବିବାର କୋରାପୁଟ ଗସ୍ତ ବେଳେ ନନ୍ଦପୁର ବ୍ଲକର ନାରୀଗାଁରେ ୩ଟି, ଡାର୍ଲିପୁଟରେ ୨ଟି, ଲମତାପୁଟ ବ୍ଲକର ପାଳିବା, କୋରାପୁଟ ବ୍ଲକର ତିଆଡ଼ିପୁଟ, ଘାଟ ମୁନ୍ଦାର, ଗିଞ୍ଜିରୀଗୁଡ଼ା ଏବଂ ମୂଷିଲାଗୁଡ଼ାଠାରେ ପୁଶିଂ ବ୍ରିଜ ନିର୍ମାଣ କରିବାକୁ ଦାବି କରିଛନ୍ତ। ପୁଶିଂ ବ୍ରିଜ ନ ଥିବାରୁ ଅଞ୍ଚଳବାସୀ ରେଳ ଲାଇନକୁ ବିପଦସଂକୁଳ ଭାବେ ପାରି ହେଉଥିବାବେଳେ ବିଭିନ୍ନ ସମୟରେ ଦୁର୍ଘଟଣାର ଶିକାର ହେଉଥିବା ଅଭିଯୋଗ କରିଛନ୍ତି। ତେଣୁ ରେଲଓ୍ବେ ବିଭାଗ ପକ୍ଷରୁ ତୁରନ୍ତ ଉପରୋକ୍ତ ୧୦ଟି ସ୍ଥାନରେ ପୁଶିଂ ବ୍ରିଜ ନିର୍ମାଣ କରାଯାଉ ବୋଲି ଏହି ଦାବିପତ୍ରରେ ଉଲ୍ଲେଖ କରିଛନ୍ତି। ଡିଆରଏମ୍ ମଧ୍ୟ ଏହି ଦାବିପତ୍ର ଗ୍ରହଣ କରିବା ପରେ ଶୀଘ୍ର ଏ ଦିଗରେ ପଦକ୍ଷେପ ଗ୍ରହଣ କରାଯିବ ବୋଲି ପ୍ରତିଶ୍ରୁତି ଦେଇଛନ୍ତି।
