ଦାରିଙ୍ଗବାଡ଼ି,୧୪।୮(ଅରୁଣ ସାହୁ): କନ୍ଧମାଳ ଜିଲା ଦାରିଙ୍ଗବାଡ଼ିିରେ ବ୍ଲକସ୍ତରୀୟ ୭୭ତମ ସ୍ବାଧୀନତା ଦିବସ ପାଳନ ପାଇଁ ପ୍ରସ୍ତୁତି ଶେଷ ପର୍ଯ୍ୟାୟରେ ପହଞ୍ଚିଛି। ବ୍ଲକର ବ୍ରାହ୍ମଣୀଗାଁ, ଗଦାପୁର, କାଟିଙ୍ଗିଆ, ସରାମୁଳି, ହାତୀମୁଣ୍ଡା, ଝିଞ୍ଜିରୀଗୁଡା, କୁମ୍ଭାରିପଦର, ତାଜୁଙ୍ଗିଆ, ସୋନପୁର, ସିକାବର୍ଗ, ଦାସିଙ୍ଗବାଡି, ସିମନବାଡି, ଭ୍ରମରବାଡ଼ି, ସିଆଙ୍ଗବାଲି, ତିଲୋରୀ, କିରିକୁଟି, ବୁଡ଼ାଗୁଡା, ଗୁମିକିଆ, ପର୍ତ୍ତମାହା, ବାଡାବାଙ୍ଗା, ଦାରିଙ୍ଗବାଡି, ପ୍ଳିହେରି, ଶ୍ରାନିକେତା, ଗ୍ରୀନବାଡି ଏବଂ ଦନେକବାଡି ପଞ୍ଚାୟତ ଅଞ୍ଚଳରେ ରହିଥିବା ସମସ୍ତ ସରକାରୀ ଓ ବେସରକାରୀ ଶିକ୍ଷା ଅନୁଷ୍ଠାନ ସମେତ ପଞ୍ଚାୟତ କାର୍ଯ୍ୟାଳୟ ସମେତ ସରକାରୀ ଓ ବେସରକାରୀ ଅନୁଷ୍ଠାନ ଗୁଡିକରେ ସ୍ବାଧୀନତା ଦିବସ ପାଳନ କରାଯିବ। ଏନେଇ ଜୋରଦାର ପ୍ରସ୍ତୁତି କରାଯାଇଛି।
ଦାରିଙ୍ଗବାଡି ବ୍ଲକସ୍ତରୀୟ କାର୍ଯ୍ୟକ୍ରମରେ ଛାତ୍ରୀଛାତ୍ରଙ୍କ ମିଳିତ ପ୍ୟାରେଡ୍ ସହ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହେବ। ଏନେଇ ଦାରିଙ୍ଗବାଡି ସଜେଇ ହେଉଥିବା ବେଳେ ସ୍ବଚ୍ଛ ଭାରତ ମିଶନ ପକ୍ଷରୁ ବଜାର, ରାସ୍ତା ଘାଟ ସଫେଇ କରାଯାଇଛି। ସେହିପରି ଅଟୋ ମାଲିକ ସଙ୍ଘ ପକ୍ଷରୁ ମଧ୍ୟ ସଫେଇ କରାଯାଉଥିବା ବେଳେ ପ୍ୟାରେଡ୍ ପଡ଼ିଆକୁ ଦାରିଙ୍ଗବାଡି ଅନ୍ତରଙ୍ଗ ଯୁବ ସଙ୍ଘ ପକ୍ଷରୁ ସଫେଇ କରାଯିବା ସହ କାର୍ଯ୍ୟକ୍ରମକୁ ସଫଳ କରିବା ପାଇଁ ସହଯୋଗ କରାଯାଉଥିବା ମହାସଙ୍ଘର ଜିଲା ସଭାପତି ଦିଲିପ କୁମାର ସାହୁ, ଧନେଶ୍ୱର ସାହୁ, ସଦାନନ୍ଦ ସିଂ ପ୍ରମୁଖ କହିଛନ୍ତି। ଶାନ୍ତି ଶୃଙ୍ଖଳା ପାଇଁ ଦାରିଙ୍ଗବାଡି ଆଇଆଇସି କୌଶିକ ମାଝିଙ୍କ ନେତୃତ୍ୱରେ ବିଭିନ୍ନ ସ୍ଥାନରେ ପାଟ୍ରୋଲିଂ କରାଯିବା ସହ ଗାଡିମୋଟର ଯାଞ୍ଚ କରାଯାଉଛି।
