କଟକଣା ଢିଲା ହେଲେ ଜିଲାକୁ ବିପଦ

ଅନୁଗୋଳ ଅଫିସ, ୧୬ା୧୦

ସପ୍ତାହେ ପରେ ଦୁର୍ଗା ପୂଜା। ଏଣେ ଅନୁଗୋଳ ଜିଲାରେ ଦ୍ରୁତଗତିରେ ବଢ଼ିଚାଲିଛି କରୋନା ସଂକ୍ରମଣ। ଦୈନିକ ୨ଶହରୁ ଅଧିକ ପଜିଟିଭ୍‌ ବାହାରୁଛନ୍ତି ଜିଲାରୁ। ଏପରି ସ୍ଥିତିରେ ସରକାରୀ ଗାଇଡ୍‌ଲାଇନ ମଧ୍ୟରେ ପୂଜା ପାଳନ କରାଯିବା ଜିଲା ପ୍ରଶାସନ ପାଇଁ ନିଶ୍ଚିତ ଏକ ଚ୍ୟାଲେଞ୍ଜ। କୋଭିଡ୍‌ କଟକଣାରେ ସାମାନ୍ୟ ଢିଲା ଜିଲାରେ ସଂକ୍ରମଣ ସଂଖ୍ୟାରେ ଭୟଙ୍କର ବୃଦ୍ଧି ଘଟାଇପାରେ। ଏହାକୁ ଦୃଷ୍ଟିରେ ରଖି ପ୍ରଶାସନ ପକ୍ଷରୁ ସମସ୍ତ ପୂଜା କମିଟି ସହ ଆଲୋଚନା କରାଯାଇଛି। ପୂଜକ, କର୍ତ୍ତାଙ୍କୁ ମିଶାଇ ମାତ୍ର ୭ ଜଣ ଉପସ୍ଥିତ ରହିବା ସହ ଆବଦ୍ଧ ମଣ୍ଡପରେ ଦେବୀଙ୍କୁ ଆବାହନ ପାଇଁ ବୁଝାଇ ଦିଆଯାଇଛି।
ଅନୁଗୋଳ ଜିଲାରେ ବଡ଼ ଆଡ଼ମ୍ବରରେ ପାଳନ ହୁଏ ଦୁର୍ଗାପୂଜା। ଏହା ପରେ ମା’ ଲକ୍ଷ୍ମୀଙ୍କ ପୂଜା ପଡ଼ୁଥିବାରୁ ପାର୍ବଣ ମାହୋଲ ବେଶ୍‌ ଅଧିକ ଦିନ ଲାଗି ରୁହେ। କିନ୍ତୁ ଚିଳତବର୍ଷ କରୋନା ସଂକ୍ରମଣକୁ ଦୃଷ୍ଟିରେ ରଖି ସରକାର ପୂଜା ପାଇଁ ସ୍ବତନ୍ତ୍ର ଗାଇଡ୍‌ଲାଇନ୍‌ ଜାରି କରିଛନ୍ତି। ଏହାକୁ ଯେପରି କଡ଼ାକଡ଼ି ଭାବେ ପାଳନ କରାଯାଏ ସେ ନେଇ ମଧ୍ୟ ଜିଲାପାଳ ଓ ଏସ୍‌ପିଙ୍କୁ ଦାୟିତ୍ୱ ଦେଇଛନ୍ତି। ତଦନୁଯାୟୀ ଅନୁଗୋଳ ଜିଲା ପ୍ରଶାସନ ପକ୍ଷରୁ ସରକାରୀ କଟକଣା ସମ୍ପର୍କରେ ସମସ୍ତ ପୂଜା କମିଟିକୁ ଅବଗତ କରାଯାଇଛି। ଗୁରୁବାର ଅପରାହ୍ନରେ ସେଣ୍ଟ୍ରାଲ ପୂଜା କମିଟର କର୍ମକର୍ତ୍ତାଙ୍କୁ ଡାକି ଆଲୋଚନା କରାଯାଇଛି। ପ୍ରତି ମଣ୍ଡପରେ ୭ ଜଣ ହିଁ ରହିପାରିବେ। ମଣ୍ଡପକୁ ଚାରି ପାଖରୁ ଆବଦ୍ଧ କରାଯାଇ ତାହାରି ମଧ୍ୟରେ ପୂଜାକୁ ସୀମିତ ରଖାଯିବ। କୌଣସି କମିଟି ଡାକବାଜି ଯନ୍ତ୍ର ବ୍ୟବହାର କରିପାରିବେ ନାହିଁ। ଭସାଣି ଶୋଭାଯାତ୍ରା ମଧ୍ୟ ହୋଇପାରିବ ନାହିଁ। କମିଟିର କୌଣସି କର୍ମକର୍ତ୍ତା କଟକଣା ଉଲ୍ଲଂଘନ କଲେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ବୈଠକରେ ଅଧ୍ୟକ୍ଷତା କରିଥିବା ଜିଲାପାଳ ସିଦ୍ଧାର୍ଥ ଶଙ୍କର ସ୍ବାଇଁ ପୂଜା କମିଟି କର୍ମକର୍ତ୍ତାମାନଙ୍କୁ ସ୍ପଷ୍ଟ ଭାବେ ଜଣାଇ ଦେଇଛନ୍ତି। ଅପରପକ୍ଷରେ ସରକାରଙ୍କ ନୀତି ନିୟମ ମଧ୍ୟରେ ପୂଜା ନେଇ ଶିମିଳିପଡ଼ା, ହୁଲୁରିସିଂହା, ବସ୍‌ଷ୍ଟାଣ୍ଡ, ସୁସୁଡ଼ା, କାଲଟାକ୍ସ, ଗାନ୍ଧୀଛକ, ରାଣୀଗୁଡ଼ା ଆଦି କମିଟି ପକ୍ଷରୁ କାର୍ଯ୍ୟ ଆରମ୍ଭ ହୋଇଥିବା ସୂଚନା ମିଳିଛି। ତେବେ ଘରେ ବସି ଶ୍ରଦ୍ଧାଳୁମାନେ ଯେପରି ମା’ଙ୍କ ପୂଜାର ସିଧା ପ୍ରସାରଣ ଦେଖିପାରିବେ ସେଥିପାଇଁ ସେଣ୍ଟ୍ରାଲ ପୂଜା କମିଟି ପକ୍ଷରୁ ପ୍ରଶାସନକୁ ପ୍ରସ୍ତାବ ଦିଆଯିବାର ଯୋଜନା ରହିଥିବା ସୂଚନା ମିଳିଛି।
ସରକାରଙ୍କ ନିର୍ଦ୍ଦେଶ ପାଳନ କରାଯିବ
ସରକାର କରିଥିବା ନିୟମ ମଧ୍ୟରେ ହିଁ ପୂଜା କରାଯିବ। ତେବେ ମା’ଙ୍କ ପୂଜାର ସିଧା ପ୍ରସାରଣ କରିବା ପାଇଁ ପ୍ରଶାସନ ନିକଟରେ ପ୍ରସ୍ତାବ ରଖାଯିବ। ଲୋକାଲ ଚ୍ୟାନେଲ ଓ ସାମାଜିକ ଗଣମାଧ୍ୟମରେ କିପରି ଶ୍ରଦ୍ଧାଳୁମାନେ ଏହା ଦେଖିପାରିବେ ସେ ନେଇ ବ୍ୟବସ୍ଥା କରାଯିବାର ଯୋଜନା କରାଯାଉଛି।
-ଅକ୍ଷୟ କୁମାର ସାମନ୍ତ, ସଭାପତି, ସେଣ୍ଟ୍ରାଲ ପୂଜା କମିଟି
ଦର୍ଶନରୁ ବଞ୍ଚିତ ହେବା କଷ୍ଟ ଦେବ
କରୋନା ଯୋଗୁ ପୂଜାକୁ ନେଇ ଉତ୍ସାହ କମିଯାଇଛି। ତେବେ ମା’ଙ୍କ ଦର୍ଶନରୁ ବଞ୍ଚିତ ରହିବା ଶ୍ରଦ୍ଧାଳୁମାନଙ୍କ ପାଇଁ କଷ୍ଟଦାୟକ। ମଣ୍ଡପକୁ ନ ଯାଇ କେମିତି ସମସ୍ତେ ଦେବୀଙ୍କୁ ଦେଖିପାରିବେ ତାହାର ବ୍ୟବସ୍ଥା କରାଗଲେ ଭଲ ହୁଅନ୍ତା। ଦଶମୀରେ ହେଉଥିବା ସିନ୍ଦୂର ଖେଳକୁ ମଧ୍ୟ ମିସ୍‌ କରିବୁ।
-ସରିତା ମିଶ୍ର, ଅନୁଗୋଳବାସୀ
ଆବେଦନ ଅନୁସାରେ ଫୋର୍ସ ମୁତୟନ
ସରକାରଙ୍କ ଗାଇଡ୍‌ଲାଇନ୍‌ ମାନି ସହରରେ ପୂଜା ପାଳନ କରିବାକୁ କୁହାଯାଇଛି। ଏଥିପାଇଁ କମିଟିଗୁଡ଼ିକୁ ଆବେଦନ କରିବାକୁ ପଡ଼ିବ। ସେମାନେ ଆବେଦନ କରିବା ପରେ ମଣ୍ଡପଗୁଡ଼ିକରେ ଫୋର୍ସ ମୁତୟନ ବ୍ୟବସ୍ଥା କରାଯିବ। ସେହିପରି ଦର୍ଶନ ପାଇଁ ମଣ୍ଡପକୁ ନ ଯିବାକୁ ଲୋକଙ୍କୁ ଡାକବାଜି ଯନ୍ତ୍ର ମାଧ୍ୟମରେ ସଚେତନ କରାଯିବ।
-ଜଗମୋହନ ମୀନା, ଏସ୍‌ପି, ଅନୁଗୋଳ
ସରକାରୀ ନିୟମର ତଦାରଖ କରାଯିବ
ପୂଜା ପାଇଁ ସରକାର ଜାରି କରିଥିବା ଗାଇଡ୍‌ଲାଇନ୍‌ ସମ୍ପର୍କରେ ପୂଜା କମିଟିର ସଦସ୍ୟମାନଙ୍କୁ ଡାକି ପୁଙ୍ଖାନୁପୁଙ୍ଖ ଭାବେ ଆଲୋଚନା କରାଯାଇଛି। ମୂର୍ତ୍ତି ୪ ଫୁଟ ଉପରକୁ କରାଯିବ ନାହିଁ। ମଣ୍ଡପର ଚାରିପାଖ ଆବଦ୍ଧ କରାଯାଇ ପୂଜା କରାଯିବ। ସରକାରୀ ନିୟମ ପାଳନ କରାଯାଉଛି କି ନାହିଁ ତାହାର ମଧ୍ୟ ତଦାରଖ କରାଯିବ।
-ସିଦ୍ଧାର୍ଥ ଶଙ୍କର ସ୍ବାଇଁ, ଜିଲାପାଳ, ଅନୁଗୋଳ


Enter your email to get our daily news in your inbox.

All Right Reserved By Dharitri.Com

ସୋନୀ ସାଜିଲେ ଛତିଶଗଡ଼ ବୋହୂ

ଝାରସୁଗୁଡ଼ା ଅଫିସ,୨୧।୪:  ୫ବର୍ଷ ତଳେ ଛତିଶଗଡ଼ରୁ ମହାନଦୀ ବନ୍ୟାଜଳରେ ଭାସିଆସିଥିବା ଯୁବତୀ ସୋନୀ ଯାଦବଙ୍କ ବୁଧବାର ବାହାଘର ପରେ ବଧୂ ବେଶରେ ଓଡିଶାରୁ ଛତିଶଗଡ଼ ଫେରିଯାଇଛନ୍ତି।...

କୋହଳ ହେବନାହିଁ ଟ୍ରାଫିକ୍‌ ଜରିମାନା: ମନ୍ତ୍ରୀ

ଭୁବନେଶ୍ୱର,୪।୧୨(ବ୍ୟୁରୋ): ଆଉ କୋହଳ ହେବନାହିଁ ଟ୍ରାଫିକ୍‌ ଜରିମାନା। ଏବେ ଲୋକମାନେ ସଚେତନ ହେବା ଆରମ୍ଭ କଲେଣି ବୋଲି କହିଛନ୍ତି ପରିବହନ ମନ୍ତ୍ରୀ ପଦ୍ମନାଭ ବେହେରା। ତେବେ...

କୋଭିଡ-୧୯ କକ୍ଷ ପରିଦର୍ଶନ

ତାଳଚେର/ଅନୁଗୋଳ ଅଫିସ,୧୨ା୪(ନି.ପ୍ର.) – ତାଳଚେରସ୍ଥିତ ଏମ୍‌ସିଏଲ୍‌ର ନେହେରୁ ଶତାବ୍ଦୀ ସେଣ୍ଟ୍ରାଲ ହସ୍ପିଟାଲର କୋଭିଡ-୧୯ କକ୍ଷକୁ ଭୁବନେଶ୍ୱର ସମ୍‌ ହସ୍ପିଟାଲର ଏକ ଟିମ୍‌ ଶନିବାର ପରିଦର୍ଶନ କରିଛନ୍ତି।...

ପ୍ରଶାସନିକସ୍ତରରେ ବଡ଼ଧରଣର ଅଦଳବଦଳ: ବଦଳିଲେ ୯ ଜିଲାପାଳ

ଭୁବନେଶ୍ୱର,୨୨ା୬(ବ୍ୟୁରୋ) : ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶୁକ୍ରବାର ପ୍ରଶାସନିକସ୍ତରରେ ବଡ଼ଧରଣର ଅଦଳବଦଳ କରିଛନ୍ତି। ଏଥିରେ ଉଭୟ ଭାରତୀୟ ପ୍ରଶାସନିକ ସେବା(ଆଇଏଏସ୍‌) ଏବଂ ଓଡ଼ିଶା ପ୍ରଶାସନିକ ସେବା(ଓଏଏସ୍‌)...

ଶପଥ ନେଲେ ବିଚାରପତି ସଞ୍ଜୀବ ପାଣିଗ୍ରାହୀ

କଟକ ଅଫିସ,୧୧ା୨: ଓଡ଼ିଶା ହାଇକୋର୍ଟର ନୂତନ ବିଚାରପତି ଭାବେ ସୋମବାର ଅପରାହ୍ନରେ ଶପଥ ଗ୍ରହଣ କରିଛନ୍ତି ସଞ୍ଜୀବ କୁମାର ପାଣିଗ୍ରାହୀ। ହାଇକୋର୍ଟ ପୁରୁଣା କୋଠାର ନୂତନ...

ପିଆରଏମ ମେଡିକାଲ କଲେଜ ଅଧୀକ୍ଷକଙ୍କ ବହିଷ୍କାର ଦାବି କଲା ଭଞ୍ଜସେନା

ବାରିପଦା ଅଫିସ, ୪ା୨- ପଣ୍ଡିତ ରଘୁନାଥ ମୁର୍ମୁ (ପିଆରଏମ୍‌) ମେଡ଼ିକାଲ କଲେଜ ଓ ହସ୍ପିଟାଲରେ ବିପର୍ଯ୍ୟସ୍ଥ ସ୍ବାସ୍ଥ୍ୟସେବା ବିରୋଧରେ ସୋମବାର ଭଞ୍ଜସେନାର କାର୍ଯ୍ୟକର୍ତ୍ତା ଜିଲା ପ୍ରଶାସନ...

ବିରଜା କ୍ଷେତ୍ରକୁ ନୂତନ ରେଳପଥ ସଂଯୋଗ ଆଶା ମଉଳିଲା

ଯାଜପୁର ଅଫିସ,୫।୨: ଚଳିତ ରେଳ ବଜେଟ ଯାଜପୁର ଜିଲା ପାଇଁ ନିରାଶଜନକ ହୋଇଛି । ପୂର୍ବତଟ ରେଳପଥ ଅଧୀନ ଯାଜପୁର-କେଉଁଝରରୋଡ ଷ୍ଟେଶନଠାରୁ ଧାମରା ପର୍ଯ୍ୟନ୍ତ ଭାୟା...

ଠକ କମ୍ପ୍ୟୁଟର ସଂସ୍ଥା ବିରୋଧରେ ହେବ କାର୍ଯ୍ୟାନୁଷ୍ଠାନ

ଭୁବନେଶ୍ୱର,୨୮।୫: ସାରା ରାଜ୍ୟରେ ଛତୁ ଫୁଟିଲା ପରି କମ୍ପ୍ୟୁଟର ପାଠ୍ୟକ୍ରମ ପ୍ରଦାନ କରୁଥିବା ସଂସ୍ଥା ଖୋଲିଛି। ଏହିସବୁ ସଂସ୍ଥା କେତେକ ଏନ୍‌ଜିଓ ଓ ଅଣ ଅନୁମୋଦିତ...

Advertisement


Archives

Model This Week