ସମାଜରେ ଅନେକ ଭୂତ କାହାଣୀ ଶୁଣିଥିବେ। କିନ୍ତୁ ମହାକାଶରେ ଭୂତ ନାଚୁଥିବା କେବେ ଶୁଣିଛନ୍ତି କି? ବୋଧହୁଏ ନା। ନିକଟରେ ମହାକାଶରେ ଭୂତ ନାଚୁଥିବା ଫଟୋ ଭାଇରାଲ ହୋଇଛି। ମହାକାଶରେ ଦୁଇ ଆକାଶଗଙ୍ଗା ପାର୍ଶ୍ୱରେ ଏହି ଭୂତ ଦୃଶ୍ୟମାନ ହେଉଛି। ଏହାସହ ତା’ ପାଖରେ ଏକ ବଡ ଭୟାନକ ‘ବ୍ଲାକ ହୋଲ୍’ ମଧ୍ୟ ରହିଛି। ଅଷ୍ଟ୍ରେଲିଆର ମହାକାଶ ବିଜ୍ଞାନୀମାନେ ଦୂରବୀକ୍ଷଣ ଯନ୍ତ୍ର ସାହାଯ୍ୟରେ ଏହା ଦେଖିବା ପରେ ଆଶ୍ଚର୍ଯ୍ୟ ହୋଇଯାଇଛନ୍ତି। ଏବେ ବୈଜ୍ଞାନିକମାନେ ସେହି ନାଚୁଥିବା ଭୂତ ଉପରେ ଅଧ୍ୟୟନ କରିବାରେ ଲାଗିପଡିଛନ୍ତି। ଅଷ୍ଟ୍ରେଲିଆରେ ଓ୍ବେଷ୍ଟର୍ଣ୍ଣ ସିଡନୀ ୟୁନିଭରସିଟିର ସ୍କୁଲ ଅଫ୍ ସାଇନ୍ସର ପ୍ରଫେସର ତଥା ମହାକାଶ ବିଜ୍ଞାନୀ ନୋରିସ କହିଛନ୍ତି ଯେ, ପ୍ରକୃତରେ ନାଚୁଥିବା ଆକୃତିଗୁଡିକ କ’ଣ ତାହା ଏପର୍ଯ୍ୟନ୍ତ ଜଣାପଡିନାହିଁ।
