ମହାକାଳପଡ଼ା,୨୬ା୯(ପ୍ରତାପ ଚନ୍ଦ୍ର ସ୍ବାଇଁ): ଲଘୁଚାପ ପ୍ରଭାବରେ ସାମୁଦ୍ରିକ ଜୁଆର ମାଡ଼ରେ ଜରି ପଲିଥିନରେ ନଦୀ ପାର୍ଶ୍ୱମାଟି ଅତଡ଼ା ଖସିବା ଯୋଗୁ ବନ୍ଧ ପ୍ରତି ବିପଦ ସୃଷ୍ଟି ହୋଇଛି।
ମିଳିଥିବା ସୂଚନାନୁସାରେ, ବ୍ଲକ ଅଧିକ ସ୍ଥାନୀୟ କେବି ଦାଣ୍ଡୁଆ ପାଞ୍ଚାୟତ ସ୍ଥାନୀୟ ରଡିଆ-କଂସାର ସଂଲଗ୍ନ ଗୋବରୀ ନଦୀ ପାର୍ଶ୍ୱରେ ବହୁ କୋଟି ଟଙ୍କା ବ୍ୟୟରେ ବନ୍ଧ ନିର୍ମାଣ ହୋଇଥିଲା। ହଲେ ନିମ୍ନମାନର ରାସ୍ତା ନିର୍ମାଣ ଯୋଗୁ ଜୁଆର ମାଡ଼ରେ କୂଳ ଲଙ୍ଘନ କରିଛି। ଫଳରେ କିଛିଦିନ ପୂର୍ବରୁ ଏହି ଘେରି ବନ୍ଧ ନିର୍ମାଣରେ ବହ୍ଲା ବାଲି ବସ୍ତା ଓ ପଲିଥିନ ଜରିରେ ତାଳି ପକାଇ ଜଳ ସମ୍ପଦ ବିଭାଗ କାମ ସାରିଥିଲା। ଅପରପକ୍ଷରେ ଏହି ନଦୀକୂଳରେ କେତେକ ବେଆଇନ ଚିଙ୍ଗୁଡି ଘେରି ନିର୍ମାଣ ଯୋଗୁ ବିପଦ ସୃଷ୍ଟି କରୁଛି ବୋଲି କହିଛନ୍ତି ଗାଁ ଲୋକମାନେ। ଚିଙ୍ଗୁଡି ଘେରିର ବର୍ଜ୍ୟବସ୍ତୁ ଜଳ ନିଷ୍କାସନ ହେବା ସହିତ କଙ୍କଡ଼ା କୋଚିଆ ଗାତ ଘଳିଆ ଯୋଗୁ ନଦୀବନ୍ଧ ଦୁର୍ବଳ ହେଉଛି ବୋଲି କହିଛନ୍ତି ଗ୍ରାମବାସୀ। ଏ ସମ୍ପର୍କରେ ଆଳି ନଦୀ ତଟବନ୍ଧ (ଜଳସେଚନ ବିଭାଗ) ଅଧୀକ୍ଷଣ ଯନ୍ତ୍ରୀ ସନ୍ଦୀପ ସାହୁଙ୍କ ମତାମତ ନେବାରୁ ରିପୋର୍ଟ ଯାଇଛି, ଖୁବ୍ଶୀଘ୍ର ୨୫ କୋଟି ଟଙ୍କାର ଏକ ମେଗା ପ୍ରୋଜେକ୍ଟରେ କାମ ହେବ ବୋଲି କହିଛନ୍ତି।
