ଲଣ୍ଡନ,୨୯।୧୦: ପ୍ରସିଦ୍ଧ ଫୁଟବଲ ଖେଳାଳି କ୍ରିଷ୍ଟିଆନୋ ରୋନାଲଡୋ ଯମଜ ସନ୍ତାନର ପିତା ହେବାକୁ ଯାଉଛନ୍ତି। ସେ ସୋସିଆଲ ମିଡିଆ ମାଧ୍ୟମରେ ଏହି ସୂଚନା ଦେଇଛନ୍ତି। ପର୍ତ୍ତୁଗାର୍ଲ ଫୁଟବଲ ଖେଳାଳି ରୋନାଲଡୋଙ୍କ ପୂର୍ବରୁ ୪ ସନ୍ତାନ ଅଛି। ସେ ଏବେ ଇଂରାଜୀ ଫୁଟବଲ କ୍ଲବ ମଞ୍ଚେଷ୍ଟର ୟୁନାଇଟେଡରେ ଖେଳୁଛନ୍ତି। ଚଳିତ ସିଜନରେ ବିଶ୍ୱର ଅନ୍ୟତମ ତାରକା ଫୁଟବଲ ଖେଳାଳି ରୋନାଲଡୋ ପୁଣିଥରେ ୟୁନାଇଟେଡରେ ଯୋଗ ଦେଇଛନ୍ତି। ଏହାପୂର୍ବରୁ ସେ ଇଟାଲୀ କ୍ଲବ ଜୁଭେଣ୍ଟସ ଏବଂ ଫ୍ରେଞ୍ଚ କ୍ଲବ ରିଅଲ ମାଦ୍ରିଦରେ ମଧ୍ୟ ଖେଳିଛନ୍ତି।
ସୋସିଆଲ ମିଡିଆରେ କ୍ରିଷ୍ଟିଆନୋ ରୋନାଲଡୋ ଲେଖିଛନ୍ତି, ଆମେ ଯମଜ ଆଶା କରୁଛୁ। ଏହି ଖବର ଜଣାଇ ଆମେ ଖୁସି। ଆମର ହୃଦୟ ଖୁସିରେ ପରିପୂର୍ଣ୍ଣ। ଆମେ ତୁମକୁ ଭେଟିବାକୁ ଅପେକ୍ଷା କରିପାରିବୁ ନାହିଁ। ରୋନାଲଡୋଙ୍କ ୧୧ ବର୍ଷର ପୁଅ ହେଉଛି କ୍ରିଷ୍ଟିଆନୋ ଜୁନିୟର୍। ଏହା ବ୍ୟତୀତ ତିନି ବର୍ଷର ଝିଅ ଆଲାନା ଏବଂ ୪ ବର୍ଷର ଯାଆଁଳା ଶିଶୁ ଇଭା ଏବଂ ମାଟିଆ ଅଛନ୍ତି । ଗର୍ଲଫ୍ରେଣ୍ଡ ଜର୍ଜିନା ରୋଡ୍ରିଗେଜଙ୍କ ସହ ଏକ ଫଟୋ ଶେୟାର କରିବାବେଳେ ରୋନାଲଡୋ ଏହି ସୂଚନା ଦେଇଛନ୍ତି।
କ୍ରିଷ୍ଟିଆନୋ ରୋନାଲଡୋ ରିଅଲ ମାଦ୍ରିଦ ପାଇଁ ୪ଟି ଚାମ୍ପିଅନ୍ସ ଲିଗ ଟାଇଟଲ ଜିତିଛନ୍ତି। ମଞ୍ଚେଷ୍ଟର ୟୁନାଇଟେଡ ଥରେ ଏହି ଟାଇଟଲ ଜିତିଛି। ସେ ୫ ଥର ବାଲନ ଡି’ଅର୍ ପୁରସ୍କାର ଜିତିଛନ୍ତି। ସେ ନିଜ କ୍ୟାରିୟରରେ ୬୫୦ରୁ ଅଧିକ ଗୋଲ ସ୍କୋର କରିଛନ୍ତି। ସେ ଅନ୍ତର୍ଜାତୀୟ ଫୁଟବଲରେ ସର୍ବାଧିକ ଗୋଲ ସ୍କୋରର। ତେବେ ରୋନାଲଡୋ ଏପର୍ଯ୍ୟନ୍ତ ଫିଫା ବିଶ୍ୱକପ ଟାଇଟଲ ଜିତି ନାହାଁନ୍ତି। ସେ ଏବଂ ଲିଓନେଲ ମେସିଙ୍କୁ ସବୁବେଳେ ତୁଳନା କରାଯାଏ। ମେସି ବିଶ୍ୱକପ ଟାଇଟଲକୁ ମଧ୍ୟ ଅପେକ୍ଷା କରିଛନ୍ତି।
