ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଚାଲିଥିବା ଚତୁର୍ଥ ତଥା ଅନ୍ତିମ ଟେଷ୍ଟ ଭାରତ ଐତିହାସିକ ବିଜୟ ହାସଲ କରିଛି। ଏହି ଐତିହାସିକ ବିଜୟ ପରେ ଦେଶରେ ଉତ୍ସାହର ମାହୋଲ ରହିଛି। ଏହି ବିଜୟ ସହିତ ଭାରତ ଗାବାରେ ୭୦ ବର୍ଷ ପୁରୁଣା ରେକର୍ଡ ଭାଙ୍ଗିଛି। ତେବେ ଭାରତର ଏହି ବିଜୟରେ କେଉଁ ଖେଳାଳିମାନେ ହିରୋ ପାଲଟିଛନ୍ତି ଜାଣିିବା ତାଙ୍କ ବିଷୟରେ।
ମହମ୍ମଦ ସିରାଜ: ଭାରତର ଏହି ଐତିହାସିକ ବିଜୟରେ ମହମ୍ମଦ ସିରାଜ ଆଶ୍ଚର୍ଯ୍ୟଜନକ ପ୍ରଦର୍ଶନ କରିଥିଲେ। ଅଷ୍ଟ୍ରେଲିଆର ଦ୍ୱିତୀୟ ଇନିଂସରେ ୭୩ ରନ ପାଇଁ ସିରାଜ ୫ଟି ଉଇକେଟ ନେଇଥିଲେ। ଟେଷ୍ଟ କ୍ୟାରିୟରରେ ପ୍ରଥମ ଥର ପାଇଁ ସେ ଇନିଂସରେ ୫ ଉଇକେଟ ନେଇଥିଲେ।
ରିଷଭ ପନ୍ତ: ରିଷଭ ପନ୍ତ ତାଙ୍କ ବ୍ୟାଟିଂ ଅର୍ଡରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ। ପ୍ରଥମ ଇନିଂସରେ ସେ ୨୩ ରନ୍କରି ଆଉଟ ହୋଇଥିଲେ। କିନ୍ତୁ ଦ୍ୱିତୀୟ ଇନିଂସରେ ପନ୍ତ ୮୯ ରନ୍ କରି ଜିତାଇଥିଲେ। ଏହି ସମୟରେ ସେ ୧୮୦ ବଲର ସାମ୍ନା କରିଥିଲେ। ଏହି ଅବସରରେ ସେ ୯ ଚୌକା ଏବଂ ୧ ଛକା ମାରିଥିଲେ।
ୱାଶିଂଟନ୍ ସୁନ୍ଦର : ଚତୁର୍ଥ ଟେଷ୍ଟରେ ଡେବ୍ୟୁ କରିଥିବା ୱାଶିଂଟନ ସୁନ୍ଦର ଭଲ ବୋଲିଂ କରିଥିଲେ। ସେ ପ୍ରଥମ ଇନିଂସରେ ତିନୋଟି ଉଇକେଟ ଏବଂ ଦ୍ୱିତୀୟ ଇନିଂସରେ ଗୋଟିଏ ଉଇକେଟ ନେଇଥିଲେ। ସୁନ୍ଦର ବ୍ୟାଟିଂରେ ମଧ୍ୟ ଚମତ୍କାର ପ୍ରଦର୍ଶନ କରିଥିଲେ। ପ୍ରଥମ ଇନିଂସରେ ସେ ୧୪୪ ବଲରୁ ୬୨ ରନ୍ ଅର୍ଦ୍ଧଶତକୀୟ ଇନିଂସ ଖେଳିଥିଲେ। ଏହି ସମୟ ମଧ୍ୟରେ ସେ ୭ ଚୌକା ଏବଂ ଗୋଟିଏ ଛକା ମାରିଥିଲେ। ସପ୍ତମ ୱିକେଟ ପାଇଁ ସୁନ୍ଦର ଏବଂ ଶାର୍ଦ୍ଦୁଲଙ୍କ ମଧ୍ୟରେ ୧୨୩ ରନ ଶତକ ଭାଗିଦାରୀ ହୋଇଥିଲେ।
ଶାର୍ଦ୍ଦୁଲ ଠାକୁର: ପ୍ରଥମ ଇନିଂସରେ ଶାର୍ଦ୍ଦୁଲ ଠାକୁର ୩ ଉଇକେଟ ନେଇଥିଲେ। ଏଥି ସହିତ ଠାକୁର ଦ୍ୱିତୀୟ ଇନିଂସରେ ୬୧ ରନ ପାଇଁ ୪ ଉଇକେଟ ନେଇଥିଲେ। ଶାର୍ଦ୍ଦୁଲ ଠାକୁର କେବଳ ଜଣେ ଶ୍ରେଷ୍ଠ ବୋଲର ନୁହଁନ୍ତି ବରଂ ଜଣେ ଭଲ ହିଟର୍ ମଧ୍ୟ ଅଟନ୍ତି। ଶାର୍ଦ୍ଦୁଲ ୧୧୫ ବଲରେ ୯ଟି ଚୌକା ଏବଂ ୬ଟି ୨ଟି ଛକା ମାରି ୬୭ ରନ୍ କରିପାରିଛନ୍ତି।
ଶୁବମନ ଗିଲ: ପ୍ରଥମ ଇନିଂସରେ ମାତ୍ର ୭ ରନ ସ୍କୋର କରିଥିବା ଶୁଭମାନ ଦ୍ୱିତୀୟ ଇନିଂସରେ ଶତକରୁ ବଞ୍ଚିତ ହୋଇଥିଲେ। ଏହି ଯୁବ ବ୍ୟାଟ୍ସମ୍ୟାନ ଦ୍ୱିତୀୟ ଇନିଂସରେ ୧୪୬ ବଲରେ ୯୧ ରନ କରିଥିଲେ। ଏହି ଅବସରରେ ସେ ୮ଟି ଚୌକା ଏବଂ ୨ଟି ଛକା ମାରିଥିଲେ।
ଚେତେଶ୍ୱର ପୂଜାରା : ଟେଷ୍ଟରେ ଶ୍ରେଷ୍ଠ ବିବେଚିତ ହୋଇଥିବା ଚେତେଶ୍ୱର ପୂଜାରା ପ୍ରଥମ ଇନିଂସରେ ୨୫ ଏବଂ ଦ୍ୱିତୀୟ ଇନିଂସରେ ୫୬ ରନ୍ କରିଥିଲେ।
