ଗଞ୍ଜାମ,୯।୮(ଡି.ଏନ୍.ଏ.): ଗଞ୍ଜାମ ସହରରେ ଦିନକୁ ଦିନ କ୍ରିକେଟ ସଟ୍ଟା ବାଜି ବୃଦ୍ଧି ପାଇବାରେ ଲାଗିଛି l ବିଶେଷ କରି ଯୁବଗୋଷ୍ଠୀମାନେ ଏଥିପ୍ରତି ଆକୃଷ୍ଟ ହୋଇ ଲକ୍ଷ ଲକ୍ଷ ଟଙ୍କା ଏଥିରେ ବାଜି ଲଗାଉଛନ୍ତି l ଫଳରେ ସଟ୍ଟା ଖେଳର ମାଷ୍ଟରମାଇଣ୍ଡ ତଥା ବ୍ରୋକରମାନେ ରାତାରାତି ମାଲାମାଲ ହେଉଥିବା ବେଳେ ହାରୁଥିବା ଯୁବକ ମାନେ ଚରମ ନିଷ୍ପତ୍ତି ନେଉଛନ୍ତି l ଏହି ଖବର ଗଣମାଧ୍ୟମରେ ପ୍ରକାଶ ପାଇବା ପରେ ପରେ ଗଞ୍ଜାମ ଥାନା ପୋଲିସ ଏହାର ଖୋଳତାଡ଼ ଆରମ୍ଭ କରିଥିବା ଜଣାପଡିଛିl ଗଞ୍ଜାମ ସହରର କିଛି ମାଷ୍ଟରମାଇଣ୍ଡଙ୍କୁ ପୋଲିସ ଥାନାକୁ ଡାକି ତଦନ୍ତ କରୁଥିବା ଜଣାପଡିଛି। ଏଥିସହ ବିଭିନ୍ନ ଦିଗକୁ ନେଇ ପୋଲିସ ତର୍ଜମା କରୁଛି l ଯାହା ସହରରେ ଏକ ପ୍ରକାର ଆଲୋଡନ ସୃଷ୍ଟି କରିଛି l
