ନୂଆଦିଲ୍ଲୀ,୧୧ ।୧୦: ଦେଶରେ କରୋନା ମହାମାରୀକୁ ଦୂରେଇବା ପାଇଁ ଦ୍ରୁତ ଗତିରେ ଚାଲିଛି ଟିକାକରଣ କାର୍ଯ୍ୟକ୍ରମ । ଏବେସୁଦ୍ଧା ଦେଶରେ ଏହି ଟିକାକରଣ ୯୫ କୋଟି ଅତିକ୍ରମ କରିଥିବା ଜଣାପଡିଛି । କୋ-ୱିନ ପୋର୍ଟଲର ସୂଚନା ଅନୁଯାୟୀ ରବିବାର ସନ୍ଧ୍ୟା ୭ଟା ସୁଦ୍ଧା ୪୪ ଲକ୍ଷରୁ ଅଧିକ ଟିକାକରଣ କରାଯାଇଛି । କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ମନସୁଖ ମାଣ୍ଡବିୟ କହିଛନ୍ତି ଆଗାମୀ ଦିନରେ ଟିକାକରଣରେ ଭାରତ ଇତିହାସ ରଚିବ । ଏକ ଟୁଇଟ୍ କରି ସ୍ୱାସ୍ଥ୍ୟମନ୍ତ୍ରୀ ଏହି ସୂଚନା ଦେବାସହ ସମସ୍ତେ ଟିକା ନେବାକୁ ସେ ଅପିଲ କରିଛନ୍ତି । କହିଛନ୍ତି ଆପଣ ଟିକା ନେବା ସହ ଆପଣଙ୍କ ପ୍ରିୟ ପରିଜନଙ୍କୁ ବି ଟିକା ନେବାକୁ କୁହନ୍ତୁ । ସୂଚନାଯୋଗ୍ୟ, କରୋନାର ଦ୍ୱିତୀୟ ଲହର ଚାଲିଯାଇଥିବା ବେଳେ ଏବେ ଆରମ୍ଭ ହୋଇଯାଇଛି ଏହାର ତୃତୀୟ ଲହର । ଆଗକୁ ପାର୍ବଣ ଋତୁ ସହ ଶୀତ ପାଖେଇ ଆସୁଥିବାରୁ ଏବେଠାରୁ ସଂକ୍ରମିତଙ୍କ ସଂଖ୍ୟା ବଢିବାରେ ଲାଗିଲାଣି । ତେଣୁ ସମସ୍ତେ କରୋନା ନିୟମ ମାନି ଚଳିଳେ ଏହାକୁ ସହଜରେ ଏଡାଇ ଦେଇ ହେବ ବୋଲି ସରକାରଙ୍କ ପକ୍ଷରୁ ଅପିଲ କରାଯାଇଛି ।
