ବେଜିଂ,୧୨।୧: ଚାଇନାରେ କରୋନା ଭୟଙ୍କ ରୂପ ନେବାରେ ଲାଗିଛି। ଖାସ୍ କରି ଗ୍ରାମୀଣ ଅଞ୍ଚଳରେ ସଂକ୍ରମଣ ଅଣାୟତ୍ତ ହେବାରେ ଲାଗିଛି। ଜୀବନକାଳ ମଧ୍ୟରେ ଏଭଳି ସ୍ଥିତି କେବେ ଦେଖି ନ ଥିବା କେତେଜଣ ଡାକ୍ତର ପ୍ରକାଶ କରିଛନ୍ତି।
ଡାକ୍ତରଙ୍କ କହିବା ମୁତାବକ, ନଭେମ୍ବରରେ ପ୍ରାୟ ୧୦୦ ରୋଗୀ ହସ୍ପିଟାଲ ଆସୁଥିଲେ। ହେଲେ ଡିସେମ୍ବରରେ ଏହା ବୃଦ୍ଧି ପାଇ ୩ ଗୁଣା ରୋଗୀ ହସ୍ପିଟାଲ ଆସୁଥିବା ପ୍ରକାଶ କରିଛନ୍ତି। ସଂକ୍ରମଣ ବ୍ୟାପିବାରୁ ଗ୍ରାମାଞ୍ଚଳରେ ଚିକିତ୍ସା ବ୍ୟବସ୍ଥାରେ ସମସ୍ୟା ଦେଖାଦେଇଛି। ଏପରିକି ଚିକିତ୍ସା ସାମଗ୍ରୀ ନ ମିଳିବାରୁ ହସ୍ପିଟାଲଗୁଡିକୁ ବନ୍ଦ କରିବାକୁ ପଡୁଛି। ଏପରିକି ଗ୍ରାମୀଣ ଅଞ୍ଚଳର ବୟସ୍କ ଏବଂ ଶିଶୁମାନେ ଜଟିଳ ସ୍ଥିତିର ସମ୍ମୁଖୀନ ହେଉଛନ୍ତି। ଫଳରେ ବହୁ ବୟସ୍କ ବ୍ୟକ୍ତି ଆତ୍ମହତ୍ୟା ଭଳି ଚରମ ପଦକ୍ଷେପ ନେଉଥିବା ଜଣାପଡିଛି। କେତେଜଣ ବୟସ୍କ ବ୍ୟକ୍ତି କୀଟନାଶକ ପିଇ ଆତ୍ମହତ୍ୟା କରିଥିବା ତଥ୍ୟ ସାମ୍ନାକୁ ଆସିଛି। ହେଲେ ପ୍ରଶାସନ ପକ୍ଷରୁ କୌଣସି ପଦକ୍ଷେପ ନିଆଯାଉ ନ ଥିବା ଜଣାପଡିଛି।
