କରୋନା ଭାଇରସ ସମଗ୍ର ବିଶ୍ୱର ହଇଚଇ ସୃଷ୍ଟି କରିଛି। ଚାଇନାରୁ ଆରମ୍ଭ ହୋଇଥିଲା ଏହି ମରାମାରୀ ଯୋଗୁ ସମଗ୍ର ବିଶ୍ୱରେ ଲକ୍ଷ ଲକ୍ଷ ଲୋକ ଆକ୍ରାନ୍ତ ହୋଇଥିବା ବେଳେ ମୃତ୍ୟୁ ସଂଖ୍ୟା ମଧ୍ୟ ବଢ଼ିବାରେ ଲାଗିଛି। ଏହାଦ୍ୱାରା ୟୂରୋପର ଇଟାଲୀ ସବୁଠାରୁ ଅଧିକ ପ୍ରଭାବିତ ହୋଇଛି। ବର୍ତ୍ତମାନ ପର୍ଯ୍ୟନ୍ତ ଇଟାଲୀର ସ୍ଥିତି ସୁଧିରି ନାହିଁ। ମାତ୍ର ସେଠାରେ ଏମିତି ଏକ ଗାଁ ରହିଛି ଯେଉଁଠାରେ ଆଦୌ ହେଲେ କରୋନା ସଂକ୍ରମିତ ନାହାନ୍ତି। ତେବେ ଆଶ୍ଚର୍ଯ୍ୟର କଥା ହେଲା ଏହି ଗାଁରେ ଘର ବହୁତ ଶସ୍ତାରେ ମିଳାଥାଏ। ପ୍ରାକୃତିକ ସନ୍ଦର୍ଯ୍ୟରେ ଭରପୂର ଏହି ଗାଁରେ ଗୋଟିଏ ଘରର ମୂଲ୍ୟ ମାତ୍ର ୧ ଡଲାଣ, ଭାରତୀୟ ମୂଲ୍ୟରେ ୭୫ ଟଙ୍କା ହେବ। ଏହି ଗାଁ ନାମ ହେଉଛି ସିନ୍କେଫୋଣ୍ଡି। ଦକ୍ଷିଣ ଇଟାଲୀର କଲାବ୍ରିଆର ସମୂଦ୍ର ତଟରେ ଏହି ଗାଁ ଅବସ୍ଥିତ। ଗାଁର ଅଳ୍ପ ଦୂରରେ ସମୂଦ୍ର ରହିଛି। ପର୍ଯ୍ୟଟକମାନେ ସବୁ ସମୟରେ ଏଠାକୁ ଆସିଥାନ୍ତି। ଏଠାରେ ଘର କିଣିବାକୁ ହେଲେ ସବୁ ସମୟରେ ଘରକୁ ପରିଷ୍କାର ରଖିବା ସହ ମଝିରେ ମଝିରେ ରଙ୍ଗ ଦେବାକୁ ପ୍ରତିଜ୍ଞା କରିବାକୁ ପଡ଼ିବ। ଏଠାରେ ଚର୍ଚ୍ଚ ସହ ଐତିହାସିକସ୍ଥଳୀ ମଧ୍ୟ ରହିଛି। ଘରର ମୂଲ୍ୟ ୭୫ ଟଙ୍କା ହୋଇଥିବା ବେଳେ, କ୍ରେତାଙ୍କୁ ବାର୍ଷିକ ୨୮୦ ଟଙ୍କାର ବୀମା କରିବାକୁ ପଡ଼ିବ। ଘର କିଣିବାର ୩ ବର୍ଷ ମଧ୍ୟରେ ଏହାର ମରାମତି ଏବଂ ସାଜଜଜ୍ଜା ନ ହେଲେ ୨୨ହଜାର ଡଲାର ଅର୍ଥାତ୍ ୧୬ ଲକ୍ଷ ୪୩ ହଜାର ୯୪୩ ଟଙ୍କା ଜରିମାନା ଦେବାକୁ ପଡ଼ିବ। ଏ ନେଇ ଗାଁର ମେୟର ମିଶେଲା କୋନିଆ କୁହନ୍ତି, ବର୍ତ୍ତମାନ ପର୍ଯ୍ୟନ୍ତ ଗାଁରେ ଜଣେ ହେଲେ କରୋନା ପଜିଟିଭ ଚିହ୍ନଟ ହୋଇ ନାହାନ୍ତି। ତେବେ ଗାଁରେ ଜନସଂଖ୍ୟା ବୃଦ୍ଧି ପାଇଁ ଶସ୍ତାରେ ଘର ବିକ୍ରି ହେଉଥିବା ସେ କହିଛନ୍ତି।
