ଲଣ୍ଡନ,୨।୧୨: ବ୍ରିଟେନରେ ଆସନ୍ତା ସପ୍ତାହରୁ ଲୋକଙ୍କୁ କରୋନା ପ୍ରତିଷେଧକ ଟିକା ଦିଆଯିବ। ଏନେଇ ସରକାରଙ୍କ ପକ୍ଷରୁ ଫାଇଜର ଏବଂ ବାୟୋଏନ୍ଟେକ୍ ଦ୍ୱାରା ପ୍ରସ୍ତୁତ ହୋଇଥିବା ଟିକାକୁ ମଞ୍ଜୁରୀ ଦିଆଯାଇଛି। ଏହା ଦ୍ୱାରା ପ୍ରଥମ ପାଶ୍ଚାତ୍ୟ ଦେଶ ଭାବେ ବ୍ରିଟେନ୍ରେ କରୋନା ଟିକା ଉପଲବ୍ଧ ହେବ। ଫାଇଜର ଟିକା କରୋନା ଭୁତାଣୁ ବିରୋଧରେ ୯୫ ପ୍ରତିଶତରୁ ଅଧିକ ସୁରକ୍ଷା ପ୍ରଦାନ କରିବାକୁ ସକ୍ଷମ ହେଉଥିବା କୁହାଯାଉଛି। ବ୍ରିଟେନ୍ରେ ଟିକା ଉପଲବ୍ଧ ପାଇଁ ଜର୍ମାନୀର ବାୟୋଫାର୍ମାସି୍ୟଟିକାଲ କମ୍ପାନୀ ବାୟୋଏନ୍ଟେକ୍ ଏହାର ଆମେରିକା ସହଯୋଗୀ ଫାଇଜର ପକ୍ଷରୁ ୟୁରୋପୀୟ ମହାସଂଘ ସମ୍ମୁଖରେ ଟିକା ପଞ୍ଜିକରଣ ପାଇଁ ଔପଚାରିକ ଭାବେ ଆବେଦନ କରାଯାଇଥିଲା। ବ୍ରିଟେନ୍ର ମେଡିସିନ୍ ଏବଂ ହେଲଥ୍ କେୟାର ପ୍ରଡକ୍ଟ ରେଗୁଲେଟାରୀ ଏଜେନ୍ସି ଏହି ଟିକାର ଗୁଣବତ୍ତା ଆକଳନ ଲାଗି ମଞ୍ଜୁରୀ ଦେଇଛନ୍ତି। ବ୍ରିଟେନ୍ର ସ୍ବାସ୍ଥ୍ୟମନ୍ତ୍ରୀ ନାଦିମ୍ ଜାହାଓ୍ବି କହିଛନ୍ତି ଯେ, ଏହି ଟିକାକୁ ମେଡିସିନ୍ ଏବଂ ହେଲଥ୍ କେୟାର ପ୍ରଡକ୍ଟ ରେଗୁଲେଟାରୀ ଏଜେନ୍ସି ମଞ୍ଜୁରୀ ମିଳିଲେ କିଛି ଘଣ୍ଟା ମଧ୍ୟରେ ଏହାର ବିତରଣ ଆରମ୍ଭ କରାଯିବ।
