ବାଦ୍ୟଯନ୍ତ୍ର କାରିଗରଙ୍କ ଜୀବିକା ଉପରେ କରୋନା ମାଡ଼

ଲୋଇସିଂହା,୨।୮(ଡି.ଏନ.ଏ.): ମହାମାରୀ କରୋନା ବିଭିନ୍ନ ବର୍ଗର ଲୋକଙ୍କ ଜୀବନ ଜୀବିକାକୁ ପ୍ରଭାବିତ କରିଛି। ଏଥିରୁ ବାଦ୍‌ ପଡିନାହାନ୍ତି ବାଦ୍ୟଯନ୍ତ୍ର ପ୍ରସ୍ତୁତକାରୀ କାରିଗର। ସେମାନଙ୍କ ରୋଜଗାର ବାଟ ବନ୍ଦ ହୋଇଯାଇଛି। ଏଭଳି ଦୁର୍ଦ୍ଦିନରେ ଗତି କରୁଛନ୍ତି ସୁବର୍ଣ୍ଣପୁର ଜିଲା କୁମୁଣ୍ଡେ ଗ୍ରାମର ଏକ ପରିବାର। ତରଭା ବ୍ଲକ ରାଣୀସର୍ଡା ପଞ୍ଚାୟତ କୁମୁଣ୍ଡେ ଗାଁରୁ ଆସି ବଲାଙ୍ଗୀର ଜିଲା ଲୋଇସିଂହା ବ୍ଲକ ଛେଳବାହାଲ ରାସ୍ତା ପାର୍ଶ୍ୱରେ ରୁହନ୍ତି ବସନ୍ତ ବେହେରାଙ୍କ ପରିବାର। ବସନ୍ତ ଜଣେ ବାଦ୍ୟ କାରିଗର। ବାପଅଜାଙ୍କଠାରୁ ତାଲିମ ପାଇବା ପରେ ବସନ୍ତ ପୁରୁଣା ବାଦ୍ୟକୁ ମରାମତି କରୁଛନ୍ତି। ଠିକଡି ଖୋଲ, ଉଦଣ୍ଡି ଖୋଲ, ମର୍ଦଲ, ମାନ୍ଦଳ, ଢୋଲ, ନିଶାନ, ତାସା ଆଦି ନୂଆ ବାଦ୍ୟଯନ୍ତ୍ର ପ୍ରସ୍ତୁତିରେ ସେ ଜଣେ ସିଦ୍ଧହସ୍ତ। ତାଙ୍କ ବାଦ୍ୟଯନ୍ତ୍ରର ଚାହିଦା ରହିଛି। ସେଥିପାଇଁ ସୁବର୍ଣ୍ଣପୁର, ବଲାଙ୍ଗୀର, ବରଗଡ ସମେତ ବିଭିନ୍ନ ସ୍ଥାନରୁ ଗ୍ରାହକମାନେ ବସନ୍ତଙ୍କ ହାତତିଆରି ବାଦ୍ୟଯନ୍ତ୍ର ନେବାକୁ ଆସିଥାନ୍ତି। ଏଥିରୁ ଯାହା ରୋଜଗାର ହୁଏ ସେଥିରେ ତାଙ୍କ ପରିବାର ଚଳେ। ହେଲେ ଚଳିତ ବର୍ଷ ବାଦ୍ୟଯନ୍ତ୍ର ବ୍ୟବସାୟୀ ନାହିଁ। ବହୁ କଷ୍ଟରେ କୁମ୍ଭକାରଙ୍କଠାରୁ ମାଟିର ଖୋଳ, ଚମାରଙ୍କଠାରୁ ଚମଡା କିଣି ସେ ବହୁ ବାଦ୍ୟଯନ୍ତ୍ର ନିର୍ମାଣ କରି ରଖିଛନ୍ତି। ହେଲେ କରୋନା କଟକଣା ଲାଗି ଧାର୍ମିକ, ଆଧ୍ୟାତ୍ମିକ ଓ ସାଂସ୍କୃତିକ କାର୍ଯ୍ୟକ୍ରମ ସମେତ ବିବାହ ବ୍ରତ ବନ୍ଦ ରହିଛି। ଫଳରେ ବାଦ୍ୟଯନ୍ତ୍ର ନେବାକୁ ଆଗୁଆ କହିଥିବା ଲୋକେ ଆଉ ଆସୁ ନାହାନ୍ତି। ସେହିଭଳି ପୁରୁଣା ବାଦ୍ୟଯନ୍ତ୍ର ମରାମତି କାମ ବି ବନ୍ଦ ରହିଛି। ଏପରି ପରିସ୍ଥିତିରେ ପରିବାର ଚଳିବା ଖୁବ୍‌ କଷ୍ଟକର ହେଉଛି। ଘରେ ରଖାଯାଇଥିବା ବାଦ୍ୟଯନ୍ତ୍ର ଚମଡା ନଷ୍ଟ ହେବାକୁ ବସିଛି। ଆଉ କେତେଦିନ ଏପରି ପରିସ୍ଥିତି ଲାଗି ରହିବ ସେହି ଚିନ୍ତାରେ ବସନ୍ତଙ୍କ ପରିବାର ଅଛନ୍ତି।
ସରକାରୀ ସହାୟତା କହିଲେ ତାଙ୍କୁ ପ୍ରତିମାସରେ ୫ଶହ ଟଙ୍କା ଭତ୍ତା ମିଳୁଛି। ହେଲେ ଅନ୍ୟକିଛି ସହାୟତା ତାଙ୍କୁ ମିଳୁନି ବୋଲି ବସନ୍ତ କହିଛନ୍ତି। ଗୀତ ଓ ସଙ୍ଗୀତକୁ ଜୀବନ ଦେଇଥାଏ ବାଦ୍ୟଯନ୍ତ୍ର। ହେଲେ ସେହି ସାମଗ୍ରୀ ତିଆରି ଓ ମରାମତି କରୁଥିବା କାରିଗରଙ୍କ ପ୍ରତି କାହାର ନଜର ନାହିଁ। ଏପରି ଅବହେଳାକୁ ସହିବା ଅସହ୍ୟ ବୋଲି ବସନ୍ତ କୁହନ୍ତି। ଅନ୍ୟପକ୍ଷେ ତାଙ୍କ ପାଖରେ କୌଣସି ପ୍ରାମାଣପତ୍ର ନାହିଁ। ସେଥିପାଇଁ ସେ କାରିଗର ତଥା କଳାକାର ଭତ୍ତା ପାଇବାରୁ ବଞ୍ଚତ୍ତ ହୋଇଛନ୍ତି ବୋଲି ସେ କ୍ଷୋଭର ସହ କହିଛନ୍ତି। ସରକାର ଏହି କରୋନା ବିପତ୍ତି କାଳରେ ବିଭିନ୍ନ ବର୍ଗର ଲୋକଙ୍କୁ ସହାୟତା ଦେଉଛନ୍ତି। ଏଣୁ ବାଦ୍ୟଯନ୍ତ୍ର ତିଆରି ଓ ମରାମତି କରୁଥିବା କାରିଗରଙ୍କୁ ସହାୟତା ଦିଆଯାଉ ବୋଲି ସେ ଦାବି କରିଛନ୍ତିv


Enter your email to get our daily news in your inbox.

All Right Reserved By Dharitri.Com

ସ୍ବାମୀଙ୍କ ମୃତ୍ୟୁକୁ ଦୁଇ ବର୍ଷ ବିତିଥିଲେ ସୁଦ୍ଧା ସାଏବାନିଙ୍କୁ ମିଳିନି ବିଧବା ଭତ୍ତା

ଭତ୍ତାଲାଠୋର,(ଡି.ଏନ୍‌.ଏ.):୧୯।୬: ବଲାଙ୍ଗୀର ଜିଲା ଖପ୍ରାଖୋଲ ବ୍ଲକ କରୁଆଁଝର ପଞ୍ଚାୟତ ଅଧୀନ ଚାଉଲଡିଆ ଗ୍ରାମର ସାଏବାନି ରଣା (୫୫)ଙ୍କୁ ବିଧବା ଭତ୍ତା ମିଳି ନ ଥିବା ଅଭିଯୋଗ...

ଲକ୍‌ଡାଉନ୍‌ କୋହଳ ପରେ ଲୋକଙ୍କ ମଧ୍ୟରେ ନୂଆ ଆଶା ସଂଚାର: ବିବାହ ବ୍ରତ ଲାଗି ସାମଗ୍ରୀ କିଣିବାରେ ବ୍ୟସ୍ତ

ବଲାଙ୍ଗୀର ଅଫିସ,୧୦ା୬: ବିବାହ ପାଇଁ କାର୍ଡ ଛପା ହୋଇଥିଲା। ବନ୍ଧୁବାନ୍ଧବଙ୍କୁ ନିମନ୍ତ୍ରଣ ମଧ୍ୟ କରାଯାଇଥିଲା। ମାତ୍ର ଲକ୍‌ଡାଉନ୍‌ ଯୋଗୁ ସବୁକିଛି ଓଲଟ ପାଲଟ ହୋଇଗଲା। ଅନିର୍ଦ୍ଦିଷ୍ଟ...

ଦୃଢ ଇଚ୍ଛାଶକ୍ତି, ଆତ୍ମବିଶ୍ୱାସ ଜଗନ୍ନାଥଙ୍କୁ କରିଛି ସକ୍ଷମ

ସୋନପୁର, ୫।୮(ନି.ପ୍ର) ସୁବର୍ଣ୍ଣପୁର ଜିଲା ଉଲୁଣ୍ଡା ବ୍ଲକ ଦଶରାଜପୁର ଗାଁର ଜଗନ୍ନାଥ ଦାସ(୪୬)। ଆଖିକୁ ଭଲ ଦେଖା ଯାଉନି। ଗୋଡ ଓ ହାତ ଥରୁଛି। ତଳେ...

ବଲାଙ୍ଗୀରରେ ୧୪ କରୋନା ପଜିଟିଭ ଚିହ୍ନଟ: ଜିଲାରେ ମୋଟ ସଂକ୍ରମିତଙ୍କ ସଂଖ୍ୟା ୩୮କୁ ବୃଦ୍ଧି, ୨ ସୁସ୍ଥ

ବଲାଙ୍ଗୀର ଅଫିସ, ୨୬ା୫: ବଲାଙ୍ଗୀର ଜିଲାରେ ମଙ୍ଗଳବାର ୧୪ କରୋନା ପଜିଟିଭ ଚିହ୍ନଟ ହୋଇଛନ୍ତି। ସେଥିମଧ୍ୟରେ ବଲାଙ୍ଗୀର ମ୍ୟୁନିସିପାଲିଟି ଅଞ୍ଚଳର ୭ଜଣ ରହିଛନ୍ତି। ଏହି ସଂକ୍ରମିତ...

ବଲାଙ୍ଗୀର ଜିଲା: ମେ ୧୦ରୁ ରବିଧାନ କିଣା

ବଲାଙ୍ଗୀର ଅଫିସ, ୨୭ା୪: ବଲାଙ୍ଗୀର ଜିଲାରେ ରବି ଧାନକ୍ରୟ ପ୍ରକ୍ରିୟା ଆସନ୍ତା ୧୦ତାରିଖଠାରୁ ଆରମ୍ଭ ହେବ। ଜିଲାସ୍ତରୀୟ ଧାନକ୍ରୟ କମିଟି ବୈଠକରେ ନିଷ୍ପତ୍ତି ନିଆଯାଇଛି। ସ୍ଥାନୀୟ...

ଭାଇଚାରା ବଜାୟ ରଖିବା ଉପରେ ଗୁରତ୍ୱ

ଲୋଇସିଂହା,୪।୯(ଡି.ଏନ.ଏ.): ବଲାଙ୍ଗୀର ଜିଲା ଲୋଇସିଂହା ବ୍ଲକ ହୀରାପୁର ପଞ୍ଚାୟତ ଅନ୍ତର୍ଗତ ସେମେଲମୁଣ୍ଡା ଗ୍ରାମର ନେତାଜୀ ଯୁବକସଂଘ ଆନୁକୂଲ୍ୟରେ ନୂଆଁଖାଇ ଭେଟ୍‌ଘାଟ ବୁଧବାର ଅନୁଷ୍ଠିତ ହୋଇଯାଇଛି ।...

ଘରେ ବସି କଳା ଦିବସ ପାଳନ କଲା କୋଶଲ ରାଜ୍ୟ ସମନ୍ବୟ ସମିତି

ବଲାଙ୍ଗୀର ଅଫିସ, ୧ା୪: କୋଶଲ ରାଜ୍ୟ ସମନ୍ବୟ ସମିତି ପକ୍ଷରୁ ଏପ୍ରିଲ ୧କୁ କଳା ଦିବସ ପାଳନ କରାଯାଇଛି। କରୋନା ସଂକ୍ରମଣକୁ ଆଖି ଆଗରେ ରଖି...

ସହର ଭିତରେ ପ୍ରବାସୀଙ୍କ ଭିଡ, ବଢୁଛି ସଂକ୍ରମଣ ଭୟ

ବଲାଙ୍ଗୀର ଅଫିସ, ୨୦ା୫: ବଲାଙ୍ଗୀର ସହରର ବିଭିନ୍ନ ରାସ୍ତାରେ ରାଜ୍ୟ ବାହାର ପ୍ରବାସୀ ଖୋଲାଖୋଲି ବୁଲୁଥିବା ଦେଖାଯାଉଛି। ପ୍ରତିଦିନ ଶତାଧିକ ପ୍ରବାସୀ ବସ୍‌ ଓ ଅନ୍ୟ...

Coronavirus Update

UTI
Archives

Model This Week

Why Dharitri

Leave a comment

Your email address will not be published. Required fields are marked *