ପିପିଲି,୨୨।୩(ସ୍ବ.ପ୍ର.): ପୌର ନିର୍ବାଚନକୁ ଆଉ ଦିନ କେଇଟା ପରେ ହେବାକୁ ଥିବାବେଳେ ପିପିଲିରେ ଦେଖାଦେଇଛି ନିର୍ବାଚନୀ ହିଂସା। ପିପିଲି ପୌରାଞ୍ଚଳର ୭ନଂ. ୱାର୍ଡରେ ନିର୍ବାଚନ ପ୍ରଚାର ପାଇଁ ହୋଇଥିବା କଂଗ୍ରେସ ଦଳର କ୍ୟାମ୍ପ ଅଫିସକୁ ରବିବାର ବିଳମ୍ବିତ ରାତିରେ କେହି ନିଆଁ ଲଗାଇ ପୋଡିଦେଇଛନ୍ତି। ତେବେ ସ୍ଥାନୀୟ ଲୋକମାନେ ସୋମବାର ଭୋରୁ ଉଠି କଂଗ୍ରେସ କ୍ୟାମ୍ପ ପୋଡିଥିବାର ଦେଖି ଏନ୍ଏସି କଂଗ୍ରେସର ପୌରାଧ୍ୟକ୍ଷ ପ୍ରାର୍ଥୀ ଗୁଣନିଧି ପ୍ରଧାନ ଓ ଅନ୍ୟ ବରିଷ୍ଠ କର୍ମୀମାନଙ୍କୁ ଜଣାଇଥିଲେ। ଖବରପାଇ ଗୁଣନିଧି ଘଟଣାସ୍ଥଳରେ ପହଞ୍ଚତ୍ କର୍ମୀମାନଙ୍କଠାରୁ ସବୁ ବୁଝିବା ପରେ ଏ ନେଇ ପିପିଲି ଥାନାରେ ଲିଖିତ ଅଭିଯୋଗ କରିଛନ୍ତି। ଅଭିଯୋଗକ୍ରମେ ପୋଲିସ ଘଟଣାସ୍ଥଳରେ ପହଞ୍ଚତ୍ ତଦନ୍ତ ଜାରି ରଖିଛି। ସେପଟେ ଏନ୍ଏସିରେ କଂଗ୍ରେସ ପ୍ରାର୍ଥୀଙ୍କ ପାଇଁ ଜୋରଦାର ପ୍ରଚାର ହେଉଥିବା ବେଳେ ଲୋକପ୍ରିୟତା ବଢୁଥିବାରୁ ବିରୋଧୀ ଦଳର କର୍ମୀମାନେ ଏଭଳି ହୀନ କାର୍ଯ୍ୟ ଭିଆଇଥିବା ଗୁଣନିଧି ଅଭିଯୋଗ କରିଛନ୍ତି। ତେବେ ଏହି ଘଟଣାକୁ ପିସିସି ମୁଖପାତ୍ର ନିଶିକାନ୍ତ ମିଶ୍ର ନିନ୍ଦା କରିବା ସହ ଉଚ୍ଚସ୍ତରୀୟ ତଦନ୍ତ କରି ଦୋଷୀମାନଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ପାଇଁ ଦାବି କରିଛନ୍ତି।
