ଲାଲ୍‌ବାହିନୀର ଲାଲ୍‌ ଘରେ କମ୍ପ୍ୟୁଟର ଶିକ୍ଷା

ଚିତ୍ରକୋଣ୍ଡା,୨୯ା୪(ଡି.ଏନ୍‌.ଏ.): ଆନ୍ଧ୍ର ଓଡିଶା ସୀମାନ୍ତ ମାଓବାଦୀ ଉପଦୃତ ଆଦିବାସୀ ଅଧ୍ୟୁଷିତ ବହୁଳ ଉପାନ୍ତ ମାଲକାନଗିରି ଜିଲା ଚିତ୍ରକୋଣ୍ଡା ସ୍ବାଭିମାନ ଅଞ୍ଚଳ ଯୋଡ଼ାମ୍ବ ପଞ୍ଚାୟତ ନିକଟସ୍ଥ ଥିବା ଲାଲ୍‌ବାହିନୀର ଲାଲ୍‌ ଘରେ ବହୁଦିନ ହେଲା ଯବାନମାନେ ରହିଆସୁଥିବା ବେଳେ ଜିଲା ପ୍ରଶାସନ ଓ ଓଡ଼ିଶା ପୋଲିସ ପ୍ରଶାସନଙ୍କ ବଳିଷ୍ଠ ଉଦ୍ୟମରେ ସ୍ବାଭିମାନ ଅଞ୍ଚଳ ଯୋଡ଼ାମ୍ବ, ଯନ୍ତ୍ରୀ, ଅଣ୍ଡିରାପାଲି, ପଣଷପୁଟ ଓ ଗାଜୁଲୁମାମୁଡ଼ି ପଞ୍ଚାୟତର ଶିକ୍ଷିତ ଯୁବତୀଯୁବକଙ୍କୁ ଭବିଷ୍ୟତକୁ ଦୃଷ୍ଟିରେ ରଖି କମ୍ପ୍ୟୁଟର ଶିକ୍ଷା ନିମନ୍ତେ ଇନଷ୍ଟିଚ୍ୟୁଟ୍‌ ପାଇଁ ଶନିବାର ଉକ୍ତ ମାଓବାଦୀଙ୍କ ଲାଲଘରେ ଓଡ଼ିଶା ପୋଲିସ ଡିଆଇଜି ରାଜେଶ ପଣ୍ଡିତ, ମାଲକାନଗିରି ଏଏପି ନୀତିଶ ଓ୍ବାଧିଆନି ଏବଂ ଚିତ୍ରକୋଣ୍ଡା ଏସ୍‌ଡିପିଓ ଆଲିସିଅସ କିସପୋଟା ଓ ବହୁ ଅଧିକାରୀଙ୍କ ଉପସ୍ଥିତିରେ ଅପରାହ୍ନରେ କମ୍ପ୍ୟୁଟର ଇନ୍‌ଷ୍ଟିଚ୍ୟୁଟ୍‌ର ଶୁଭାରମ୍ଭ ହୋଇଛି। ଏହି କେନ୍ଦ୍ରରେ କମ୍ପ୍ୟୁଟର ଶିକ୍ଷା ମାଗଣାରେ ପ୍ରଦାନ କରାଯିବାର ବ୍ୟବସ୍ଥା କରାଯାଇଥିବା ବେଳେ ଏକକାଳୀନ ୩୫ ଜଣ ଛାତ୍ରୀଛାତ୍ର କମ୍ପ୍ୟୁଟର ଶିକ୍ଷା ଗ୍ରହଣ କରି ପାରିବେ। ଏଥିପାଇଁ ଉକ୍ତ କମ୍ପ୍ୟୁଟର ଶିକ୍ଷା ନିମନ୍ତେ ଆବଶ୍ୟକୀୟ ଉପକରଣ ଯୋଗାଇ ଦିଆଯାଇଛି। ଉକ୍ତ କାର୍ଯ୍ୟକ୍ରମ ଅବସରରେ ଓଡ଼ଶା ପୋଲିସ ପକ୍ଷରୁ ସ୍ଥାନୀୟ ଉପସ୍ଥିତ ଜନସାଧାରଣ ପାଇଁ ବିଭିନ୍ନ ଉପକରଣ ପ୍ରଦାନ କରିଥିଲେ ଯଥା ଛାତ୍ରୀଛାତ୍ରଙ୍କୁ ଶିକ୍ଷା ଉପକରଣ ସ୍କୁଲ ବ୍ୟାଗ୍‌, କମ୍ପାସ, ଖାତା, ବୁଢ଼ୀବୁଢ଼ାଙ୍କୁ ଧୋତି, ଲୁଙ୍ଗି, ଛତା, ଜୋତା ଓ କମଳ, ମହିଳାମାନଙ୍କୁ ଶାଢ଼ି, ଯୋଡ଼ା, ଛତା ଏବଂ ଯୁବ ଗୋଷ୍ଠୀକୁ ବିଭିନ୍ନ ଖେଳ ଉପକରଣ ଯୋଗାଇ ଦିଆଯାଇଛି।


Enter your email to get our daily news in your inbox.

All Right Reserved By Dharitri.Com

ବାତ୍ୟାକୁ ନେଇ ୨ଦିନ ସ୍କୁଲ ଛୁଟି ଘୋଷଣା, ଜାଣନ୍ତୁ କେଉଁଠି?

ଭୁବନେଶ୍ୱର, ୧୭।୧୧: ଆସୁଛି ବାତ୍ୟା ଅକୱାନ୍ । ଆଜି ରାତି ସୁଦ୍ଧା ଭୀଷଣ ବାତ୍ୟାରେ ପରିଣତ ହୋଇପାରେ ବାତ୍ୟା । ବାତ୍ୟାର ନୂଆ ଟ୍ରାକ୍ ମଧ୍ୟ ଜାରି…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?