ଭିନ୍ନ ରୂପ ନେଲା ଆବାସ ଚୋରି ଘଟଣା: ୪ ହିତାଧିକାରୀଙ୍କ ନାଁରେ ଥାନାରେ ଅଭିଯୋଗ

ବିଞ୍ଝାରପୁର,୨୮ା୪(ଡି.ଏନ.ଏ.): ଯାଜପୁର ଜିଲା ବିଞ୍ଝାରପୁର ବ୍ଲକ ଅଧୀନ କଏଣା-ରଘୁନାଥପୁର ପଞ୍ଚାୟତରେ ଆବାସ ଚୋରି ଘଟଣା ଭିନ୍ନରୂପ ନେଇଛି। ଆବାସ ପାଇଥିବା ୪ ହିତାଧିକାରୀଙ୍କ ନାଁରେ ବିଡିଓ ବିଞ୍ଝାରପୁର ଥାନାରେ ଅଭିଯୋଗ କରିଥିବାବେଳେ ହିତାଧିକାରୀମାନେ ବିଜେଡିର ପଞ୍ଚାୟତ ସଭାପତିଙ୍କ ନାଁରେ ପୃଥକ୍‌ଭାବେ ୩ଟି ଅଭିଯୋଗ କରିଛନ୍ତି। ବିଞ୍ଝାରପୁର ଆଇଆଇସି ରଞ୍ଜିତ ମହାନ୍ତି ବିଡିଓ ଏବଂ ହିତାଧିକାରୀଙ୍କ ଅଭିଯୋଗକୁ ଆଧାରକରୀ ହିତାଧିକାରୀ ଭରତ ଚନ୍ଦ୍ର ଯେନା, ସାବିତ୍ରୀ ବେହେରା, ବିଷ୍ଣୁ ବେହେରା ଓ ବିଜେଡିର ପଞ୍ଚାୟତ ସଭାପତି ସୁମାନସ ପଣ୍ଡାଙ୍କୁ ଡାକି ତଦନ୍ତ କରିଛନ୍ତି।
କଏଣା-ରଘୁନାଥପୁର ପଞ୍ଚାୟତରେ ୯ ଯୋଗ୍ୟ ହିତାଧିକାରୀଙ୍କ ନାମରେ ପଞ୍ଚାୟତର ଅନ୍ୟ ୯ ଅଯୋଗ୍ୟ ହିତାଧିକାରୀ ଆବାସ ଚୋରି କରିନେଇଥିଲେ। ଏନେଇ ଗଣମାଧ୍ୟମରେ ଖବର ପ୍ରକାଶ ପରେ ଜିଲା ପ୍ରଶାସନ ତଦନ୍ତ ଆରମ୍ଭ କରିବା ସହ ବିଡିଓଙ୍କ ଉପରେ ଚାପ ସୃଷ୍ଟି କରିଥିଲା। ପ୍ରଥମ ପର୍ଯ୍ୟାୟରେ ବିଡିଓ ମିନତି ଜଗଦ୍ଦେବ ତଦନ୍ତକରି ଗୀତା ପାଣ୍ଡବ ନାମକ ଜଣେ ୬୬ ବର୍ଷୀୟା ଭିକାରୁଣୀଙ୍କ ନାଁରେ ଆବାସ ଅର୍ଥ ହଡ଼ପ କରିଥିବା ପ୍ରାକ୍ତନ ଜିଲାପରିଷଦ ସଭ୍ୟ ତଥା ବିଜେଡିର ପଞ୍ଚାୟତ ସଭାପତି ସୁମାନସ ପଣ୍ଡାଙ୍କଠାରୁ ଦେଢ଼ଲକ୍ଷ ଟଙ୍କା ଆଦାୟ କରିବାସହ ହଡ଼ପ ଅର୍ଥ ଫେରାଇବାକୁ ପଞ୍ଚାୟତର ଅନ୍ୟ ୮ଜଣଙ୍କୁ ଚିଠି କରିଥିଲେ। ସେଥିମଧ୍ୟରୁ ୪ ଅଯୋଗ୍ୟ ହିତାଧିକାରୀ କିଛିକିଛି ଅର୍ଥ ଫେରସ୍ତ କରିଥିବାବେଳେ ଅନ୍ୟ ୪ ହିତାଧିକାରୀ ଅର୍ଥ ଫେରାଇ ନ ଥିଲେ। ତେଣୁ ଅର୍ଥ ଫେରାଇ ନ ଥିବା ୪ ହିତାଧିକାରୀଙ୍କ ନାମରେ ବିଡିଓ ଥାନାରେ ଅଭିଯୋଗ କରିଥିଲେ।
ସେହିପରି ହିତାଧିକାରୀମାନେ ପଞ୍ଚାୟତ ସଭାପତି ପଣ୍ଡାଙ୍କ ନାମରେ ଦେଇଥିବା ଅଭିଯୋଗରେ ଦର୍ଶାଇଛନ୍ତିଯେ, ସେମାନେ ଗରିବ ଦିନ ମଜୁରିଆ। ସେମାନଙ୍କ ମାଟି ଘର ଥିଲେ ମଧ୍ୟ ଏସିସି ତାଲିକାରେ ନାମ ନ ଥିବାରୁ ଘର ମିଳି ନ ଥିଲା। ୩ବର୍ଷ ପୂର୍ବେ ଦିନେ ହଠାତ ବିଜେଡିର ପଞ୍ଚାୟତ ସଭାପତି ପଣ୍ଡା ଉପରୋକ୍ତ ହିତାଧିକାରୀଙ୍କୁ କହିଥିଲେଯେ, ତୁମେମାନେ ଦଳୀୟ ଲୋକ ହୋଇଥିଲେ ମଧ୍ୟ ଆବାସ ଯୋଜନାରେ ଘର ପାଇନ। ମୁଁ ବ୍ଲକରେ କଥା ହୋଇଛି ତୁମମାନଙ୍କୁ ଘର ମିଳିବ। ସେଥିପାଇଁ ପଣ୍ଡା ସମସ୍ତ ହିତାଧିକାରୀଙ୍କଠାରୁ ଜମିର କବଲା ସାଙ୍ଗରେ ୪୦ ହଜାର ଲେଖା ଟଙ୍କା ହାତଗୁଞ୍ଜା ନେଇଥିଲେ। ପରବର୍ତ୍ତୀ ସମୟରେ ହିତାଧିକାରୀଙ୍କ ବ୍ୟାଙ୍କ ଖାତାକୁ ପ୍ରଥମ କିସ୍ତିରେ ୨୦ ହଜାର, ଦ୍ୱିତୀୟ କିସ୍ତିରେ ୩୫, ତୃତୀୟ କିସ୍ତିରେ ୪୫ ଓ ଚତୁର୍ଥ କିସ୍ତିରେ ୩୦ ହଜାର ଟଙ୍କା ଆସିଥିଲା। ହିତାଧିକାରୀମାନେ ନିର୍ଦ୍ଧାରିତ ସମୟ ମଧ୍ୟରେ ଘରକାମ କରିଥିଲେ। ବ୍ଲକରୁ ଅଧିକାରୀ ଆସି ତଦନ୍ତ କରିଥିଲେ। ନିର୍ମାଣାଧୀନ ଘର ସହିତ ହିତାଧିକାରୀଙ୍କ ଫଟୋ ନେଇଥିଲେ। ଶେଷରେ ସରକାରଙ୍କ ନିୟମ ଅନୁଯାୟୀ ପୁରସ୍କାର ରାଶି ବାବଦକୁ ୨୦ ହଜାର ଟଙ୍କା ପାଇଥିଲେ। ଏବେ ବିଡିଓ ଜଗଦ୍ଦେବ ସେମାନଙ୍କୁ ଚିଠି କରି ଟଙ୍କା ଫେରାଇବାକୁ କହୁଛନ୍ତି। ସେ ତାଙ୍କ ଚିଠିରେ ଉଲ୍ଲେଖ କରିଛନ୍ତି ଯେ, ଭୁଲ ବଶତଃ ତୁମମାନଙ୍କ ବ୍ୟାଙ୍କ ଖାତାକୁ ଅନ୍ୟ ଲୋକଙ୍କ ଟଙ୍କା ଚାଲିଆସିଥିଲା। ତେଣୁ ସେ ସେ ଟଙ୍କାକୁ ଫେରାଇବାକୁ ବିଡିଓ ବାଧ୍ୟ କରୁଛନ୍ତି ବୋଲି ହିତାଧିକାରୀମାନେ କହିଛନ୍ତି। ତେବେ ସେମାନେ ଅତ୍ୟନ୍ତ ଗରିବ ଲୋକ ହୋଇଥିଲାବେଳେ ଟଙ୍କା କେଉଁଠୁ ଆଣିବେ ବୋଲି କହିବା ସହ ବିଡିଓ କିପରି ବିଲ କରୁଥିଲେ ବୋଲି ଓଲଟା ପ୍ରଶ୍ନ କରିଛନ୍ତି। ଏ ସମ୍ପର୍କରେ ଆଇଆଇସି ମହାନ୍ତିଙ୍କୁ ପଚାରିବାରୁ ସେ କହିଛନ୍ତି, ଉଭୟ ପକ୍ଷ ବିଡିଓଙ୍କ ନିକଟକୁ ଯାଇ ଆଲୋଚନା ମାଧ୍ୟମରେ ସମସ୍ୟାର ସମାଧାନ କରିବେ। ଅନ୍ୟପକ୍ଷରେ ଏହି ଘଟଣା ଏବେ ଅଞ୍ଚଳରେ ଚର୍ଚ୍ଚାର ବିଷୟ ହୋଇଛି।


Enter your email to get our daily news in your inbox.

All Right Reserved By Dharitri.Com

ଓଡ଼ିଶା ମୁହାଁ ବାତ୍ୟା; ଜୁନିୟର ଆସିଷ୍ଟାଣ୍ଟ-କ୍ଲର୍କ ପରୀକ୍ଷା ସ୍ଥଗିତ

ଭୁବନେଶ୍ୱର,୧୮।୧୧: ଓଡ଼ିଶା ମୁହାଁ ହେଉଛି ବାତ୍ୟା ‘ଅକ୍ୱାନ’ । ୯ କିମି ବେଗରେ ବଢୁଛି ଭୀଷଣ ବାତ୍ୟା । ଏହାକୁ ଦୃଷ୍ଟିରେ ରଖି ଆସନ୍ତା ୨୧ ଓ…

‘ଅର୍ଣ୍ଣବ’ର କ୍ଷତ ଶୁଖିନି, ପୁଣି ଘାରିଲା ‘ଅକ୍ୱାନ’ ଭୟ: ଆତଙ୍କିତ ପୁରୁଷୋତ୍ତମପୁରବାସୀ, ପ୍ରଶାସନର ହାଇ ଆଲର୍ଟ, ସୁରକ୍ଷିତ ସ୍ଥାନକୁ…

ପୁରୁଷୋତ୍ତମପୁର୧୮।୧୧ (ସବିତା ମିଶ୍ର) : ଗତ ୧୫ ଦିନ ତଳେ ଆସିଥିବା ବାତ୍ୟା ‘ଅର୍ଣ୍ଣବ’ ଓ ପରବର୍ତ୍ତୀ ବନ୍ୟାର କ୍ଷତ ଏଯାଏ ଶୁଖି ନ ଥିବା ବେଳେ…

ବରଗଡ଼ରେ ଧଳାଜହର କାରବାରର ପର୍ଦ୍ଦାଫାଶ: ୯୦ ଗ୍ରାମ ବ୍ରାଉନ୍ ସୁଗାର ଜବତ, ପୋଲିସ ହାତରେ ଧରାପଡ଼ିଲେ ଦମ୍ପତି

ବରଗଡ଼,୧୮।୧୧(ପ୍ରେମାନନ୍ଦ ଖମାରୀ)- ବରଗଡ଼ ଟାଉନ୍ ଥାନା ପୋଲିସକୁ ନିଶା କାରବାର ବିରୋଧୀ ଅଭିଯାନରେ ଏକ ବଡ଼ ସଫଳତା ମିଳିଛି । ବୁଧବାର ପୋଲିସ ଚଢ଼ାଉ କରି ବ୍ରାଉନ୍…

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

ସରକାରଙ୍କ ବଡ଼ ନିଷ୍ପତ୍ତି; ଘୁଞ୍ଚିଲା ପଞ୍ଚାୟତ ନିର୍ବାଚନ, ବିଧାନସଭା ପରେ….

ଲକ୍ଷ୍ନୌ,୧୮।୧୧: ଉତ୍ତରପ୍ରଦେଶରେ ପଞ୍ଚାୟତ ନିର୍ବାଚନକୁ ନେଇ ବଡ଼ ନିଷ୍ପତ୍ତି ନେଇଛନ୍ତି ଯୋଗୀ ସରକାର । ପଞ୍ଚାୟତ ନିର୍ବାଚନ କରାଇବାର ସମୟସୀମାକୁ ଆଉ ୬ ମାସ ବୃଦ୍ଧି କରାଯାଇଛି…

‘ଅକ୍ବାନ’ ଆଲର୍ଟ: ଗୁଡ଼ାରି ବ୍ଲକ ପ୍ରଶାସନର ଜରୁରୀ ବୈଠକ, ମୁଖ୍ୟାଳୟ ନ ଛାଡ଼ିବାକୁ କର୍ମଚାରୀଙ୍କୁ କଡ଼ା ନିର୍ଦ୍ଦେଶ

ଗୁଡ଼ାରି,୧୮ା୧୧(ପ୍ରମୋଦ କୁମାର ପତି ): ସମ୍ଭାବ୍ୟ ବାତ୍ୟା ‘ଅକ୍ବାନ’କୁ ଦୃଷ୍ଟିରେ ରଖି ଗୁଡ଼ାରି ବ୍ଲକ ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି ।…

କେନ୍ଦୁଝରର ଗୌରବ: ବିଶିଷ୍ଟ କବି ଭୈରବ ଚନ୍ଦ୍ର ବେହେରାଙ୍କୁ ମିଳିଲା ମର୍ଯ୍ୟାଦାଜନକ ‘ଉତ୍କଳ ସାହିତ୍ୟ ରତ୍ନ ସମ୍ମାନ’

ପାଟଣା,୧୮।୧୧(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ କଣ୍ଟିଆପଡ଼ା ପଞ୍ଚାୟତ ଜାମୁନାଳିଆ ଗ୍ରାମର ବିଶିଷ୍ଟ କବି, ଗାଳ୍ପିକ ତଥା ଶିକ୍ଷାବିତ୍ ଭୈରବ ଚନ୍ଦ୍ର ବେହେରାଙ୍କୁ…

ରେଡ୍ ଜୋନ୍‌ରେ ଗଞ୍ଜାମ: ଅଫିସରଙ୍କ ହଜିଗଲାଣି ନିଦ, ଚିନ୍ତାରେ ଲୋକେ; ନିୟୋଜିତ ହେଲେ ୪୦ ଉଦ୍ଧାରକାରୀ ଦଳ…

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଓ ଲଗାଣ ବର୍ଷାକୁ ନେଇ ଗଞ୍ଜାମ ଜିଲାରେ ଆଶଙ୍କା ବଢ଼ିଥିବା ବେଳେ ପ୍ରଶାସନ ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି।…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?