ବାସ୍ତୁଶାସ୍ତ୍ର ଅନୁଯାୟୀ, ଆମ ଜୀବନଶୈଳୀ ଉପରେ ରଙ୍ଗର ମଧ୍ୟ ଅନେକ ପ୍ରଭାବ ରହିଛି। ତେବେ କେଉଁ ରଙ୍ଗ କେଉଁ ସଙ୍କେତ ଦେଇଥାଏ ଜାଣନ୍ତୁ ସେ ସମ୍ପର୍କରେ…
* ନାଲି: ବାସ୍ତୁଶାସ୍ତ୍ର ଅନୁଯାୟୀ, ଏହି ରଙ୍ଗ ଅନ୍ୟ ସବୁ ରଙ୍ଗଠାରୁ ଅଧିକ ପ୍ରଭାବଶାଳୀ ହୋଇଥାଏ। ବିଶ୍ୱାସ ରହିଛି ଜୀବନରେ ସୁଖ ସମୃଦ୍ଧି ଆଣିଥାଏ ନାଲି ରଙ୍ଗ। ହେଲେ ଭୁଲ୍ରେ ବି ନାଲି ରଙ୍ଗକୁ ବେଡ୍ ରୁମ୍ରେ ଲଗାଇବେ ନାହିଁ।
* ନାରଙ୍ଗୀ: ଜୀବନରେ ଆସୁଥିବା ବାଧାବିଘ୍ନକୁ ସାହାସର ସହ ସାମ୍ନା କରିବାକୁ ଏହି ରଙ୍ଗ ମାନସିକ ସ୍ତରରେ ଆମକୁ ଦୃଢ କରିଥାଏ। ତେଣୁ ଏହି ରଙ୍ଗକୁ ବି ଆମ ଦୈନନ୍ଦୀନ ଜୀବନରେ ବିଭିନ୍ନ ଉପାୟରେ ବ୍ୟବହାର କରିପାରିବା।
* ହଳଦିଆ: ଉତ୍ସାହର ପ୍ରତୀକ ହେଉଛି ଏହି ରଙ୍ଗ। ଗମ୍ଭୀରରୁ ଗମ୍ଭୀର ପରିସ୍ଥିତିରେ ବି ଏହା ମାନସିକ ସ୍ତରରେ ଦୃଢ ହେବା ପାଇଁ ପ୍ରେରଣା ଦେଇଥାଏ। ତେଣୁ ପୋଷାକଠାରୁ ଆରମ୍ଭ କରି ଘରେ ବି ହଳଦିଆ ରଙ୍ଗର ବ୍ୟବହାର କରିପାରିବେ।
* ସବୁଜ: ଏହି ରଙ୍ଗ ହେଉଛି ଶାନ୍ତିର ପ୍ରତୀକ। ଯେଉଁମାନେ ଅଧିକରୁ ଅଧିକ ଏହି ରଙ୍ଗର ବ୍ୟବହାର କରିଥାନ୍ତି, ତାଙ୍କ ଜୀବନରେ ସୁଖ, ଶାନ୍ତି, ସମୃଦ୍ଧି ବୃଦ୍ଧି ହୋଇଥାଏ ବୋଲି ବିଶ୍ୱାସ ରହିଛି।
*ନୀଳ: ସତ୍ୟତାର ସମ୍ପର୍କ ଏହି ରଙ୍ଗ ସହିତ ରହିଥାଏ ବୋଲି ବାସ୍ତୁଶାସ୍ତ୍ରରେ ଉଲ୍ଲେଖ ରହିଛି। ତେଣୁ ଘରେ ଏହି ରଙ୍ଗର ବ୍ୟବହାର ବି କରିପାରିବେ।
*ବାଇଗଣୀ: ଏହି ରଙ୍ଗ ମନକୁ ଆଧ୍ୟାତ୍ମିକତା ଆଡ଼କୁ ଅଗ୍ରସର କରାଇଥାଏ। ତେଣୁ ପୂଜା ଘରେ ଏହି ରଙ୍ଗର ପ୍ରୟୋଗ କରିବା ଶୁଭଫଳ ଦେଇଥାଏ।
*ସୁନେଲି: ଏହି ରଙ୍ଗ ଆତ୍ମସମ୍ମାନ ତଥା ଧନବୃଦ୍ଧିକୁ ସୂଚାଇଥାଏ। ତେଣୁ ଘରେ ଏହି ରଙ୍ଗର ଡୋର୍ ସ୍କ୍ରିନ୍ ଲଗାଇପାରିବେ କିମ୍ବା ଏହି ରଙ୍ଗର ପୋଷାକ ମଧ୍ୟ ପିନ୍ଧି ପାରିବେ।
* କଳା ଓ ଧଳା: କଳାରଙ୍ଗ ଯେଉଁଠି ଜୀବନରେ ସମସ୍ୟା ତଥା ଅବସାଦକୁ ବଢାଇଥାଏ, ସେଠି ଧଳାରଙ୍ଗ ମନକୁ ଶାନ୍ତି ପ୍ରଦାନ କରିଥାଏ। ଖାସ୍ ସେଇଥିପାଇଁ ଘରର ଯେ କୌଣସି ରୁମ୍ରେ ଧଳା ରଙ୍ଗ ଲଗାଇଲେ ଚଳିବ କିନ୍ତୁ କଳା ରଙ୍ଗ କେଉଁଠି ବି ଲଗାଇବେ ନାହିଁ।
