ଜିଲାରେ ବଢୁଛି ତଟକ୍ଷୟ ସମସ୍ୟା

କେନ୍ଦ୍ରାପଡ଼ା ଅଫିସ,୨୨।୧୧: କେନ୍ଦ୍ରାପଡ଼ା ଜିଲାରେ ସାମୁଦ୍ରିକ ତଟକ୍ଷୟ ଏକ ସମସ୍ୟା ଭାବେ ଉଭାହୋଇଛି। ଏଥିଯୋଗୁ ୧୯୬୦ରୁ ୨୦୧୬ ମଧ୍ୟରେ ଜାତୀୟ ଉଦ୍ୟାନ ଭିତରକନିକା ଅଞ୍ଚଳରୁ ୮୮ ବର୍ଗ କିଲୋମିଟର ହେନ୍ତାଳ ବଣ ନଷ୍ଟ ହୋଇଛି। ରାଜନଗର ବ୍ଲକ ପେଣ୍ଠଠାରେ ନିର୍ମିତ ଜିଓ ସିନ୍ଥେଟିକ ୱାଲ୍‌ କ୍ରମାଗତ ନଷ୍ଟ ହେବା ଫଳରେ ଏହାର ସ୍ଥାୟିତ୍ୱ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି। ତଟକ୍ଷୟ ଫଳରେ ଆଗାମୀ ଦିନରେ ବିରଳ ଅଲିଭ୍‌ ରିଡ୍‌ଲେ କଇଁଛଙ୍କ ଆଗମନ ଆଶଙ୍କା ଘେରରେ ଥିବାବେଳେ ସୁନାମି ପ୍ରବଣ ୬୪ ଗ୍ରାମକୁ ବିପଦ ମାଡିଆସୁଛି ବୋଲି ସ୍ଥାନୀୟ ପରିବେଶବିତ୍‌ ଓ ବୁଦ୍ଧିଜୀବୀ ମତ ଦେଇଛନ୍ତି।
୪୮ କିଲୋମିଟର ସମୁଦ୍ର ତଟ ମଧ୍ୟରୁ ୨୮ କିଲୋମିଟର ଅଞ୍ଚଳରେ ତଟକ୍ଷୟ ଉତ୍କଟ ରୂପ ଧାରଣ କରିଛି। ଏହି ସମସ୍ୟା ଯୋଗୁ ରାଜନଗର ବ୍ଲକର ସାତଭାୟାବାସୀଙ୍କୁ ବଗପାଟିଆକୁ ସ୍ଥାନାନ୍ତର କରାଯାଇଛି। ପାପୁଲି ମୁହାଣରୁ ଧାମରା ମୁହାଣ ପର୍ଯ୍ୟନ୍ତ ତଟକ୍ଷୟ ଜାରି ରହିଥିବା ବେଳେ ପେଣ୍ଠଠାରେ ନିର୍ମିତ ଜିଓ ଟ୍ୟୁବ୍‌ୱାଲ୍‌ ସୁରକ୍ଷିତ ନ ଥିବା ବୁଦ୍ଧିଜୀବୀ ଗଣେଶ ଚନ୍ଦ୍ର ସାମଲ କହିଛନ୍ତି। ସେ ଦର୍ଶାଇଛନ୍ତି, ଓଡିଶାର ୪୮୦ କିଲୋମିଟର ସମୁଦ୍ର ତଟ ମଧ୍ୟରୁ ୩୬ ପ୍ରତିଶତ ଅଞ୍ଚଳରେ ସମୁଦ୍ରର ଉତ୍ତାଳ ଲହଡି ବିପଦ ସୃଷ୍ଟି କରିଛି। ଜିଲା ପ୍ରଶାସନର ତଥ୍ୟ ଅନୁଯାୟୀ ଏଥିରୁ କେନ୍ଦ୍ରାପଡ଼ା ଜିଲାର ତଟାଞ୍ଚଳ ବାଦ୍‌ ପଡିନାହିଁ। ଜାତୀୟ ଉଦ୍ୟାନ ଭିତରକନିକା ଅଞ୍ଚଳରୁ ୧୯୬୦ ମସିହାରୁ ଅଦ୍ୟାବଧି ୮୮ ବର୍ଗକିଲୋମିଟର ହେନ୍ତାଳ ବଣ ନଷ୍ଟ ହୋଇଛି। ଏପରି କି ବିଗତ ସାମୁଦ୍ରିକ ଝଡ଼ ସମୟରେ ଗହୀରମଥା ସାମୁଦ୍ରିକ ଅଞ୍ଚଳରେ ହେଉଥିବା ତଟକ୍ଷୟ ଉଦ୍‌ବେଗଜନକ ସ୍ଥିତିରେ ଅଛି। ଗତ ୨ ବର୍ଷ ମଧ୍ୟରେ ଅଗରନାଶୀ, ବାବୁବାଲି ଆଦି ଅଲିଭ୍‌ ରିଡ୍‌ଲେଙ୍କ ପ୍ରଜନନ ସ୍ଥଳ ସଙ୍କୁଚିତ ହୋଇଛି ବୋଲି ବୁଦ୍ଧିଜୀବୀ ତଥ୍ୟ ଉପସ୍ଥାପନ କରିଛନ୍ତି। ପେଣ୍ଠ ଗ୍ରାମର ହରିହର ଦାସ କହିଛନ୍ତି, ତଟକ୍ଷୟ ରୋକିବା ପାଇଁ ୱାର୍ଲଡ ବ୍ୟାଙ୍କ ସହାୟତାରେ ୩୩ କୋଟି ଟଙ୍କା ଖର୍ଚ୍ଚ କରାଯାଇ ଏଠାରେ ଜିଓ ଟ୍ୟୁବୱାଲ୍‌ ନିର୍ମିତ ହୋଇଥିଲା। ତେବେ ନିର୍ମାଣ ସମୟରେ ଏହାର ଗୋଟିଏ ଟ୍ୟୁବ୍‌ ଫାଟିବା ସହ ବିଭିନ୍ନ ସମୟରେ ନିଆଁ ଲାଗି ୫୦ରୁ ଊର୍ଦ୍ଧ୍ୱ ଗାବିୟନ ବକ୍ସ ପୋଡିଗଲାଣି। ସେହିପରି ଏଠାରେ ସାମୁଦ୍ରିକ ଢ଼େଉ ମାଡ ଫଳରେ ଗାବିୟନ ବକ୍ସର ରଶି ଛିଡୁଥିବାବେଳେ ନିକଟସ୍ଥ ବନ୍ଧର ପଥରଗୁଡିକୁ ସମୁଦ୍ର ମଧ୍ୟକୁ ଟାଣିନେଉଛି। ଫଳରେ ଏହି ଟ୍ୟୁବ ୱାଲ୍‌ ସୁରକ୍ଷିତ ହେଉ ନାହିଁ। ପରିବେଶବିତ୍‌ ହେମନ୍ତ କୁମାର ରାଉତ କହନ୍ତି, ତଟକ୍ଷୟ ରୋକିବା ପାଇଁ ହେନ୍ତାଳବଣ ସକ୍ଷମ। ତେବେ ବନ ବିଭାଗ ପକ୍ଷରୁ ଏହାକୁ ଯଥେଷ୍ଟ ଗୁରୁତ୍ୱ ଦିଆଯାଉ ନ ଥିବାରୁ ହାବେଳିଖଟି, ସାତଭାୟା, ନାଶୀ ଆଦି ଅଞ୍ଚଳରେ ତଟକ୍ଷୟ ବଢ଼ୁଛି। ଏଥିସହିତ ତଟାଞ୍ଚଳରୁ ଚିଙ୍ଗୁଡିଘେରି ଉଚ୍ଛେଦ ଓ ଅନୁପ୍ରବେଶ ରୋକିବା ଜରୁରୀ ହୋଇପଡିଛି। ଜାତୀୟ ଉଦ୍ୟାନ ଓ ଜିଲାର ଚିହ୍ନଟ ୬୪ ସୁନାମିପ୍ରବଣ ଗ୍ରାମର ସୁରକ୍ଷା ପାଇଁ କେନ୍ଦ୍ର ଓ ରାଜ୍ୟ ସରକାରଙ୍କ ପକ୍ଷରୁ ମିଳିତ ଅନୁଧ୍ୟାନ ହେବା ଆବଶ୍ୟକ। ଏ ସମ୍ପର୍କରେ ଡିଏଫ୍‌ଓ ବିକାଶ ରଞ୍ଜନ ଦାଶ କହିଛନ୍ତି, ତଟକ୍ଷୟରୁ ମୁକ୍ତି ପାଇଁ ପ୍ରତିବର୍ଷ ହେନ୍ତାଳବଣ ସୃଷ୍ଟି କରାଯାଉଛି। ଏହାସହ ରାସାୟନିକ ପଦାର୍ଥ ଓ ବର୍ଜ୍ୟବସ୍ତୁ ସମୁଦ୍ର ମଧ୍ୟକୁ ନ ଛାଡିବା ପାଇଁ ସଚେତନ କରାଯାଉଛି।


Enter your email to get our daily news in your inbox.

All Right Reserved By Dharitri.Com

ଡେବ୍ୟୁ କରିବାକୁ ଥିବା ଯଶ ଠାକୁରଙ୍କ ନାଁରେ ଏମିତି ରେକର୍ଡ, ସଚିନ ତେନ୍ଦୁଲକର-ଏମ.ଏସ. ଧୋନଙ୍କ ଲିଷ୍ଟରେ ସାମିଲ

ନୂଆଦିଲ୍ଲୀ,୧୬।୧୧: ରବିବାର ନ୍ୟୁଜିଲ୍ୟାଣ୍ଡ ବିପକ୍ଷ ପଞ୍ଚମ ତଥା ଅନ୍ତିମ ଦିନିକିଆ (ODI) ମ୍ୟାଚରେ ଭାରତୀୟ କ୍ରିକେଟ ଦଳ ବିଜୟୀ ହୋଇଛି ଏବଂ ଏହି ସିରିଜକୁ ୩-୧ ବ୍ୟବଧାନରେ…

ଭୁବନେଶ୍ବରରେ ପହଞ୍ଚିଲେ ଉପରାଷ୍ଟ୍ରପତି ସିପି ରାଧାକ୍ରିଷ୍ଣନ

ଭୁବନେଶ୍ୱର,୧୬।୧୧: ଉପରାଷ୍ଟ୍ରପତି ସିପି ରାଧାକ୍ରିଷ୍ଣନ ସୋମବାର ସକାଳେ ଭୁବନେଶ୍ବରରେ ପହଞ୍ଚିଛନ୍ତି। ବିମାନ ବନ୍ଦରରେ ପହଞ୍ଚିବା ପରେ ସେଠାର ତାଙ୍କୁ ଭବ୍ୟ ସ୍ବାଗତ ଜଣାଇଛନ୍ତି ରାଜ୍ୟପାଳ ଓ ମୁଖ୍ୟମନ୍ତ୍ରୀ।…

Nvidia ଜେନସେନ ହୁଆଙ୍ଗଙ୍କୁ ପୁଣିଥରେ CEO ଭାବେ ନିଯୁକ୍ତ କରିବ? ଏଲନ ମସ୍କ ଦେଇଛନ୍ତି ପରାମର୍ଶ

ଓ୍ବାଶିଂଟନ,୧୬।୧୧: ବିଶ୍ୱର ଅନ୍ୟତମ ବୃହତ ଚିପ କମ୍ପାନୀ ‘ଏନଭିଡିଆ’ (Nvidia) ପୁଣି ଥରେ ଜେନସେନ ହୁଆଙ୍ଗଙ୍କୁ ନିଜର ସିଇଓ (CEO) ଭାବରେ ନିଯୁକ୍ତ କରିପାରେ। ଯଦିଓ ହୁଆଙ୍ଗ…

ତ୍ରିରଙ୍ଗା ପ୍ରତି ଅପମାନ ଦେଖି ତୁରନ୍ତ ସୁରକ୍ଷା ଅଧିକାରୀଙ୍କ ନିକଟକୁ ଗଲେ ମହମ୍ମଦ ସିରାଜ; ୫ମ ଦିନିକିଆ ମ୍ୟାଚର ଭିଡିଓ ହେଉଛି ଭାଇରାଲ

ନୂଆଦିଲ୍ଲୀ,୧୬।୧୧: ନ୍ୟୁଜିଲ୍ୟାଣ୍ଡ ବିପକ୍ଷ ପଞ୍ଚମ ଦିନିକିଆ ମ୍ୟାଚରେ ମହମ୍ମଦ ସିରାଜଙ୍କୁ ଚୂଡ଼ାନ୍ତ ଏକାଦଶରେ ସାମିଲ କରାଯାଇଥିଲା। ଏହି ମ୍ୟାଚରେ ସେ ଦୁଇଟି ୱିକେଟ ନେଇ ଦଳର ବିଜୟରେ…

ଆଜି ଓଡ଼ିଶା ଆସିବେ ଉପରାଷ୍ଟ୍ରପତି

ଭୁବନେଶ୍ୱର,୧୬।୧୧ (ରବିନାରାୟଣ ଜେନା): ଉପରାଷ୍ଟ୍ରପତି ସି. ପି. ରାଧାକ୍ରିଷ୍ଣନ ସୋମବାର ବିଧାନସଭାରେ ଗୃହର ସଦସ୍ୟମାନଙ୍କ ପାଇଁ ହେବାକୁ ଥିବା ଦିନିକିଆ ଓରିଏଣ୍ଟେଶନ କାର୍ଯ୍ୟକ୍ରମକୁ ଉଦ୍‌ଘାଟନ କରିବେ। ଏଥିପାଇଁ…

ଆସିଆନ (ASEAN) ଶିଖର ସମ୍ମିଳନୀ ପାଇଁ ମନିଲାରେ ଏକତ୍ରିତ ହେବେ ବହୁ ନେତା, ଆଜି ଯାତ୍ରା କରିବେ ପ୍ରଧାନମନ୍ତ୍ରୀ ମୋଦି

ନୂଆଦିଲ୍ଲୀ/ମନିଲା,୧୬।୧୧: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତିନି ଦିନିଆ ଗସ୍ତରେ ସୋମବାର (ନଭେମ୍ବର ୧୬) ଫିଲିପାଇନ୍ସର ରାଜଧାନୀ ମନିଲାରେ ପହଞ୍ଚିବେ। ନିଜ ଗସ୍ତ ସମୟରେ ସେ ବାର୍ଷିକ ଭାରତ-ଆସିଆନ…

ଏଇ ଭାରତରେ

ରାଜସ୍ଥାନ ଥର୍‌ ମରୁଭୂମିରେ ଓଟମାନେ ଖାଦ୍ୟ ପାଇଁ ଚାରଣ ଭୂମି ଉପରେ ନିର୍ଭର କରିଥାନ୍ତି। ଏହା ହ୍ରାସ ପାଇଲେ ଓଟ ପାଳନ କରିବା କଷ୍ଟକର ହୋଇଯିବ। ଏଣୁ…

ଶିକୁଳିରେ ଗଣମାଧ୍ୟମ

ଭାରତରେ ମୁକ୍ତ ଏବଂ ଉତ୍ତରଦାୟିତ୍ୱସମ୍ପନ୍ନ ଗଣମାଧ୍ୟମର ଭୂମିକା ଅବସରରେ ପ୍ରତିବର୍ଷ ନଭେମ୍ବର ୧୬ ତାରିଖରେ ଜାତୀୟ ପ୍ରେସ୍‌ ଦିବସ ପାଳନ କରାଯାଏ । ଏହି ଦିନଟି ପ୍ରେସ୍‌…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?