ମହାକାଳପଡ଼ା,୨।୪(ଡି.ଏନ.ଏ.): ମ୍ୟାନମାର ଅଶାନ୍ତ ପରେ ଶରଣାର୍ଥୀମାନେ ଯେକୌଣସି ସମୟରେ ଡଙ୍ଗାରେ ବଙ୍ଗୋସାଗରର ଜଳ ସୀମା ଦେଇ କେନ୍ଦ୍ରାପଡ଼ା ଜିଲାରେ ପ୍ରବେଶକୁ ଏଡାଇ ଦେଇ ହେବନାହିଁ। ପ୍ରଶାସନ ପକ୍ଷରୁ ସମୁଦ୍ର ଜଳ ସୀମାରେ ହାଇ ଆଲର୍ଟ ଜାରି ହେବାର ଆବଶ୍ୟକତା ରହିଛି। ବିଶେଷକରି ଶରଣାର୍ଥୀମାନେ ବିଭିନ୍ନ ଡଙ୍ଗାରେ ମତ୍ସ୍ୟଜୀବୀ ବେଶରେ ନିଜ ଜୀବନ ବଞ୍ଚାଇବାକୁ ସମୁଦ୍ର କୂଳିଆ ଅଞ୍ଚଳ ଜଙ୍ଗଲରେ ଛୋଟ ଛୋଟ ପଲା ବାନ୍ଧି ଆଶ୍ରୟ ନେବାର ସମ୍ଭାବନା ରହିଛି। କାରଣ ଏହି ସମୁଦ୍ର କୂଳିଆ ଅଞ୍ଚଳରେ ଅନେକ ବେଆଇନ ମାଛ ଧରିବାକୁ ଆସି ଅନୁପ୍ରବେଶକାରୀମାନେ ଆଡ୍ଡା ଜମାଇଛନ୍ତି। ବନ ବିଭାଗ ଓ ଜିଲା ପ୍ରଶାସନ ପକ୍ଷରୁ ଏହି ଅଞ୍ଚଳରେ ଚଢାଉ କରାଯାଉ ନ ଥିବାରୁ ଅନୁପ୍ରବେଶ ବୃଦ୍ଧି ପାଇଛି। ସେଥିପାଇଁ ମ୍ୟାନମାର ଶରଣାର୍ଥୀମାନେ ଓଡ଼ିଶା ଉପକୂଳ ଅଞ୍ଚଳକୁ ସୁରକ୍ଷିତ ମଣି ଆକସ୍ମିକ ଭାବେ ପଶିବା ଅସମ୍ଭବ ନୁହେଁ ବୋଲି ଅଞ୍ଚଳର ବୁଦ୍ଧିଜୀବୀମାନେ ମତବ୍ୟକ୍ତ କରିଛନ୍ତି। ସୂଚନାଯୋଗ୍ୟ, କେନ୍ଦ୍ରାପଡ଼ା ଜିଲାର ଜମ୍ବୁ ଓ ତନ୍ତିଆପାଳ ମେରାଇନ ଥାନାରେ କର୍ମଚାରୀ ଓ ଅସ୍ତ୍ର ଶସ୍ତ୍ର ଅଭାବ, ବନ ବିଭାଗ ପାଟ୍ରୋଲିଂ ଅତ୍ୟାଧୁନିକ ବୋଟ ଅଭାବ, ସମୁଦ୍ର ସୁରକ୍ଷା ସୀମା ଢିଲା। ତେଣୁ କିଭଳି ଶରଣାର୍ଥୀମାନଙ୍କ ବେଆଇନ ପ୍ରବେଶକୁ ପୋଲିସ ପ୍ରତିରୋଧ କରିବ ବୋଲି ଆଶଙ୍କା ସୃଷ୍ଟି ହୋଇଛି। ଶତାଧିକ ସଂଖ୍ୟାରେ ମାଛ ଧରା ଟ୍ରଲ୍ର, ବୋଟ୍ଗୁଡ଼ିକ ଗହୀରମଥା ନିଷିଦ୍ଧାଞ୍ଚଳରେ ଚଳାଚଳ କରୁଥିବା ଦୀର୍ଘଦିନ ହେବ ଅଭିଯୋଗ ହେଉଛି। ବିଶେଷକରି ହୁକିଟୋଲା, ଲୁଞ୍ଚ୍ଗୋଲା, ଷୋଲ ମୁହାଣ, ମାଦଳି, ନାଶି ଆଦି ଜଙ୍ଗଲରେ ଶରଣାର୍ଥୀମାନେ ଗୁପ୍ତ ଭାବେ ପଶିବା ଅସମ୍ଭବ ନୁହେଁ। ବହୁ ପୂର୍ବରୁ ବାଲାଂଦେଶୀ ଶରଣାର୍ଥୀମାନେ ଏହି ଅଞ୍ଚଳରେ ବେଆଇନ ଭାବେ ପ୍ରବେଶ କରି ସ୍ଥାୟୀ ବସବାସ କରୁଛନ୍ତି। ହେଲେ ପ୍ରଶାସନ ନୀରବଦ୍ରଷ୍ଟା ସାଜିଛି। ବେଳ ଥାଉଁ ଥାଉଁ ପ୍ରଶାସନ ସଜାଗ ନ ହେଲେ ମିଆମାର ଏସ୍ପି ମଡକର ସମ୍ବିତ ସମ୍ପଦଙ୍କୁ ପଚାବରିବାରେ ବିଭାଗୀୟ ଉଚ୍ଚ କର୍ତ୍ତୃପକ୍ଷଙ୍କଠାରୁ ଏ ନେଇ କୌଣସି ସୂଚନା ଆସିନି। ତେବେ ଏହି ସମ୍ବେଦନଶୀଳ ଘଟଣା ଉପରେ ବିଭାଗ ଦୃଢ଼ ପଦକ୍ଷେପ ନେବ ବୋଲି ସେ କହିଛନ୍ତି।
