ନୂଆଦିଲ୍ଲୀ,୬।୨ : ଦିଲ୍ଲୀର ଏକ ଉପଭୋକ୍ତା ନିବାରଣ ଆୟୋଗ ଏକ ମେଡିକାଲ କୋଚିଂ ପ୍ରତିଷ୍ଠାନକୁ ଜଣେ ଛାତ୍ର ଦେଇଥିବା ସମସ୍ତ ଅଗ୍ରୀମ କୋର୍ସ ଫି ଫେରସ୍ତ କରିବାକୁ ନିର୍ଦ୍ଦେଶ ଦେଇଛନ୍ତି। କରୋନା ମହାମାରୀ ସମୟରେ କୌଣସି ଶିକ୍ଷାର୍ଥୀଙ୍କୁ ଅନଲାଇନ କ୍ଲାସରେ ଯୋଗଦେବାକୁ ବାଧ୍ୟ କରା ଯାଇପାରିବ ନାହିଁ ବୋଲି ଆୟୋଗ କହିଛନ୍ତି। ଆୟୋଗ କହିଛନ୍ତି,ଏହା ଏକ ନିଶ୍ଚିତ ସତ୍ୟ ଯେ ଅନୁଷ୍ଠାନରେ ଭର୍ତ୍ତି ହୋଇଥିବା ଶିକ୍ଷାର୍ଥୀମାନଙ୍କୁ ଦିଆଯାଇଥିବା କୋଚିଂ ନିଃସନ୍ଦେହରେ ଅଫଲାଇନପାଇଁ ଥିଲା ଏବଂ ଅନଲାଇନ ମୋଡ ପାଇଁ ନୁହେଁ। ମହାମାରୀ ଯୋଗୁ ଏହି ନିଷ୍ପତ୍ତି ଏକ ଏକପାଖିଆ ଥିଲା। ଅଭିଯୋଗକାରୀଙ୍କ ଠାରୁ କୋଚିଂ ପ୍ରତିଷ୍ଠାନ ଦ୍ୱାରା କୌଣସି ସମ୍ମତି ମଗାଯାଇ ନ ଥିଲା। ତେଣୁ, ଅଭିଯୋଗକାରୀଙ୍କ ସହମତି ବିନା ଅଫଲାଇନ ବଦଳରେ ଅନଲାଇନ କ୍ଲାସ ପାଇଁ ବାଧ୍ୟ କରାଯାଇପାରିବ ନାହିଁ।
ଅଭିଯୋଗକାରୀ ଦର୍ଶାଇଛନ୍ତି ଯେ ମେଡିକାଲ ପ୍ରବେଶିକା ପରୀକ୍ଷା, ୨୦୨୧ ପାଇଁ ସାତ ମାସର କୋଚିଂ କ୍ଲାସ (ଫିଜିକାଲ କ୍ଲାସ) ପାଇବାକୁ ସେ କୋଚିଂ ଇନଷ୍ଟିଚ୍ୟୁଟକୁ ଆଗୁଆ ସମ୍ପୂର୍ଣ୍ଣ ଫି ୧,୧୬,୮୨୦ ପ୍ରଦାନ କରିଥିଲେ। ତେବେ, କରୋନା ମହାମାରୀ ଯୋଗୁ ଅଭିଯୋଗକାରୀ ଇନଷ୍ଟିଚ୍ୟୁଟକୁ ଅନୁରୋଧ କରିଥିଲେ ଯେ ସେ ଶାରୀରିକ ଭାବରେ କ୍ଲାସରେ ଯୋଗ ଦେଇ ପାରିବେ ନାହିଁ। ପ୍ରାରମ୍ଭରେ, ଯଦିଓ ଇନଷ୍ଟିଚ୍ୟୁଟ ତାଙ୍କ ଦ୍ୱାରା ପ୍ରଦାନ କରାଯାଇଥିବା ସମସ୍ତ ଅର୍ଥ ଫେରସ୍ତ କରିବାକୁ ରାଜି ହୋଇଥିଲେ, ପରେ ଅନଲାଇନ କ୍ଲାସ ଚୟନ କରିବାକୁ ପ୍ରସ୍ତାବ ଦିଆଯାଇଥିଲା। କିନ୍ତୁ ଇଣ୍ଟରନେଟ ସଂଯୋଗୀକରଣ, ବୈଷୟିକ ଅସୁବିଧା ଏବଂ ତାଙ୍କ ଘରେ ଶିକ୍ଷାଦାନର ଖରାପ ଗୁଣ ଯୋଗୁଁ କିଛି ଦିନ ଅନଲାଇନ କ୍ଲାସରେ ଯୋଗଦେବା ପରେ ଅଭିଯୋଗକାରୀ ଇନଷ୍ଟିଚ୍ୟୁଟକୁ ଜଣାଇଥିଲେ ଯେ ସେ ଅନଲାଇନ କ୍ଲାସରେ ଯୋଗ ଦେଇ ପାରିବେ ନାହିଁ ଏବଂ ପ୍ରଦାନ କରାଯାଇଥିବା ଫି ଫେରସ୍ତ ପାଇଁ ଅନୁରୋଧ କରିଥିଲେ।
ଆୟୋଗ ଦର୍ଶାଇଛନ୍ତି ଯେ ନିରୀହ ଶିକ୍ଷାର୍ଥୀମାନଙ୍କ ଉପରେ ପାଠ୍ୟକ୍ରମର ସମଗ୍ର ଅବଧି ପାଇଁ ଏକଲକ୍ଷ ଟଙ୍କା ଚାର୍ଜ କରି ଗୁଣାତ୍ମକ ଶିକ୍ଷା ପ୍ରଦାନ ନ କରି ଅଭିଯୋଗକାରୀ ଇନଷ୍ଟିଚ୍ୟୁଟକୁ ପକ୍ଷରୁ ହୋଇଥିବା ଅନ୍ୟାୟ ବିଷୟରେ ବାରମ୍ବାର ଅଭିଯୋଗ ହୋଇଛି।
ଉପଭୋକ୍ତା ସୁରକ୍ଷା ଆଇନ, ୧୦୮୬ ର ଧାରା ୨୭ ଅନୁଯାୟୀ ଏଭଳି କ୍ଷେତ୍ରରେ ଜେଲ କିମ୍ବା ଜୋରିମାନା ସହିତ ଦଣ୍ଡିତ ହେବାର ପ୍ରାବଧାନ ରହିଛି।
