ନୂଆଦିଲ୍ଲୀ,୮ା୫: ପଞ୍ଜାବ କିଙ୍ଗ୍ସ ଓ ଦିଲ୍ଲୀ କ୍ୟାପିଟାଲ୍ସ ମଧ୍ୟରେ ଖେଳାଯାଇଥିବା ଆଇପିଏଲ୍ ମ୍ୟାଚ୍ ଅଧାରୁ ବାତିଲ ହେବା ପରେ ଚଳିତ ଲିଗ୍ ଉପରେ ଆଶଙ୍କାର ବାଦଲ ଛାୟୀ ହୋଇଯାଇଛି। ଲିଗ୍ରେ ଅଂଶଗ୍ରହଣ କରୁଥିବା ବିଦେଶୀ ଖେଳାଳିମାନେ ସ୍ବଦେଶ ଫେରିବାକୁ ଚାହୁଁଥିବା ବେଳେ ଆଇପିଏଲ୍ ଗଭର୍ଣ୍ଣିଂ କାଉନସିଲ ପକ୍ଷରୁ ଏକ ଜରୁରୀକାଳୀନ ବୈଠକ ଡାକରା ଦିଆଯାଇଥିଲା।
ଏପର୍ଯ୍ୟନ୍ତ ଚଳିତ ଆଇପିଏଲ୍କୁ ବାତିଲ କରିବାକୁ ନିଷ୍ପତ୍ତି ନିଆଯାଇ ନାହିଁ। ଗଭର୍ଣ୍ଣିଂ କାଉନସିଲ ସଦସ୍ୟ ଏକତ୍ରିତ ହୋଇ ବର୍ତ୍ତମାନ ପରିସ୍ଥିତି ସମ୍ପର୍କରେ ଆଲୋଚନା କରିଥିଲେ। ସେମାନେ ସରକାରଙ୍କ ଯୋଗାଯୋଗରେ ଅଛନ୍ତି। ଏଣୁ ଶୁକ୍ରବାର କାଉନସିଲ ସଦସ୍ୟମାନେ ପୁଣି ଥରେ ଭେଟି ଚୂଡ଼ାନ୍ତ ନିଷ୍ପତ୍ତି ନେଇପାରନ୍ତି ବୋଲି ସୂତ୍ରରୁ କୁହାଯାଇଛି।
