ମାଟିମୂର୍ତ୍ତିର ମ୍ୟୁଜିୟମ

ସାତମାଇଲ,୮।୩: ମହାବୀରଙ୍କଠାରୁ ମହାତ୍ମା ଗାନ୍ଧୀ। ତିଳକଙ୍କଠାରୁ ତେଜସ୍ବିନୀ ଲକ୍ଷ୍ମୀବାଈ। ସୁନ୍ଦର ଆଲୋକରେ ଝଲସୁଛି ଓଡ଼ିଶାର ସମୃଦ୍ଧ ସଂସ୍କୃତି, ଲୋକକଳା, ସ୍ବାଧୀନତା ସଂଗ୍ରାମର ଗାଥା, ଜନଜୀବନର ଗହନ କଥା। ଜନଗଣଙ୍କ ଜାଣିବା ଲାଗି ପ୍ରତିଟି ବିଷୟରେ ଦର୍ଶାଯାଇଛି ସଂକ୍ଷିପ୍ତ ସୂଚନା। ଫଟୋଚିତ୍ରରେ ନୁହେଁ, ସବୁ ନିର୍ମାଣ ହୋଇଛି ମାଟିରେ। ଏଭଳି ମାଟିମୂର୍ତ୍ତିର ମ୍ୟୁଜିୟମ ନିର୍ମାଣ ପଛରେ ଯାହାଙ୍କ ନିଷ୍ଠା ଓ ଉଦ୍ୟମ ରହିଛି, ସେ ହେଲେ ଢେଙ୍କାନାଳ ଜିଲା ହିନ୍ଦୋଳ ବ୍ଲକ ପାଟଲା ହାଇସ୍କୁଲର ପ୍ରଧାନ ଶିକ୍ଷକ ଧନେଶ୍ୱର ସାହୁ। କଷ୍ଟସାଧ୍ୟ ବିଷୟବସ୍ତୁଗୁଡ଼ିକୁ ଯେପରି ପିଲାମାନେ ସହଜରେ ବୁଝିପାରିବେ ଏବଂ ମନେରଖିପାରିବେ ସେଥିଲାଗି ଏଭଳି ଏକ ପରିକଳ୍ପନା କରିଥିଲେ ଧନେଶ୍ୱର, ଯାହା ଏବେ ଜ୍ଞାନ ବାଣ୍ଟିବା ସହ ଇତିହାସ ସହ ନୂଆପିଢ଼ିକୁ ଯୋଡୁଛି।

ସଂଗ୍ରହାଳୟ ବା ମ୍ୟୁଜିୟମ ହେଉଛି ଜ୍ଞାନର ଭଣ୍ଡାର। ଇତିହାସ, ଭୂଗୋଳ, ରାଜନୀତି, ପ୍ରଶାସନିକ ଘଟଣାବଳୀ, ଜନଜାତିଙ୍କ ଜୀବନଶୈଳୀ ବିଷୟରେ ଏଠାରେ ସାଇତା ହୋଇ ରହିଥାଏ ଅନେକ ସୂଚନା। ତେଣୁ ଇତିହାସ ଏବଂ ବର୍ତ୍ତମାନକୁ ଯୋଡ଼ି ରଖିବାରେ ଏହାର ଭୂମିକା ଗୁରୁତ୍ୱପୂର୍ଣ୍ଣ। ପର୍ଯ୍ୟଟନର ଅନ୍ୟତମ ଅଙ୍ଗ ହୋଇଥିବାରୁ ବିଭିନ୍ନ ସ୍ଥାନରେ ମ୍ୟୁଜିୟମ ସ୍ଥାପନ ଉପରେ ଗୁରୁତ୍ୱ ଦିଆଯାଉଛି। ହେଲେ ଢେଙ୍କାନାଳ ଜିଲା ହିନ୍ଦୋଳ ବ୍ଲକ ପାଟଲା ହାଇସ୍କୁଲର ପ୍ରଧାନ ଶିକ୍ଷକ ଧନେଶ୍ୱର ସାହୁ ବ୍ୟକ୍ତିଗତ ଉଦ୍ୟମରେ ସ୍କୁଲରେ କରିଛନ୍ତି ମାଟିମୂର୍ତ୍ତିର କ୍ଷୁଦ୍ର ସଂଗ୍ରହାଳୟ, ଯାହାକୁ ନେଇ ଏବେ ସବୁଠି ଚର୍ଚ୍ଚା।
ଧନେଶ୍ୱରଙ୍କ ଘର ହିନ୍ଦୋଳ ବ୍ଲକ ମହାଲୁଣ୍ତା ଗ୍ରାମରେ। ୧୯୮୪ରୁ ପାଟଲା ହାଇସ୍କୁଲରୁ ସେ ଆରମ୍ଭ କରିଥିଲେ ଶିକ୍ଷକତା ଜୀବନ। ୨୦୧୨ ନଭେମ୍ବରରୁ ପ୍ରଧାନ ଶିକ୍ଷକ ଭାବେ ପଦୋନ୍ନତି ପାଇ ବିଦ୍ୟାଳୟର ସମସ୍ତ ଦାୟିତ୍ୱ ସୁଚାରୁରୂପେ ତୁଲାଇ ଆସୁଛନ୍ତି। ଶିକ୍ଷାକ୍ଷେତ୍ରରେ ଦୀର୍ଘଦିନର ଅଭିଜ୍ଞତାକୁ ପୁଞ୍ଜିକରି ସେ ସ୍କୁଲରେ ଗଢ଼ିଛନ୍ତି ନିଆରା ମାଟିମୂର୍ତ୍ତିର ସଂଗ୍ରହାଳୟ, ଯେଉଁଥିରେ ସ୍ଥାନିତ ହୋଇଛି ଓଡ଼ିଶାର ଲୋକସଂସ୍କୃତି, ସଂଗ୍ରାମୀ, ମହାପୁରୁଷ, କବି, ଲେଖକ, ସମାଜ ସଂସ୍କାରକଙ୍କ ପ୍ରତିମୂର୍ତ୍ତି ଏବଂ ସେସମ୍ପର୍କିତ ସଂକ୍ଷିପ୍ତ ଇତିହାସ। ଏହାକୁ ବାଦ୍‌ଦେଲେ ଜନଜାତିଙ୍କ ଜୀବନଶୈଳୀ, ବରଫ ଉପତ୍ୟକାରେ ରହୁଥିବା ଏସ୍କିମୋ, ବିଲୁପ୍ତପ୍ରାୟ ପ୍ରାଣୀ, ଅଭୟାରଣ୍ୟ, ଏନ୍‌ସିସି, ସ୍କାଉଟ୍‌, ଗାଇଡ୍‌, ଜୁନିୟର ରେଡ୍‌କ୍ରସ୍‌, ଓଡ଼ିଶାର ମନ୍ଦିର ପରମ୍ପରା, ଉପଦେଶମୂଳକ କାହାଣୀ ସମ୍ପର୍କିତ ବିଷୟବସ୍ତୁ କଳାକୁଞ୍ଜ ମାଧ୍ୟମରେ ପ୍ରଦର୍ଶିତ ହେଉଛି।
ଏ ସମ୍ପର୍କରେ ନିଜ ଅନୁଭୂତି ବଖାଣି ଧନେଶ୍ୱର କୁହନ୍ତି, କଲିକତାସ୍ଥିତ ଶିଶୁ ଉଦ୍ୟାନ ଦେଖିବା ପରେ ମାଟିମୂର୍ତ୍ତିର ସଂଗ୍ରହାଳୟଟିଏ କରିବାକୁ ତାଙ୍କ ମନରେ ଉତ୍କଣ୍ଠା ଜାତ ହୋଇଥିଲା। ପ୍ରଥମେ ଘରୁ ଏହାର ଭିତ୍ତିଭୂମି ପଡ଼ିଥିଲା। ମାଟି, ଆନୁଷଙ୍ଗିକ ଉପକରଣ ସଂଗ୍ରହ କରି ମୂର୍ତ୍ତି ତିଆରିରେ ସେ ଲାଗିପଡ଼ିଥିଲେ। ଏଥିରେ ସ୍ତ୍ରୀ ସଲିଳ ସାହୁ ସବୁପ୍ରକାର ସହାୟତା କରି ଆସିଛନ୍ତି। ୨୦୧୬ରୁ ଆରମ୍ଭ ହୋଇଥିବା ଏହି କାର୍ଯ୍ୟ ୨୦୧୮ ବେଳକୁ ପାଖାପାଖି ପୂର୍ଣ୍ଣାଙ୍ଗ ରୂପ ନେଇସାରିଥିଲା। ଶିକ୍ଷା ବିଭାଗ ଏବଂ ପ୍ରଶାସନର ଅନୁମତିକ୍ରମେ ୨୦୧୮ ନଭେମ୍ବର ୧୪ ଶିଶୁ ଦିବସରେ ବିଦ୍ୟାଳୟରେ ବିଧିବଦ୍ଧ ଭାବେ ଏହାକୁ ସ୍ଥାନାନ୍ତର କରାଯାଇଥିଲା। ତତ୍କାଳୀନ ଉପଜିଲାପାଳ ଭବେଶ କୁମାର ନାୟକ ଏହାର ଉଦ୍‌ଘାଟନ କରିଥିଲେ। ଏହି କାର୍ଯ୍ୟରେ ସ୍କୁଲର ସମସ୍ତ ସହକର୍ମୀ, ଛାତ୍ର୍ରୀଛାତ୍ରଙ୍କ ଅକୁଣ୍ଠ ସହଯୋଗ ମିଳିଛି। ପାଟଲା ସ୍କୁଲ ବହୁ ପୁରୁଣା। ୧୯୮୧ରେ ଏହାର ସ୍ଥାପନ ହୋଇଥିଲା। ପ୍ରଥମରେ ପ୍ରଥମରୁ ଅଷ୍ଟମ ଶ୍ରେଣୀ ଯାଏ ଥିବାବେଳେ ୧୯୯୮ରେ ନବମ ଏବଂ ଦଶମ ଶ୍ରେଣୀକୁ ସାମିଲ କରାଯାଇଛି। ଏଭଳି ଏକ ସଂଗ୍ରହାଳୟ ଦ୍ୱାରା ପିଲାମାନେ ଅବୁଝା ବିଷୟ ସହଜରେ ବୁଝିପାରୁଛନ୍ତି। ଏହାକୁ ଦେଖିବାକୁ ଜିଲାର ବିଭିନ୍ନ ସ୍ଥାନରୁ ପର୍ଯ୍ୟଟକ ଏବଂ ଛାତ୍ରୀଛାତ୍ର ଆସୁଛନ୍ତି। ୨୦୧୯ ସ୍ବାଧୀନତା ଦିବସରେ ଜିଲା ପ୍ରଶାସନ ପକ୍ଷରୁ ସ୍କୁଲକୁ ଶ୍ରେଷ୍ଠ ବିଦ୍ୟାଳୟର ମାନ୍ୟତା ମିଳିବା ଖୁବ୍‌ ଖୁସି ଦେଇଥିଲା। ଆଗାମୀ ଦିନରେ ସଂଗ୍ରହାଳୟର କଳେବର ବଢ଼ାଇବା ଲକ୍ଷ୍ୟ ରହିଛି ବୋଲି ଧନେଶ୍ୱର କହିଛନ୍ତି।

ସୁଶାନ୍ତ କୁମାର ପତି


Enter your email to get our daily news in your inbox.

All Right Reserved By Dharitri.Com

ନାମ ଲେଖା ନେଇ ବଢ଼ୁଛି ଚିନ୍ତା

ଅନୁଗୋଳ ଅଫିସ, ୧୦।୬ – ଜୁନ୍‌ ୮ରୁ ଜୁଲାଇ ୧୫ ମଧ୍ୟରେ ସରକାରୀ ସ୍କୁଲଗୁଡ଼ିକରେ ନାମ ଲେଖାଯିବା ପାଇଁ ରାଜ୍ୟ ସରକାରଙ୍କ ପକ୍ଷରୁ ବିଜ୍ଞପ୍ତି ଜାରି...

ସପ୍ତଶଯ୍ୟା ଉତ୍ସବ ଉଦ୍‌ଘାଟିତ: ମମତାକୁ ପାଥେୟକରି ମା’ ମାଟିର ବିକାଶ କର

ଢେଙ୍କାନାଳ ଅଫିସ,୨୯ା୧୨ – ଢେଙ୍କାନାଳ ଜିଲା ସଦର ବ୍ଲକର ପ୍ରସିଦ୍ଧ ପର୍ଯ୍ୟଟନ କ୍ଷେତ୍ର ସପ୍ତଶଯ୍ୟା ଉଚ୍ଚ ବିଦ୍ୟାଳୟ ପରିସରରେ ଶୁକ୍ରବାର ସନ୍ଧ୍ୟାରେ ପ୍ରଥମ ସପ୍ତଶଯ୍ୟା ଉତ୍ସବ...

ତାତିକୁ ନେଇ ସରକାରଙ୍କ ଅଜବ ନୀତି: ବିଦ୍ୟାଳୟ ଛୁଟି, ଅଙ୍ଗନଓ୍ବାଡି କେନ୍ଦ୍ର ଖୋଲା

ଚନ୍ଦାହାଣ୍ଡି,୩୦।୪(ଡି.ଏନ.ଏ): ବର୍ଦ୍ଧିତ ତାପମାତ୍ରା ଯୋଗୁ ରାଜ୍ୟରେ ଏପ୍ରିଲ ୧୮ରୁ ସମସ୍ତ ବିଦ୍ୟାଳୟରେ ଛାତ୍ରୀଛାତ୍ରଙ୍କ ପାଇଁ ସରକାର ଛୁଟି ଘୋଷଣା କରିଛନ୍ତି। ତେବେ ରାଜ୍ୟରେ ଅଙ୍ଗନଓ୍ବାଡି କେନ୍ଦ୍ରରେ...

କରୋନା ଛାଟ: ୨ ବର୍ଷ ଯାଏ ନୂଆ ପଦବୀ ନାହିଁ, ଅଫିସରଙ୍କୁ ଏସବୁ ମନା

ଭୁବନେଶ୍ୱର,୭।୭(ବ୍ୟୁରୋ): କରୋନା ମହାମାରୀ ସଂକ୍ରମଣ ଦିନକୁ ଦିନ ବୃଦ୍ଧି ପାଇବାରେ ଲାଗିଛି। ଏଥିଯୋଗୁ ଆର୍ଥିକ ସଙ୍କଟ ସୃଷ୍ଟି ହୋଇଛି। ଏହାକୁ ଦୃଷ୍ଟିରେ ରଖି ରାଜ୍ୟ ସରକାର...

ନକଲି କରୋନା ଔଷଧ ଜବତ ଘଟଣା: ସୁଦୀପଙ୍କ ରିମାଣ୍ଡ ପାଇଁ ଏସ୍‌ଟିଏଫ୍‌ର ଆବେଦନ

ଭୁବନେଶ୍ୱର,୫ା୭(ବ୍ୟୁରୋ): ରାଜ୍ୟରେ ନକଲି କରୋନା ଔଷଧ ଜବତ ଘଟଣାରେ କ୍ରାଇମବ୍ରାଞ୍ଚର ଏସ୍‌ଟିଏଫ୍‌ ଟିମ୍‌ ର଼୍ୟାକେଟ୍‌ର ମୁଖ୍ୟ କାର୍ପଟଦାର ମୁମ୍ବାଇର ସୁଦୀପ ବାର୍ନାଜୀଙ୍କୁ ୧୦ ଦିନିଆ ରିମାଣ୍ଡରେ...

ରାଜ୍ୟସ୍ତରୀୟ ସାଇକ୍ଲିଂ ଚାମ୍ପିୟନଶିପ୍‌

ଭଣ୍ଡାରିପୋଖରୀ, ୨୦।୧୦ (ସ୍ବ.ପ୍ର.)- ଓଡ଼ିଶା ସାଇକ୍ଲିଂ ଆସୋସିଏଶନ ଦ୍ୱାରା ପରିଚାଳିତ ଭଦ୍ରକ ଜିଲା ସାଇକ୍ଲିଂ ଆସୋସିଏଶନ ପକ୍ଷରୁ ବାରିକପୁରଠାରେ ଶନିବାର ଦୁଇଦିନିଆ ୩୮ତମ ରାଜ୍ୟସ୍ତରୀୟ ସାଇକ୍ଲିଂ...

ଦଳେଇଘାଇଠାରେ ବିପଦ ସଙ୍କେତଠାରୁ ୪ ଫୁଟ୍‌ ୯ ଇଞ୍ଚ୍‌ ତଳେ ବନ୍ୟାଜଳ ପ୍ରବାହିତ

ବିରିଡ଼ି,୧୪ା୮(ଡି.ଏନ.ଏ.): ଦଳେଇଘାଇଠାରେ ବୁଧବାର ବନ୍ୟାଜଳ ବିପଦ ସଙ୍କେତଠାରୁ ୪ଫୁଟ୍‌ ୯ଇଞ୍ଚ୍‌ ତଳେ ପ୍ରବାହିତ ହେଉଛି। ଅର୍ଥାତ୍‌ ସନ୍ଧ୍ୟାରେ ୫୨ ଫୁଟ୍‌ ୩ ଇଞ୍ଚ ରହିଛି। ଏଣୁ...

କଟକରୁ ସ୍ଥାନାନ୍ତର ହେବ ମଧୁସୂଦନ ଆଇଟିଆଇ

କଟକ ଅଫିସ,୧୪।୨: କଟକ ଏସ୍‌ସିବି ମେଡିକାଲକୁ ନୂଆ ରୂପ ଦେବା ସହ ଚିକିତ୍ସା ବ୍ୟବସ୍ଥାକୁ ବ୍ୟାପକ କରିବା ଦିଗରେ ରାଜ୍ୟ ସରକାର ପଦକ୍ଷେପ ନେଉଛନ୍ତି। ଏଣୁ...

Advertisement
Archives

Model This Week