ନୂଆଦିଲ୍ଲୀ,୩୦।୭: କକ୍ରୋଚ ଜନତା ପାର୍ଟି (CJP) ର ପ୍ରତିଷ୍ଠାତା ଅଭିଜିତ ଦୀପକେ କହିଛନ୍ତି, ନରେନ୍ଦ୍ର ମୋଦିଙ୍କୁ ପ୍ରଧାନମନ୍ତ୍ରୀ ପଦ ଛାଡ଼ିଦେବା ଉଚିତ୍ ଏବଂ ଜଣେ ଇନଫ୍ଲୁଏନ୍ସର (Influencer) ହୋଇଯିବା ଉଚିତ୍। ସେ ପ୍ରଧାନମନ୍ତ୍ରୀଙ୍କ ସେହି ଇନଷ୍ଟାଗ୍ରାମ ଭିଡିଓଗୁଡ଼ିକ ଉପରେ କଟାକ୍ଷ କରି ଏଭଳି କହିଛନ୍ତି। ଯେଉଁଥିରେ ସେ ଯୁବପିଢ଼ିଙ୍କୁ ସମ୍ବୋଧିତ କରୁଥିବାର ନଜର ଆସିଥିଲେ।
ମହାରାଷ୍ଟ୍ରର ନିଜ ଜନ୍ମସ୍ଥାନରେ ବୁଧବାର ଖବରଦାତାମାନଙ୍କ ସହ କଥାବାର୍ତ୍ତା କରିବା ସମୟରେ ଦୀପକେ କହିଛନ୍ତି, ମତେ ଲାଗୁଛି ଯେ ପ୍ରଧାନମନ୍ତ୍ରୀ ମୋଦିଙ୍କୁ ଜଣେ ଇନଫ୍ଲୁଏନ୍ସର ହୋଇଯିବା ଉଚିତ୍। ସେ ଏହି କାମରେ ବହୁତ ଭଲ କରୁଛନ୍ତି। ଯଦି ସେ ଏତେ ଭଲ ଇନଫ୍ଲୁଏନ୍ସର, ତେବେ ତାଙ୍କୁ ପ୍ରଧାନମନ୍ତ୍ରୀ ପଦ ଛାଡ଼ିଦେବା କଥା, ଜଣେ ଇନଫ୍ଲୁଏନ୍ସର ହୋଇଯିବା ଦରକାର ଏବଂ ଅନ୍ୟ କାହାକୁ ଏହି କାମ କରିବାକୁ ଦେବା ଦରକାର।
