ଜମ୍ମୁ,୧୯ ।୯: ଅନୁଚ୍ଛେଦ ୩୭୦ ଓ ୩୫ଏ ହଟିବା ପରେ ଜମ୍ମୁ-କଶ୍ମରରେ ହୋଇଚାଲିଥିବା ପରିବର୍ତ୍ତନ ଓ ପରିବର୍ତ୍ତିତ ଚିତ୍ରର ଏକ ସତ୍ୟ ରବିବାର ସାମ୍ନାକୁ ଆସିଛି । ଆତଙ୍କବାଦୀଙ୍କ ଦବଦବା ଯୋଗୁ କଶ୍ମୀର ଘାଟିରେ ବନ୍ଦ ହୋଇଯାଇଥିବା ସିନେମା ହଲ ସଂସ୍କୃତିରେ ୩୨ ବର୍ଷ ପରେ ଚମକ ଆସିଛି । ଶୋପିଆନ ଓ ପୁଲୱାମାରେ ରବିବାର ସିନେମା ହଲ ଖୋଲିଯିବାରୁ ଏବେ କଶ୍ମୀରବାସୀ ରୂପେଲି ପରଦାକୁ ପାଖରୁ ଦେଖିବାକୁ ପାଇବେ । ରୁପେଲି ପରଦାରେ ଚଳଚ୍ଚିତ୍ର ଦେଖିବା ସ୍ୱପ୍ନକୁ ପୁରଣ କରିବାକୁ ଏମାନଙ୍କୁ ପ୍ରାୟ ୩୦୦ କିଲୋମିଟର ଜମ୍ମୁ ଅବା କୌଣସି ଅନ୍ୟ ସ୍ଥାନକୁ ଯିବାକୁ ପଡୁଥିଲା ।
କଶ୍ମୀର ସଂଭାଗରେ ଗୋଟିଏ ମାତ୍ର ସିନେମା ହଲ ଆତଙ୍କବାଦୀଙ୍କ ସମୟରେ ୩୨ ବର୍ଷ ପରେ ବାରାମୁଳା ଜିଲାରେ ମେ’ ମାସର ଖୋଲିଛି । ଏହି ହଲ ପଟ୍ଟନର ହାଇଦରବେଗରେ ସେନା ଶିବିର ପରିସରରେ ରହିଛି । ଭାଙ୍ଗିଯାଇଥିବା ଜୋରାବର ସିନେମା ହଲକୁ ମରାମତି କରି ସେନା ମେ ୨୧ରେ ଦର୍ଶକଙ୍କ ପାଇଁ ଖୋଲି ଦେଇଥିଲା । ପ୍ରଥମ ଦିନରେ ହିଁ ସିନେମା ହଲ ଅସମ୍ଭବ ଭିଡ ହୋଇଥିଲା । ସରକାର ଶ୍ରୀନଗରର ବାଦାମିବାଗ ସେନା ଶିବିର ପରିସରରେ ଏକ ମଲ୍ଟିପ୍ଲେକ୍ସ ନିର୍ମାଣ ପାଇଁ ଅନୁମତି ପ୍ରଦାନ କରିଛନ୍ତି । ଏଠାରେ ପୂର୍ବରୁ ଏକ ସିନେମା ହଲ ଥିଲା ହେଲେ ଆତଙ୍କବାଦୀଙ୍କ ପ୍ରବେଶ ପରେ ଏହା ବନ୍ଦ ହୋଇଯାଇଥିଲା ।
