ଆଜିକାଲି ଛଣାଛଣି ଏବଂ ଚଟପଟିଜାତୀୟ ଖାଦ୍ୟର ଚାହିଦା ଅଧିକ। ଅନେକେ ଏପରି ଖାଦ୍ୟ ପ୍ରସ୍ତୁତ ପାଇଁ ଆବଶ୍ୟକ ତେଲକୁ ଏକାଧିକ ଥର ବ୍ୟବହାର କରିଥାଆନ୍ତି। ଅନେକେ ବଳକା ତେଲକୁ ପୁଣି ଥରେ ଛଣାଛଣି ପାଇଁ ବ୍ୟବହାର କରନ୍ତି। ତେବେ ଏପରି ଖାଦ୍ୟ ଖାଦ୍ୟ ଖାଇଲେ ଆମେ ପେଟଜନିତ ରୋଗର ଶିକାର ହୋଇଥାଉ। ନିକଟରେ ୟୁନିଭର୍ସିଟି ଅଫ ସିଡ୍ନୀର ପୁଷ୍ଟିବିଜ୍ଞାନୀମାନଙ୍କ ଦ୍ୱାରା ହୋଇଥିବା ଏକ ସର୍ଭେରୁ ଜଣାପଡିଛି ଯେ, ଏପରି ତେଲ କ୍ରନିକ୍ ବା ଦୀର୍ଘକାଳୀନ ରୋଗ ପାଇଁ ଦାୟୀ। ମାତ୍ର ଏହା ଶରୀର ପାଇଁ କ୍ଷତିକାରକ। ଏପରି ତେଲରେ ପ୍ରସ୍ତୁତ ଖାଦ୍ୟ ଖାଇବା ଦ୍ୱାରା ଏହି ତେଲରେ ଥିବା ବିଷାକ୍ତ ତତ୍ତ୍ୱ ଦୀର୍ଘକାଳୀନ ରୋଗ ସୃଷ୍ଟି କରିଥାଏ। ଅନ୍ୟପକ୍ଷରେ ଛଣାତେଲକୁ ଅଧିକ ଗରମ କରିବା ଦ୍ୱାରା ଏଥିରେ ଥିବା ଫ୍ୟାଟ ତତ୍ତ୍ୱ ଟ୍ରାନ୍ସ ଫ୍ୟାଟ୍ରେ ପରିଣତ ହୋଇଥାଏ, ଯାହା ହୃଦରୋଗ ପାଇଁ ଅନେକାଂଶରେ ଦାୟୀ ବୋଲି ପ୍ରକାଶିତ ରିପୋର୍ଟରେ ଉଲ୍ଲେଖ କରାଯାଇଛି। ଏପରି ତେଲରୁ ପ୍ରସ୍ତୁତ ଖାଦ୍ୟ ବାରମ୍ବାର ଖାଇବା ଦ୍ୱାରା ଲିଭର କ୍ୟାନ୍ସର ହେବାର ଯଥେଷ୍ଟ ଆଶଙ୍କା ରହିଛି।
