ଭଦ୍ରକ ଅଫିସ,୪।୫-ଭାରତୀୟ ଟାଏକୋଣ୍ଡୋ ଦଳରେ ପ୍ରଶିକ୍ଷକ ତାଲିକାରେ ଦଳରେ ଭଦ୍ରକର ଚିନ୍ମୟ ବେହେରାଙ୍କ ନାମ ସ୍ଥାନ ପାଇଛି। ଚଳିତ ମାସ ୧୫ରୁ ୩୦ ତାରିଖ ପର୍ଯ୍ୟନ୍ତ ଓସେନିଆ ଟାଏକୋଣ୍ଡୋ ଏବଂ ବିଶ୍ୱ ଟାଏକୋଣ୍ଡୋ ସଂଘ ଦ୍ୱାରା ଜି-୨ ଅନ୍ଲାଇନ ଅନ୍ତର୍ଜାତୀୟ ପୁମ୍ସେ ଟାଏକୋଣ୍ଡୋ ପ୍ରତିଯୋଗିତା ଅନୁଷ୍ଠିତ ହେବ। ଏଥିରେ ବିଭିନ୍ନ ଦେଶର ଜାତୀୟ ଟାଏକୋଣ୍ଡୋ ପୁମସେ ପ୍ରତିଯୋଗୀ ନିଜର ପୁମ୍ସେ ଭିଡିଓର ୟୁଟ୍ୟୁବ ଲିଙ୍କ୍ ପ୍ରଦାନ କରିବେ। ଏଥିନିମନ୍ତେ ଭାରତୀୟ ଦଳ ତାଲିକାରେ ୧୭ ଜଣଙ୍କ ନାମ ଘୋଷଣା କରାଯାଇଛି। ସେମାନଙ୍କ ମଧ୍ୟରେ ଓଡ଼ିଶାରୁ ଚିନ୍ମୟଙ୍କ ନାମ ପ୍ରଶିକ୍ଷକ ଭାବେ ସ୍ଥାନ ପାଇଛି। ଅନ୍ତର୍ଜାତୀୟ ପୁମ୍ସେ ଟାଏକୋଣ୍ଡୋ ପ୍ରତିଯୋଗିତାରେ ଓଡ଼ିଶାରୁ ଚିନ୍ମୟଙ୍କ ନାମ ପ୍ରଥମଥର ପାଇଁ ଭାରତୀୟ ଦଳରେ ପ୍ରଶିକ୍ଷକ ରୂପେ ସାମିଲ କରାଯାଇଛି। ଓଡ଼ିଶା ଟାଏକୋଣ୍ଡୋ ସଂଘର ସଭାପତି ତଥା ଅନ୍ତର୍ଜାତୀୟ ରେଫରି ସୁନ୍ଦରମଣି ପଟେଲଙ୍କ ସମେତ ସମସ୍ତ ସଦସ୍ୟ ତାଙ୍କୁ ଶୁଭେଚ୍ଛା ଜଣାଇଛନ୍ତି।
