ବଜାର କରିଦେଲେ ଜାମ

ଅନୁଗୋଳ ଅଫିସ, ୪ା୫ ନିୟନ୍ତ୍ରଣ ବାହାରକୁ ଚାଲିଯାଉଥିବା କୋଭିଡ୍‌ ସଂକ୍ରମଣର ଚେନ୍‌ ଭାଙ୍ଗିବାକୁ ରାଜ୍ୟ ସରକାର ଆସନ୍ତା ୫ରୁ ୧୯ ତାରିଖ ଯାଏ ଲକ୍‌ଡାଉନ୍‌ ଘୋଷଣା କରିଛନ୍ତି। ବଜାର ବନ୍ଦ ହେଲେ ଓ ଚଳପ୍ରଚଳ ହ୍ରାସ ପାଇଲେ ପଜିଟିଭ୍‌ଙ୍କ ସଂଖ୍ୟା ତଳମୁହାଁ ହେବ ବୋଲି ସରକାର ଆଶା ରଖିଛନ୍ତି। ହେଲେ ଲକ୍‌ଡାଉନ୍‌ ପୂର୍ବରୁ ବଜାରଗୁଡ଼ିକରେ ଯେପରି ଲୋକଙ୍କ ଭିଡ଼ ଲାଗୁଛି ଓ କଟକଣା ପାଳନ କରାଯାଉ ନାହିଁ, ତାହା ଆଗାମୀ ଦିନରେ ଭୟାନକ ସ୍ଥିତି ସୃଷ୍ଟି କରିପାରେ ବୋଲି ଆଶଙ୍କା କରାଯାଉଛି। ସୋମବାର ଅନୁଗୋଳ ସହରର ବିଭିନ୍ନ ସ୍ଥାନରେ ପ୍ରବଳ ଗହଳି ହେବା ଅନେକଙ୍କୁ ଆଶ୍ଚର୍ଯ୍ୟ କରିଦେଇଛି। କରୋନା କଟକଣାକୁ ଭୁଲି ସାମଗ୍ରୀ କିଣିବାକୁ ସହରବାସୀ ଏପରି ଅମାନିଆ ହେଲେ ଯେ ବଜାର ସମ୍ପୂର୍ଣ୍ଣ ଜାମ୍‌ ହୋଇଯାଇଥିଲା।
ସପ୍ତାହାନ୍ତ ଶଟ୍‌ଡାଉନ୍‌ ପରେ ସୋମବାର ଖୋଲିଥିଲା ଅନୁଗୋଳ ସହର। ଲକ୍‌ଡାଉନ୍‌ ପୂର୍ବରୁ ହାତରେ ଆଉ ମାତ୍ର ୨ ଦିନ ଥିବାରୁ ଲୋକେ ବିଭିନ୍ନ ଅତ୍ୟାବଶ୍ୟକ ସାମଗ୍ରୀ କିଣିବାକୁ ଅଥୟ ହୋଇପଡ଼ିଥିଲେ। ସହରର ପ୍ରମୁଖ ବ୍ୟବସାୟିକ ସ୍ଥଳ କୁହାଯାଉଥିବା ବଜାର ଛକରେ ଏଥିପାଇଁ ଅସମ୍ଭାଳ ଭିଡ଼ ଦେଖିବାକୁ ମିଳିଥିଲା। ଦୀର୍ଘ ସମୟ ପର୍ଯ୍ୟନ୍ତ ପ୍ରଶାସନ ଓ ପୋଲିସ ଲୋକଙ୍କୁ ଆୟତ୍ତ କରିପାରି ନ ଥିଲା। ଗହଳି ଯୋଗୁ କୌଣସି ସ୍ଥାନରେ ପାଦ ପକାଇବାକୁ ବାଟ ନ ଥିଲା। ପନିପରିବା ଠାରୁ ଆରମ୍ଭ କରି ବିଭିନ୍ନ ରାଶନ ସାମଗ୍ରୀ ଲୋକେ ଗାଡ଼ି କରି ବୋହି ନେଉଥିବା ଦେଖିବାକୁ ମିଳିଥିଲା। ସହରବାସୀଙ୍କ ଏପରି ବିକଳିଆ ସ୍ଥିତିରୁ ଫାଇଦା ଉଠାଇ ଅସାଧୁ ବ୍ୟବସାୟୀମାନେ ଦର ବଢ଼ାଇ ଦେଇଥିଲେ। ବିଶେଷକରି ଆଳୁ ଓ ପିଆଜ ସହ ପରିବାର ଦର ବେକାବୁ ହୋଇଯାଇଛି। ୪୦ ତଳକୁ ପରିବା ଦର ଖସୁ ନାହିଁ। ସେହିପରି ଗାନ୍ଧୀମାର୍ଗ ଠାରେ ଥିବା ମଦ ଦୋକାନ ସହ ଅନ୍ୟସ୍ଥାନରେ ଥିବା ଦୋକାନ ଗୁଡ଼ିକରେ ଗ୍ରାହକମାନେ ଧାଡ଼ି ଲଗାଇଥିଲେ। ଦୂର ହୋଇଥିଲେ ମଧ୍ୟ ବଅଁରପାଳ, ମହୀଧରପୁର ଓ ଅନ୍ୟ ଉପାନ୍ତ ଅଞ୍ଚଳରେ ଥିବା ମଦ ଦୋକାନରୁ ପେଟି ପେଟି ମଦ ବୋହି ନେଇଥିଲେ। ତେବେ ମଙ୍ଗଳବାର ଯେପରି ବଜାରରେ ଲୋକେ ଗହଳି ନ କରନ୍ତି, ସେ ନେଇ ପ୍ରଶାସନ ସଜାଗ ରହିଛି। ବିଭିନ୍ନ ଛକରେ ପୋଲିସ ଓ ପ୍ରଶାସନିକ ଅଧିକାରୀମାନେ ଉପସ୍ଥିତ ରହି ଯାଞ୍ଚକୁ କଡ଼ାକଡ଼ି କରିବେ ବୋଲି ଯୋଜନା ହୋଇଛି।

ଚଢ଼ା ଦର ନେଲେ ଚଢ଼ାଉ
ବଜାରରେ ଭିଡ଼ ବଢ଼ିଯାଇଥିଲା। ଲୋକମାନେ ଅମାନିଆ ହୋଇ କିଣାକିଣି କରିଥିଲେ। ମଙ୍ଗଳବାର ଠାରୁ କୋଭିଡ୍‌ କଟକଣା କଡ଼ାକଡ଼ି କରାଯିବ। ଉଲ୍ଲଂଘନକାରୀଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ପ୍ରତି ଛକରେ ପୋଲିସ ସହ ପ୍ରଶାସନିକ ଅଧିକାରୀମାନେ ନିୟୋଜିତ ରହିବେ।
-ବାସୁଦେବ ଶତପଥୀ, ଅନୁଗୋଳ ଉପଜିଲାପାଳ
ଲକ୍‌ଡାଉନର ଲାଭ ମିଳିବନି
୫ ତାରିଖରୁ ଲକ୍‌ଡାଉନ୍‌ ନେଇ ଘୋଷଣା ହୋଇଥିବାରୁ ଭିଡ଼ ବଢ଼ିବ ବୋଲି ପ୍ରଶାସନ ଜାଣିଥିଲା। ହେଲେ ବଜାରରେ ଲୋକଙ୍କୁ ନିୟନ୍ତ୍ରଣ କରିବାରେ ଘୋର ଅବହେଳା ଦେଖିବାକୁ ମିଳିଲା। ଏପରି ହେଲେ ଲକ୍‌ଡାଉନ୍‌ର ଲାଭ ମିଳିବନି, ବରଂ କରୋନା ସଂକ୍ରମଣ ପୂର୍ବାପେକ୍ଷା ବଢ଼ିଚାଲିବ।
-ସୂର୍ଯ୍ୟ ନାରାୟଣ ବାରିକ, ଅନୁଗୋଳ
ଏପରି ବିକଳ କାହିଁକି
ସରକାର ଲକ୍‌ଡାଉନ୍‌ ଘୋଷଣା କରିବା ସହ ସୋମବାରରୁ ଶୁକ୍ରବାର ଯାଏ ସକାଳ ୬ରୁ ୧୨ଟା ପର୍ଯ୍ୟନ୍ତ ଅତ୍ୟାବଶ୍ୟକ ସାମଗ୍ରୀ ଦୋକାନ ଖୋଲା ରହିବ ବୋଲି କହିଛନ୍ତି। ହେଲେ ଲୋକେ ସେସବୁ ଶୁଣିବାକୁ ପ୍ରସ୍ତୁତ ନୁହନ୍ତି। ସେମାନେ ଯେପରି ବିକଳିଆ ହୋଇ ବଜାରରୁ ସାମଗ୍ରୀମାନ କିଣି ନେଉଛନ୍ତି, ତାହାକୁ ଦେଖି ଲାଗୁଛି, ଯେପରି ଆଗକୁ ଅନାହାର ପରିସ୍ଥିତି ଆସୁଛି।
-ସମନ୍ବୟ ମିଶ୍ର, ଅନୁଗୋଳ
ଅସାଧୁ ବ୍ୟବସାୟୀଙ୍କ ପାଇଁ ଉତ୍ସବ
ଗତବର୍ଷ ମାର୍ଚ୍ଚରେ ଲକ୍‌ଡାଉନ୍‌ ଓ ଶଟ୍‌ଡାଉନ୍‌ ଖାଉଟିଙ୍କଠାରୁ ଆରମ୍ଭ କରି ବ୍ୟବସାୟୀମାନଙ୍କ ମନରେ ଭୟ ସୃଷ୍ଟି କରିଥିଲା। କିନ୍ତୁ ପରବର୍ତ୍ତୀ ସମୟରେ ଅସାଧୁ ବ୍ୟବସାୟୀମାନଙ୍କ ପାଇଁ ଏହା ଏକ ସୁଯୋଗ ବା ଉତ୍ସବରେ ପରିଣତ ହୋଇଯାଇଛି। ସେମାନେ ମନଇଚ୍ଛା ମୂଲ୍ୟ ଖାଉଟିଙ୍କଠାରୁ ଆଦାୟ କରୁଛନ୍ତି। ଏମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ହେବା ଆବଶ୍ୟକ।
-ଉପେନ୍ଦ୍ର କୁମାର ସେଠୀ, ଅନୁଗୋଳ


Enter your email to get our daily news in your inbox.

All Right Reserved By Dharitri.Com

କାଲେରୁ ସେତୁ ଉଦ୍‌ଘାଟନ ଦାବିରେ ଧାରଣା: ଜନ ପ୍ରତିନିଧି, ସେତୁ ସୀମାନ୍ତବର୍ତ୍ତୀ ଗ୍ରାମବାସୀ ସାମିଲ

କାଲିମେଳା,୧୮।୨(ଡି.ଏନ୍‌.ଏ.)- ମାଲକାନଗିରି ଜିଲା କାଲିମେଳା ବ୍ଲକ ସୀମାନ୍ତ ମୋଟୁସ୍ଥିତ ସିଲେରୁ ନଦୀ ଉପରେ ନିର୍ମିତ କାଲେରୁ ସେତୁ ଉଦ୍‌ଘାଟନ ଦାବି କରି ମଙ୍ଗଳବାର ଜିଲାର ବିଭିନ୍ନ...

ଚିନ୍ତା ବଢ଼ାଇଲେଣି ପ୍ରବାସୀ: ଗଞ୍ଜାମରେ ୨ ସୁରଟ ଫେରନ୍ତାଙ୍କୁ କରୋନା

ବ୍ରହ୍ମପୁର ଅଫିସ, ୩।୫- ଗଞ୍ଜାମରୁ ୨ କରୋନା ସଂକ୍ରମିତ ଚିହ୍ନଟ ହୋଇଛନ୍ତି। ଗଞ୍ଜାମ ଜିଲାକୁ ମିଶାଇ ରାଜ୍ୟରେ ଏବେ ମୋଟ ୧୬ ଜିଲା ସଂକ୍ରମିତ ତାଲିକାରେ...

ନାବାଳିକାଙ୍କ ଆଖି ନଷ୍ଟ ହେବା ଘଟଣା: ଜିଲାପାଳ, ସିଡିଏମ୍‌ଓଙ୍କୁ ଭେଟିଲେ ଗ୍ରାମବାସୀ

ନୟାଗଡ଼ ଅଫିସ,୨୬ା୧୦: ନୟାଗଡ଼ ଜିଲା ଦଶପଲ୍ଲା ବ୍ଲକ ନଛିପୁର ଗ୍ରାମର ଚନ୍ଦ୍ରକାନ୍ତ ଗୋଛାୟତଙ୍କ ଝିଅ ରିଙ୍କି ଗୋଛାୟତ (୬)ଙ୍କ ଆଖି ନଷ୍ଟ ହେବା ଘଟଣାରେ ଶୁକ୍ରବାର...

ଏସ୍‌ସିବି ମେଡିକାଲରେ ଭିଜିଲାନ୍ସର ଖୋଳତାଡ: ୨୯୪ କର୍ମଚାରୀ ନିଯୁକ୍ତିକୁ ନେଇ ଅଡୁଆ ପରିସ୍ଥିତି

କଟକ ଅଫିସ,୧୨।୧୨: ଏସ୍‌ସିବି ମେଡିକାଲରେ ଏକ ଘରୋଇ ସଂସ୍ଥା ମାଧ୍ୟମରେ ୨୯୪ଜଣ ଚତୁର୍ଥ ଶ୍ରେଣୀ କର୍ମଚାରୀଙ୍କୁ ନିଯୁକ୍ତି ଦିଆଯାଇଥିଲା। ଏହି ନିଯୁକ୍ତିରେ ବ୍ୟାପକ ଜାଲିଆତି କରାଯାଇଥିବା...

ନନ୍ଦନକାନନରେ ଧଳା ମହାବଳ ବାଘ ଶୁଭ୍ରାଂଶୁର ମୃତ୍ୟୁ

ଭୁବନେଶ୍ୱର,୧୫।୧୦(ବ୍ୟୁରୋ):ନନ୍ଦନକାନନରେ ପୁଣି ଏକ ମହାବଳ ବାଘ ଆଖି ବୁଜିଛି। ମଙ୍ଗଳବାର ସକାଳ ୧୦.୧୫ ଧଳା ମହାବଳ ବାଘ ‘ଶୁଭ୍ରାଂଶୁ’ର ମୃତ୍ୟୁ ହୋଇଥିବା ନନ୍ଦନକାନନ ଉପନିର୍ଦ୍ଦେଶକ ଜୟନ୍ତ...

ପୁରୀ ଷ୍ଟେଶନ ଅନୁଧ୍ୟାନ କଲେ ପିଏସ୍‌ସି ଟିମ୍‌: ଫୁଡ୍‌ ପ୍ଲାଜାକୁ ୧୦ ହଜାର, ଠିକାଦାରଙ୍କୁ ୨୫ହଜାର ଜରିମାନା

ପୁରୀ ଅଫିସ, ୧୭ା୭: ଭାରତୀୟ ରେଳ ମନ୍ତ୍ରଣାଳୟର ପାସେଞ୍ଜର ସର୍ଭିସ କମିଟି(ପିଏସ୍‌ସି) ୫ଦିନ ଓଡ଼ିଶା ଗସ୍ତରେ ଆସିଛନ୍ତି। ବୁଧବାର ପୂର୍ବାହ୍ନରେ ଏହି ଟିମ୍‌ ଭୁବନେଶ୍ୱର, ଖୋର୍ଦ୍ଧାରୋଡ଼...

ଆଜିଠୁ ଭିତରକନିକା ବନ୍ଦ

ରାଜନଗର,୨୬ା୧୨ (ଡି.ଏନ.ଏ.): କେନ୍ଦ୍ରାପଡା ଜିଲା ରାଜନଗର ବ୍ଲକରେ ଥିବା ଭିତରକନିକା ଜାତୀୟ ଉଦ୍ୟାନ ଆସନ୍ତାକାଲି ଠାରୁ ଜାନୁୟାରୀ ୪ ତାରିଖ ପର୍ଯ୍ୟନ୍ତ ବନ୍ଦ ରହିବ। ଏଥିପାଇଁ...

ସିନେମାରେ ଲାଗିଥିଲା ପ୍ରତାପଙ୍କ ଟଙ୍କା

ଭୁବନେଶ୍ୱର,୧୧ା୧୧(ବ୍ୟୁରୋ): ଓଡ଼ିଶା ପୋଲିସ ହାଉସିଂ ଆଣ୍ଡ ଓ୍ବେଲଫେୟାର କର୍ପୋରେଶନ(ଓପିଏଚ୍‌ଡବ୍ଲ୍ୟୁସି) ଡେପୁଟି ମ୍ୟାନେଜର ପ୍ରତାପ କୁମାର ସାମଲଙ୍କ ଘରେ ଭିଜିଲାନ୍ସ ଚଢ଼ାଉ କରି ବିପୁଳ ପରିମାଣର ଆୟ...

Advertisement
Archives

Model This Week