ଲଣ୍ଡନ, ୧୨।୨ : ବାହାରୁ ଶକ୍ତିଶାଳୀ ମନେ ହେଉଥିବା ଚାଇନା ପ୍ରକୃତରେ ଭିତରୁ ଦୁର୍ବଳ। ଏନେଇ ବିଶେଷଜ୍ଞ ମତପୋଷଣ କରିଛନ୍ତି। ବେଜିଂରେ ବ୍ରିଟିଶ ଦୂତାବାସରେ ଦୁଇଥର କାର୍ଯ୍ୟ କରିଥିବା ରୋଜର ଗାର୍ସାଇଡ କହିଛନ୍ତି ଯେ ଆଭ୍ୟନ୍ତରୀଣ କାରଣଗୁଡିକ ଯୋଗୁ ଚାଇନାର ସ୍ଥିତି ଦୁର୍ବଳ ହେବାରେ ଲାଗିଛି। ଏହା ଯୋଗୁ ଚାଇନାର ଶାସନ କ୍ଷେତ୍ରରେ ଅସ୍ଥିର ତା ସୃଷ୍ଟି ହେବାର ଆଶଙ୍କା ରହିଛି। ଚାଇନାର ରାଷ୍ଟ୍ରପତି ଶି ଜିନପିଙ୍ଗ ଚଳିତ ବର୍ଷ ନ୍ୟାଶନାଲ ପାର୍ଟି କଂଗ୍ରେସରେ ସିସିପି ସଭାପତି ଭାବରେ କ୍ରମାଗତ ତୃତୀୟ ଥର ପାଇଁ ନିଜକୁ ସୁରକ୍ଷିତ ରଖିବାକୁ ଚେଷ୍ଟା କରୁଥିବାବେଳେ ଏଭଳି ତଥ୍ୟ ବାହାରକୁ ଆସିଛି।
ଗାର୍ସାଇଡ କହିଛନ୍ତି ରାଷ୍ଟ୍ରପତି ଜିନ୍ପିଙ୍ଗ୍ଙ୍କ ସରକାର ସାମରିକ କ୍ଷେତ୍ର ଅପେକ୍ଷା ଆଭ୍ୟନ୍ତରୀଣ ସୁରକ୍ଷା ପାଇଁ ଅଧିକ ବଜେଟ ଖର୍ଚ୍ଚ କରୁଛନ୍ତି। ତାଙ୍କର ସରକାର ଆଭ୍ୟନ୍ତରୀଣ ଶତ୍ରୁମାନଙ୍କୁ ଭୟ କରୁଥିବା ତଥ୍ୟରେ ସେ ଉଲ୍ଲେଖ କରିଛନ୍ତି। କମ୍ୟୁନିଷ୍ଟ ନେତାଙ୍କ ଏକ ଦଳ ଜିନପିଙ୍ଗଙ୍କ ବିରୋଧରେ ଏକ ଆଭ୍ୟନ୍ତରୀଣ କ୍ଷମତା ଦଖଲ ଷଡ଼ଯନ୍ତ୍ର କରୁଥିବାର ସେ ଆଶଙ୍କା ପ୍ରକାଶ କରିଛନ୍ତି। ଗାର୍ସାଇଡଙ୍କ ଅନୁଯାୟୀ, ଚାଇନାର କମ୍ୟୁନିଷ୍ଟ ପାର୍ଟି (ସିସିପି)ର ଉଚ୍ଚ ସ୍ତରୀୟ ନେତୃତ୍ୱ ବିଶ୍ୱାସ କରନ୍ତି ଯେ ଜିନ୍ପିଙ୍ଗ୍ ଚାଇନାକୁ ଏକ ଅତ୍ୟନ୍ତ ବିପଦପୂର୍ଣ୍ଣ ଏବଂ ବିପଜ୍ଜନକ ଦିଗରେ ଆଗେଇ ନେଉଛନ୍ତି।
ପ୍ରିମିୟର ଲି କେକିଆଙ୍ଗଙ୍କ ସମେତ ସିସିପି ନେତାମାନେ ମନେ କରୁଛନ୍ତି ଏହାଯୋଗୁ ପାର୍ଟିର ଭବିଷ୍ୟତ ତଥା ଜିନ୍ପିଙ୍ଗ୍ ନିଜ ସମ୍ପତ୍ତି ଏବଂ କ୍ଷମତାକୁ ମଧ୍ୟ ବିପଦରେ ପକାଉଛନ୍ତି। ଏଭଳି କରି ଜିନ୍ପିଙ୍ଗ୍ ନିଜ ପାଦରେ ଚୋଟ ମାରୁଛନ୍ତି ବୋଲି ଦ ଏପୋଚ ଟାଇମ୍ସ୍କୁ ସାକ୍ଷାତ୍କାର ଦେଇ ଗାର୍ସାଇଡ୍ ଏହା କହିଛନ୍ତି।
