ପୋଲ ନ ଥିବାରୁ ପାଠ ଛାଡୁଛନ୍ତି ପିଲା

ଛେଣ୍ଡିପଦା,୨୫ା୭(ସ୍ବ.ପ୍ର.)  ଗାଁକୁ ଭଲ ରାସ୍ତାଟିଏ ନାହିଁ। ଚାରିପଟୁ ଘେରି ରହିଛି  ନୁହୁରାଣୀ ଓ ବାଇଶିନାଳିଆ ନଦୀ। ବର୍ଷ ତମାମ ସେଥିରେ ପାଣି ରହୁଥିବାରୁ ଯାତାୟାତ ବେଶ୍‌ କଷ୍ଟକର। ବର୍ଷାଦିନେ ଗାଁ ବାହ୍ୟଜଗତରୁ ବିଚ୍ଛିନ୍ନ ହୋଇପଡ଼ୁଥିବାରୁ ଗମନାଗମନ ସମ୍ପୂର୍ଣ୍ଣ ବନ୍ଦ। ନଦୀ ଉପରେ ପୋଲଟିଏ ନିର୍ମାଣ ହୋଇପାରୁ ନ ଥିବାରୁ ୨ କିମି ଦୂର ସ୍କୁଲ ପାଇଁ ଜଙ୍ଗଲ ରାସ୍ତାରେ ୫ କିଲୋମିଟର ଚାଲିବାକୁ ପଡ଼ୁଛି ଅନୁଗୋଳ ଜିଲା ଛେଣ୍ଡିପଦା ବ୍ଲକ ନୂଆଗାଁ ପଞ୍ଚାୟତ ଲୁଣମାଟି ଗ୍ରାମର ପିଲାଙ୍କୁ। ନୂଆଗାଁ ତେଲିସାହି ପ୍ରାଥମିକ ବିଦ୍ୟାଳୟରେ ପଢ଼ୁଥିବା ଗ୍ରାମର ୩୦ ପିଲା ବର୍ଷାଦିନେ ଆଦୌ ବିଦ୍ୟାଳୟ ଯାଉନାହାନ୍ତି। ଅନେକ ପାଠପଢ଼ା ମଧ୍ୟ ଛାଡ଼ି ଦେଇଥିବା ଗ୍ରାମବାସୀ ପ୍ରକାଶ କରିଛନ୍ତି।

ଗ୍ରାମବାସୀ କହିଛନ୍ତି ଯେ, ନୂଆଗାଁ ପଞ୍ଚାୟତର ୭ନଂ ୱାର୍ଡ ହେଉଛି ଆଦିବାସୀ ବହୁଳ ଗ୍ରାମ ଲୁଣମାଟି। ପୂର୍ବରୁ ଏଠାରେ ପ୍ରାୟ ୫୦ ପରିବାର ରହୁଥିବା ବେଳେ ଅସୁବିଧା ଯୋଗୁ ୨୦ ପରିବାର ଅନ୍ୟତ୍ର ଚାଲିଗଲେଣି। ବର୍ଷାଦିନକୁ ଛାଡିଦେଲେ ସୀମନ୍ତ ସମ୍ବଲପୁର ଓ ଦେବଗଡ ଜିଲାର ଜନସାଧାରଣ ଲୁଣମାଟି ଗ୍ରାମ ରାସ୍ତା ଉପରେ ନିର୍ଭର କରିଥାନ୍ତି। ଛେଣ୍ଡିପଦା ସୀମାନ୍ତକୁ ନୁହୁରାଣୀ ଓ ନାକଟିଦେଉଳ ସୀମାନ୍ତକୁ ବାଇଶିନାଳିଆ ନଦୀ ରହିଛି। ଲୁଣମାଟି ଗ୍ରାମକୁ ଲାଗିକରି ନୁହୁରାଣୀ ନଦୀ ଥିବାରୁ ତାହା ଏବେ କୂଳ ଖାଇ ଗାଁ ତଡ଼ିନେବାକୁ ବସିଲାଣି। ଶିକ୍ଷାଠାରୁ ଆରମ୍ଭ କରି ସ୍ବାସ୍ଥ୍ୟସେବା ଯାଏ ପାଇବାକୁ ହେଲେ ଏହି ନଦୀ ପାର ହେବାକୁ ପଡ଼ିଥାଏ। କିନ୍ତୁ ବର୍ଷ ତମାମ ପାଣି ରହୁଥିବାରୁ ଜଙ୍ଗଲ ରାସ୍ତାରେ ବୁଲି ବୁଲି ଯିବାକୁ ପଡ଼ିଥାଏ। ଫଳରେ ଅନେକ ସମୟରେ ପିଲା ସ୍କୁଲ ଯାଇପାରୁ ନ ଥିବାବେଳେ ଗର୍ଭବତୀ ଓ ଶିଶୁମାନେ ଟିକା ନେବାକୁ ଅସୁବିଧାର ସମ୍ମୁଖୀନ ହେଉଛନ୍ତି। ନଦୀ ଉପରେ ପୋଲଟିଏ ନିର୍ମାଣ ନିମନ୍ତେ ପ୍ରଶାସନ କୌଣସି ପଦକ୍ଷେପ ନେଉନାହିଁ। ତେବେ ସାମାଜିକ କର୍ମୀ ଚିନ୍ମୟୀ ଦାସ ଓ ବୁଦ୍ଧଦେବ ବେହେରା ଆଲୋଚନା କରିବା ପରେ ଏକ କାଠ ପୋଲ ନେଇ ଉଦ୍ୟମ କରାଯାଉଥିବା ଗ୍ରାମବାସୀ କହିଛନ୍ତି। ନୂଆଗାଁ ସରପଞ୍ଚ ଝୁନୁବାଳା ନାୟକ କହିଛନ୍ତି, ନଦୀ ଉପରେ ପୋଲ ନିର୍ମାଣ ପାଇଁ ୫୦ ଲକ୍ଷ ଟଙ୍କା ଆବଶ୍ୟକ। କିନ୍ତୁ ପ୍ରଶାସନ ପକ୍ଷରୁ ମାତ୍ର ୧୦ ଲକ୍ଷ ଟଙ୍କା ଦିଆଯାଇଛି। ସେଥିପାଇଁ ନିର୍ମାଣ କାର୍ଯ୍ୟ ହୋଇପାରୁ ନାହିଁ। ଜିଲା ପ୍ରଶାସନକୁ ଅବଗତ କରାଯାଇଛି

ନଦୀ ଉପରେ ପୋଲ ନିର୍ମାଣ ନିମନ୍ତେ ଜିଲା ଖଣିଜ ପାଣ୍ଠିରୁ ୧୦ ଲକ୍ଷ ଟଙ୍କା ଦିଆଯାଇଥିଲା। କିନ୍ତୁ ଉକ୍ତ ଅର୍ଥ ପର୍ଯ୍ୟାପ୍ତ ହେଉ ନ ଥିବାରୁ ଏ ନେଇ ଜିଲା ପ୍ରଶାସନକୁ ଅବଗତ କରାଯାଇଛି। ପ୍ରଶାସନ ପକ୍ଷରୁ ଅଧିକ ଅର୍ଥ ବ୍ୟବସ୍ଥା କରାଗଲେ ପୋଲ ନିର୍ମାଣ କରାଯାଇପାରିବ।

-ସୁନୀଲ କୁମାର କେର୍କଟା, ବିଡିଓ, ଛେଣ୍ଡିପଦା

କାଠପୋଲ ବ୍ୟବସ୍ଥା ହେଉଛି

ଏହା ଗ୍ରାମବାସୀଙ୍କ ଦୀର୍ଘ ବର୍ଷର ସମସ୍ୟା। ପ୍ରତିବର୍ଷ ନଦୀ କୂଳ ଖାଉଥିବାରୁ ଗାଁ ପ୍ରତି ବିପଦ ବଢ଼ୁଛି। ଗମନାଗମନରେ ମଧ୍ୟ ଅସୁବିଧା ହେଉଛି। ପ୍ରଶାସନ ଏଯାଏ କିଛି ବ୍ୟବସ୍ଥା କରୁ ନ ଥିବାରୁ କାଠ ପୋଲଟିଏ ପାଇଁ ଯୋଜନା କରାଯାଇଛି। ଗ୍ରାମବାସୀ ଖୁସି ହୋଇଛନ୍ତି।

-ଚିନ୍ମୟୀ ଦାସ, ସାମାଜିକ କର୍ମୀ

ଗାଁ ଛାଡ଼ିବାକୁ ବାଧ୍ୟହେବୁ

ନଦୀ କୂଳ ଖାଉଥିବାରୁ ଗାଁର ଭବିଷ୍ୟତ କ’ଣ ହେବ ତାହା ଜାଣିପାରୁନୁ। ପଥର ବନ୍ଧ ଓ ପୋଲ ନିର୍ମାଣ ନ ହେଲେ ଗ୍ରାମବାସୀ ଏଠାରୁ ଅନ୍ୟତ୍ର ଚାଲିଯିବାକୁ ବାଧ୍ୟ ହେବେ। ତେଣୁ ଜିଲା ପ୍ରଶାସନ ପୋଲ ନିର୍ମାଣ ପାଇଁ ଅଧିକ ଅର୍ଥ ବ୍ୟବସ୍ଥା କରୁ।

-ପ୍ରଦୀପ ମହାରଣା, ଗ୍ରାମବାସୀ


Enter your email to get our daily news in your inbox.

All Right Reserved By Dharitri.Com

ନୟାଗଡ଼ରେ ୭୧ ଗାଁ  ଜଳବନ୍ଦୀ

ନୟାଗଡ ଅଫିସ/ଗଣିଆ/ଭାପୁର,୩୧। ୮(ଡି.ଏନ.ଏ.): ପ୍ରଳୟଙ୍କରୀ ବନ୍ୟା ଯୋଗୁ ନୟାଗଡ଼ ଜିଲାର ୭୧ଟି ଗ୍ରାମ ଜଳବନ୍ଦୀରେ ରହିଛି। ଏଥିରେ ଗଣିଆ ବ୍ଲକର ୬୮ ଓ ଭାପୁର ବ୍ଲକ...

ଟୁର୍‌ ଅପରେଟର୍‌ କରିପାରିବେ ଓଡ଼ିଶା ପର୍ଯ୍ୟଟନ ସମ୍ପଦର ପ୍ରଦର୍ଶନ

ଭୁବନେଶ୍ୱର, ୧୭।୧୦(ବ୍ୟୁରୋ):  ଓଡ଼ିଶା ପର୍ଯ୍ୟଟନ ସମ୍ପଦରେ ଭରପୂର। ଏଗୁଡ଼ିକର ଯଥାର୍ଥ ପ୍ରଦର୍ଶନ ଓ ବିପଣନ ଗୁରୁତ୍ୱପୂର୍ଣ୍ଣ ଅଟେ । ଏ ଦିଗରେ ଦେଶ ଓ ବିଦେଶର...

ଦୁଗ୍ଧଚାଷୀଙ୍କ ପେଟରେ କରୋନା ଲାତ

ସାକ୍ଷୀଗୋପାଳ, ୧୬ା୪(ଡି.ଏନ.ଏ): କରୋନା ଯୋଗୁ ସମସ୍ତଙ୍କ ଜୀବନ ଜୀବିକା ପ୍ରଭାବିତ ହୋଇଛି। ଗୋପାଳନ ଉପରେ ନିର୍ଭର କରି ପରିବାର ପ୍ରତିପୋଷଣ କରୁଥିବା ସତ୍ୟବାଦୀ ବ୍ଲକ ଓ...

ଜୁଆର ମାଡ଼ରେ ଭୁଷୁଡ଼ିଲା ନିର୍ମାଣାଧୀନ ଶୌଚାଳୟ

ଗୋପାଳପୁର,୨ା୯-ଗୋପାଳପୁର ବେଳାଭୂମିକୁ ପର୍ଯ୍ୟଟକଙ୍କୁ ଆକୃଷ୍ଟ କରିବା ପାଇଁ ବିଭିନ୍ନ ଯୋଜନା ପ୍ରଣୟନ କରାଯାଉଛି। ଗତ ୩ ମାସ ହେଲା ବ୍ରହ୍ମପୁର ଉନ୍ନୟନ କର୍ତ୍ତୃପକ୍ଷ (ବିଡିଏ) ପକ୍ଷରୁ...

ଲୁହା ଆଙ୍ଗେଲ ଚୋରି ଘଟଣା: ଦୁଇ ଗିରଫ

ଯୋଡ଼ା,୧୮।୧୨(ଡି.ଏନ୍‌.ଏ.): କେନ୍ଦୁଝର ଜିଲା ପୂର୍ବ ଯୋଡ଼ାସ୍ଥିତ ଟିସ୍କୋ କଲୋନୀରେ ଘର କାମ ପାଇଁ ରଖାଯାଇଥିବା ୩୪ଟି ଲୁହା ଆଙ୍ଗେଲ ଚୋରି କରିଥିବା ଅଭିଯୋଗରେ ପୋଲିସ ୨...

କ୍ଷତିପୂରଣ ଦାବିରେ ଚାଷୀଙ୍କ ଆନ୍ଦୋଳନ

ଖଇରା,୧୨।୧୧(ଡି.ଏନ.ଏ.)- ବୁଲ୍‌ବୁଲ୍‌ ବାତ୍ୟା ପ୍ରଭାବରେ ଧାନ ଓ ପନିପରିବା ଆଦି ଫସଲ କ୍ଷତିଗ୍ରସ୍ତ ହୋଇଥିବାରୁ ତୁରନ୍ତ କ୍ଷୟକ୍ଷତି ଆଳନ କରି ଚାଷୀଙ୍କୁ ଉପଯୁକ୍ତ କ୍ଷତିପୂରଣ ଦେବା...

କାଠମାଫିଆଙ୍କ ଆକ୍ରମଣରେ ୨ ବନ କର୍ମଚାରୀ ଆହତ

ବାରିପଦା ଅଫିସ, ୨୯ା୨- ମୟୂରଭଞ୍ଜ ଜିଲା ବାରିପଦା ରେଞ୍ଜ ଅଧୀନ ମହୁଲିଆଠାରେ କାଠମାଫିଆଙ୍କ ଆକ୍ରମଣରେ ଜଣେ ଫରେଷ୍ଟ ଗାର୍ଡ ଓ ବନ ବିଭାଗର ଅନ୍ୟ ଜଣେ...

ଚୋରି ଉଦ୍ୟମ ପଣ୍ଡ: ଚୋରକୁ ଗୋଡ଼ାଇ ଧରିଲେ ଲୋକେ

ରସୁଲପୁର,୨୨।୧୧(ଡିଏନଏ): ଯାଜପୁର ଜିଲା ରସୁଲପୁର ବ୍ଲକ ଲକ୍ଷ୍ମୀନଗର ପଞ୍ଚାୟତ ବାଲିଆପଶି ଗ୍ରାମରେ ଗୁରୁବାର ରାତି ସାଢେ ୯ଟାରେ ଚୋରି ଉଦ୍ୟମ ପଣ୍ଡ ହୋଇଛି। ଗାଁ ଲୋକେ...

Play 250+ Trending Games
Archives

Model This Week

Why Dharitri