ଛପରା,୧୪ ।୩: ବିହାରର ଛପରାରେ ମଙ୍ଗଳବାର ସକାଳେ ଆରଜେଡିର ଜଣେ ନେତାଙ୍କୁ କିଡନାପ କରାଯାଇଛି । କୁହାଯାଉଛି କି ଭୋର ୪ଟାରେ କେତେଜଣ ବଦମାସ ଅସ୍ତ୍ର ଦେଖାଇ ଆରଜେଡି ନେତାଙ୍କୁ ଅପହରଣ କରି ନେଇଛନ୍ତି । ପୋଲିସ ଏବେ ସମ୍ପୂର୍ଣ୍ଣ ଘଟଣାର ଯାଞ୍ଚ ଆରମ୍ଭ କରିଛି । ଯାହାଙ୍କୁ ଅପହରଣ କରିଛନ୍ତି ତାଙ୍କ ନାଁ ସୁନିଲ କୁମାର ରାୟ । ସେ ଜଣେ ଆରଜେଡି ନେତା ବୋଲି ଜଣାପଡିଛି । ଏହି ଘଟଣା ମୁଫ୍ସିଲ ଥାନା ଅଞ୍ଚଳର ବଜାର ସମିତି ନିକଟରେ ହୋଇଥିବା ଜଣାପଡିଛି ।
ସୁନିଲ ସାଧାରଣ ଭାବେ ସାରଣର ବାସିନ୍ଦା । ତାଙ୍କ ଘର ନିକଟରୁ ହିଁ ତାଙ୍କୁ ଅପହରଣ କରାଯାଇଛି । ଏହାର ସିସିଟିଭି ଫୁଟେଜ ସାମ୍ନାକୁ ଆସିବା ପରେ ଜଣାପଡିଛି କି ସୁନିଲ ରାସ୍ତା କଡରେ ତାଙ୍କ ବାଇକ ପାଖରେ ଠିଆ ହୋଇଥିବା ବେଳେ ଏକ ସ୍କର୍ପିଓ ତାଙ୍କ ନିକଟରେ ଆସି ଅଟକୁଛି ଓ କେତେଜଣ ଲୋକ ସେଥିରୁ ଓହ୍ଲାଉଛନ୍ତି । ସେହି ଲୋକମାନେ ହିଁ ତାଙ୍କୁ ଅପହରଣ କରି ନେଇ ଯାଉଛନ୍ତି । ଏବେ ପୋଲିସ ଘଟଣାର ଯାଞ୍ଚ କରିଛି ।
