ମହାକାଳପଡ଼ା,୩୧ା୫ (ଡି.ଏନ୍.ଏ.):କେନ୍ଦ୍ରାପଡ଼ା ଜିଲା ନଦୀନାଳଘେରା ମହାକାଳପଡ଼ା ବ୍ଲକ ସ୍ଥାନୀୟ ବାରଡାଙ୍ଗ ଗଁାରେ ବଞ୍ଚତ୍ ରହିଛି ୫୮ ବର୍ଷର ଚାଟଶାଳୀ। ସାରାଜୀବନ ଅବିବାହିତ ରହି ଅବଧାନେ ରାମଚନ୍ଦ୍ର ଭୋଳ (୭୨) ପିଲାଙ୍କୁ ପାଠ ପଢ଼ାଉଛନ୍ତି। ସେ ଜଣେ ଦିବ୍ୟାଙ୍ଗ ବ୍ୟକ୍ତି ହୋଇଥିବାରୁ ଶାରୀରିକ ଅକ୍ଷମତା ଯୋଗୁ କାମ କରିବା ତାଙ୍କ ପକ୍ଷେ ସମ୍ଭବ ନ ହେବାରୁ ଗ୍ରାମାଞ୍ଚଳ ଶିକ୍ଷାର ବିକାଶ କ୍ଷେତ୍ରରେ ମନୋନିବେଶ କରିବାକୁ ମନସ୍ଥ କରିଥିଲେ।
ଭାରତ ସ୍ବାଧୀନତା ପରେ ମହାକାଳପଡ଼ା ଭଳି ଉପକୂଳ ଅନଗ୍ରସର ଅଞ୍ଚଳରେ ଶିକ୍ଷାର ସୁଦୂରପ୍ରସାର ନିମନ୍ତେ ସେଭଳି କିଛି ବ୍ୟବସ୍ଥା ନ ଥିଲା। ଗଁାର ଅଭାବୀ ଶ୍ରେଣୀର ଲୋକମାନେ ନିଜ ପିଲାମାନଙ୍କୁ ଦୂରଦୂରାନ୍ତକୁ ପାଠ ପଢ଼ାଇବାକୁ ଛାଡ଼ିପାରୁ ନ ଥିଲେ। ଗୋଟେପଟେ ଦାରିଦ୍ର୍ୟ ଓ ଅନ୍ୟପକ୍ଷେ ଗମନାଗମନ ସମସ୍ୟା ଯୋଗୁ ଗଁାର ଅଧିକାଂଶ ପିଲା ପାଠ ପଢ଼ି ନ ପାରି ବୁଲାବୁଲି କରୁଥିଲେ। ଏହା ଦେଖି ରାମ ସାର୍ ପାଠ ପଢ଼ାଇବାକୁ ମନସ୍ଥ କରି ୧୯୬୪ ମସିହାରେ ଏକ ନୂଆଣିଆ ଝୁମ୍ପୁଡ଼ି ଚାଳଘରେ ଆରମ୍ଭ କରିଥିଲେ ଚାଟଶାଳୀ। ପ୍ରଥମେ ୨୫ ଜଣ କୋମଳମତି ଶିଶୁଙ୍କୁ ନେଇ ନିଃଶୁଳ୍କ ଶିକ୍ଷାଦାନ ଚାଟଶାଳି ମାଧ୍ୟମରେ ଆରମ୍ଭ କରିଥିଲେ। ଦୀର୍ଘ ୫୮ ବର୍ଷ ଧରି ନିଜ ଶିକ୍ଷାଦାନ କ୍ଷେତ୍ରରେ କେବେବି ହାର୍ ମାନିନାହାନ୍ତି ସେ। ଅଭାବ ଅସୁବିଧା ସତ୍ତ୍ୱେ କୋମଳମତି ଶିଶୁମାନଙ୍କୁ ଦେଖିଦେବା ପରେ ସବୁକିଛି ଭୁଲିଯାଆନ୍ତି ସାର। ଏଠାରେ ଏକ ମାହାତ୍ମ୍ୟ ରହିଛି। ଗଁାର ପ୍ରତ୍ୟେକ ଶିଶୁଙ୍କ ଖଡ଼ି ଛୁଇଁବା ବା ଅନୁକୂଳ ରାମ ସାରଙ୍କ ଚାଟଶାଳିରେ ହିଁ ହୋଇଥାଏ। ଅବଧାନ ରାମ ସାର୍ଙ୍କ ଚାଟଶାଳୀରେ ଶୈକ୍ଷିକ, ଗୁଣାତ୍ମକ ଶିକ୍ଷା ସହ ମହାପୁରୁଷଙ୍କ ଜୀବନୀ ତଥା ନୀତି ଆଦର୍ଶ ଉପରେ ପ୍ରତିଦିନ ପିଲାମାନଙ୍କୁ ଶିକ୍ଷାଦାନ ଦିଆଯାଏ। କେବଳ ବାରଡାଙ୍ଗ ନୁହେଁ, ବ୍ଲକର ବିଭିନ୍ନ ଗଁାରୁ ପିଲାମାନେ ପଢ଼ିବାକୁ ରାମ ସାରଙ୍କ ଚାଟଶାଳୀକୁ ଧାଇଁ ଆସନ୍ତି। ଏହି ଚାଟଶାଳିରେ ଶିକ୍ଷାଦାନ ଖୁବ୍ ଉଚ୍ଚକୋଟୀର ବୋଲି ଅଞ୍ଚଳର ବହୁ ବୁଦ୍ଧିଜୀବୀ କହିଛନ୍ତି। ଏହି ଚାଟଶାଳିରେ ପଢ଼ିଥିବା ବହୁ ଚାଟ ଦେଶ ବିଦେଶରେ ଖୁବ୍ ଉଚ୍ଚ ପଦପଦବୀରେ ଅବସ୍ଥାପିତ ଅଛନ୍ତି ବୋଲି କହିଛନ୍ତି ରାମ ସାର। ଆଜିକା ଦିନରେ ରାମ ସାର ଶିକ୍ଷାଦାନ କ୍ଷେତ୍ରରେ କେବେବି ହାରିନାହାନ୍ତି। ବୟସ ଅଧିକ ହୋଇଥିବାରୁ ଆଗ ଅପେକ୍ଷା ଶାରୀରିକ ଅସୁସ୍ଥ ହେଉଥିଲେ ମଧ୍ୟ ପିଲାମାନଙ୍କୁ ଖୁବ୍ ସ୍ନେହ ଶ୍ରଦ୍ଧା କରିଥାନ୍ତି। ଶିକ୍ଷାକ୍ଷେତ୍ରରେ ରାମ ସାର୍ଙ୍କ ଅବଦାନ ଅତୁଳନୀୟ। ସମାଜ ପାଇଁ ଏହି ଦିବ୍ୟାଙ୍ଗ ଶିକ୍ଷକଙ୍କ ଅବଦାନ ରହିଛି ବୋଲି ଶିକ୍ଷାବିତ୍ ବିରଞ୍ଚତ୍ ନାରାୟଣ ଦାସ କହିଛନ୍ତି। ସରକାରୀ ଓ ବେସରକାରୀ ଅନୁଷ୍ଠାନ ପକ୍ଷରୁ ଚାଟଶାଳୀ ଅବଧାନେଙ୍କୁ ସମ୍ମାନିତ କରାଗଲେ ଅବଶିଷ୍ଟ ଜୀବନ ଶିକ୍ଷାକ୍ଷେତ୍ରରେ ଉତ୍ସର୍ଗ କରିବାକୁ ପ୍ରେରଣା ଦେବ ବୋଲି ଶିକ୍ଷାବିତ୍ ଦାସ କହିଛନ୍ତି।
