ରାଜନଗର,୩।୬(ଭାସ୍କର ରାଉତରାୟ): କେନ୍ଦ୍ରାପଡ଼ା ଜିଲା ରାଜନଗର ଥାନା ଅନ୍ତର୍ଗତ ରାଜନଗର-ଭିତରକନିକା ମୁଖ୍ୟ ରାସ୍ତାର ଜରିମୂଳ ଛକରେ ମଙ୍ଗଳବାର ବିଳମ୍ବିତ ରାତିରେ ନିଜ ଗାଁର ସାଙ୍ଗକୁ ସାଙ୍ଗ ପଛପଟୁ ଖଣ୍ଡାରେ ହାଣିବା ଦ୍ୱାରା ସାଙ୍ଗର ମୁଣ୍ଡ ଏବଂ ହାତରେ ଗୁରୁତର ଆଘାତ ଲାଗିଛି। ଗୁରୁତର ଅବସ୍ଥାରେ ପ୍ରଥମେ ରାଜନଗର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ଓ ପରେ କେନ୍ଦ୍ରାପଡା ଜିଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି। ଏହି ଘଟଣା ସମ୍ପର୍କରେ ଆହାତ ଯୁବକଙ୍କ ମା’ ରାଜନଗର ଥାନାରେ ଲିଖିତ ଅଭିଯୋଗ କରିଛନ୍ତି। ଅଭିଯୋଗ ଅନୁଯାୟୀ, ଚାନ୍ଦିବାଉଁଶମୂଳ ବଜାରରେ ଢୋଲମରା ଗ୍ରାମର ରାହସ ସାମଲଙ୍କ ପୁଅ ଦିବ୍ୟରଞ୍ଜନ ଦୋକାନ କରିଛନ୍ତି। ମଙ୍ଗଳବାର କୌଣସି କାରଣରୁ ତାଙ୍କ ଗାଁ ସାଙ୍ଗ ଗୁନା ବିଶ୍ୱାଳ ବଜାରରେ କାହା ସହିତ ବଚସାରୁ ମାଡ଼ଗୋଳ ହୋଇଥିଲେ। ପରେ ଗୁନା, ସୁନିଆ, ପ୍ରଦୀପ ଦିବ୍ୟ ଦୋକାନରେ ପହଞ୍ଚି ଗାଁ ସାଙ୍ଗ ହୋଇ କାହିଁକି କିଛି ବାଧା ଦେଲୁନି ବୋଲି ଖଣ୍ଡାରେ ଆକ୍ରମଣ କରିଥିବା ଆହତ ଦିବ୍ୟଙ୍କ ମା’ ଜଣାଇଛନ୍ତି।
Dharitri – Odisha’s No.1 Odia Daily
