ଥିରୁଭାନନ୍ତପୁରମ୍,୮।୯: କଂଗ୍ରେସ ନେତୃତ୍ୱାଧୀନ ୟୁନାଇଟେଡ ଡେମୋକ୍ରାଟିକ ଫ୍ରଣ୍ଟ (ୟୁଡିଏଫ୍) ପ୍ରାର୍ଥୀ ଚାଣ୍ଡି ଓମେନ କେରଳରେ ପୁଥୁପାଲ୍ଲି ବିଧାନସଭା ନିର୍ବାଚନରେ ରେକର୍ଡ ୩୬,୪୫୪ ଖଣ୍ଡ ଭୋଟ ବ୍ୟବଧାନରେ ଜିତିଛନ୍ତି। ୨୦୧୧ରେ ପୂର୍ବତନ ମୁଖ୍ୟମନ୍ତ୍ରୀ ଓମେନ ୱାଣ୍ଡି ସିପିଏମର ସୁଜା ସୁଜନ ଜର୍ଜଙ୍କ ବିପକ୍ଷରେ ୩୩,୨୫୫ ଭୋଟରେ ବିଜୟୀ ହୋଇଥିଲେ। ୧୧ ବର୍ଷ ପରେ ଓମେନ ଚାଣ୍ଡିଙ୍କ ପୁଅ ଚାଣ୍ଡି ଓମେନ ୩୬,୪୫୪ ଭୋଟରେ ଜିତି ପୁରୁଣା ରେକର୍ଡ ଭାଙ୍ଗିଛନ୍ତି।
କଂଗ୍ରେସ ନେତା ତଥା ପୂର୍ବତନ ମୁଖ୍ୟମନ୍ତ୍ରୀ ଓମେନ ଚାଣ୍ଡିଙ୍କ ମୃତ୍ୟୁ ପରେ ପୁଥୁପାଲ୍ଲି ଆସନ ଖାଲି ପଡିଥିଲା। ଏହି ଆସନରୁ ତାଙ୍କ ପୁଅ ଚାଣ୍ଡି ଓମେନ ପ୍ରାର୍ଥୀ ହୋଇଥିବାବେଳେ ସିପିଏମର ଯୁବ ନେତା ଜ୍ୟାକ ସି ଥୋମାସଙ୍କୁ ଏଲ୍ଡିଏଫ୍ ପ୍ରାର୍ଥୀ କରାଯାଇଥିଲା। ଭାଜପା ନେତୃତ୍ୱାଧୀନ ନ୍ୟାଶନାଲ ଡେମୋକ୍ରାଟିକ ଆଲାଏନ୍ସ (ଏନଡିଏ) ଲିଜିନ ଲାଲ ପ୍ରାର୍ଥୀ କରିଥିବାବେଳେ ପ୍ରଥମ ଥର ପାଇଁ ଏହି ନିର୍ବାଚନମଣ୍ଡଳୀରେ ଆମ ଆଦମୀ ପାର୍ଟି (ଏଏପି) ମଧ୍ୟ ଲୁକଙ୍କୁ ପ୍ରାର୍ଥୀ କରିଥିଲା। ସେପ୍ଟେମ୍ବର ୫ରେ ପୁଥୁପାଲ୍ଲି ବିଧାନସଭା ଉପ-ନିର୍ବାଚନ ଅନୁଷ୍ଠିତ ହୋଇଥିଲା।
