ବାରଙ୍ଗ,୩୦ା୯(ଡି.ଏନ୍.ଏ.):ଚନ୍ଦକା-ଡମପଡ଼ା ଅଭୟାରଣ୍ୟ ଅକ୍ଟୋବର୨ ଅର୍ଥାତ୍ ଗାନ୍ଧୀ ଜୟନ୍ତୀରେ ଖୋଲିବ ବୋଲି ଡିଏଫ୍ଓ କେଦାର ସ୍ବାଇଁ କହିଛନ୍ତି। କୋଭିଡ୍ କଟକଣାରେ ଖୋଲିବାକୁ କର୍ତ୍ତୃପକ୍ଷ ନିଷ୍ପତ୍ତି ନେଇଥିବାବେଳେ କୋଭିଡ୍ ନିୟମ ମାନି ପର୍ଯ୍ୟଟକ ପ୍ରବେଶ କରିବେ। ଏଥିନିମନ୍ତେ ସାମାଜିକ ଦ୍ୱରତ୍ୱ ସହ ମାସ୍କ ପିନ୍ଧିବାକୁ ପଡ଼ିବ। ଏହି ଅଭୟାରଣ୍ୟ ୭ମାସ ପରେ ଚାରିଟି ରେଞ୍ଜରେ ଥିବା ୪ ପରିବେଶ ପର୍ଯ୍ୟଟନସ୍ଥଳି ଖୋଲିବ। ଡେରାସ, ଗୋଡ଼ିବାରି, ଭରତପୁର ଓ ଡମପଡ଼ା ବ୍ୟତୀତ ଅନ୍ୟ ଦୁଇଟି ପରିବେଶ ପର୍ଯ୍ୟଟନସ୍ଥଳୀକୁ ପର୍ଯ୍ୟଟକମାନେ ଦେଖିବାର ସୁଯୋଗ ପାଇବେ। ପର୍ଯ୍ୟଟକମାନେ ଜଙ୍ଗଲ ସଫାରି, ନେଚର କ୍ୟାମ୍ପ, ହାତୀ ଅଭୟାରଣ୍ୟ, ଡେରାସ ଡ୍ୟାମ ଉପଭୋଗ କରିବେ। ପର୍ଯ୍ୟଟକଙ୍କ ରାତ୍ରି ରହଣି ପାଇଁ ବାହାରୁ ଖାଦ୍ୟ ନ ଆଣି ଏଠାରେ ଥିବା ମେନୁ ଅନୁଯାୟୀ ଖାଦ୍ୟ ଯୋଗଇ ଦିଆଯିବ।
