Advertisement
Posted inଜାତୀୟ

‘କୃଷିକୁ ଧ୍ୱଂସ କରିବ କେନ୍ଦ୍ରର ଆଇନ’

ନୂଆଦିଲ୍ଲୀ,୨୦ା୧ : କେନ୍ଦ୍ର ସରକାରଙ୍କ ନୂଆ କୃଷି ଆଇନ ଦେଶରେ କୃଷି କ୍ଷେତ୍ରକୁ ଧ୍ୱଂସ କରିବା ପାଇଁ ଉଦ୍ଦିଷ୍ଟ। ଏହି ବିବାଦୀୟ ଆଇନକୁ ପ୍ରତ୍ୟାହାର କରାଗଲେ ହିଁ କୃଷକମାନଙ୍କ ସମସ୍ୟାର ସମାଧାନ ହେବ ବୋଲି ମଙ୍ଗଳବାର କଂଗ୍ରେସ ନେତା ରାହୁଲ ଗାନ୍ଧୀ କେନ୍ଦ୍ରକୁ ଟାର୍ଗେଟ କରିଛନ୍ତି। ଏହି ପ୍ରସଙ୍ଗରେ ରାହୁଲ ଓ ଭାଜପା ମୁହଁ। ମୁହିଁ ହୋଇଛନ୍ତି।
୩ କୃଷି ଆଇନ ପରିପ୍ରେକ୍ଷୀରେ ଚାଷୀଙ୍କ ଦୁର୍ଦ୍ଦଶା ସମ୍ପର୍କିତ ଏକ ବୁକ୍‌ଲେଟ୍‌ କଂଗ୍ରେସ ପକ୍ଷରୁ ଖବରଦାତା ସମ୍ମିଳନୀରେ ଉନ୍ମୋଚିତ ହୋଇଛି। ଏହାକୁ ଉନ୍ମୋଚନ କରି ରାହୁଲ କହିଛନ୍ତି, କୃଷି ଆଇନ ଯୋଗୁ ସମଗ୍ର କୃଷି କ୍ଷେତ୍ର ୩ରୁ ୪ ପୁଞ୍ଜିପତିଙ୍କ ହାତକୁ ଚାଲିଯିବ। ଆନ୍ଦୋଳନରତ ଚାଷୀମାନଙ୍କୁ ମୁଁ ୧୦୦ ପ୍ରତିଶତ ସମର୍ଥନ କରୁଛି। ସେମାନେ ଆମ ପାଇଁ ଲଢ଼େଇ କରୁଥିବାରୁ ଭାରତର ପ୍ରତ୍ୟେକ ବ୍ୟକ୍ତି କୃଷକମାନଙ୍କୁ ସମର୍ଥନ କରିବା ଉଚିତ। ସରକାର ଓ କୃଷକମାନଙ୍କ ମଧ୍ୟରେ ଆଲୋଚନାକୁ ନେଇ ଅଚଳାବସ୍ଥା ସମ୍ପର୍କରେ ପ୍ରଶ୍ନ କରାଯିବାରୁ ରାହୁଲ କହିଥିଲେ, କୃଷି ଆଇନ ପ୍ରତ୍ୟାହାରରେ ହିଁ ଏହାର ସମାଧାନ ସମ୍ଭବ।
ଏହି ଅବସରରେ ରାହୁଲ ଭାଜପା ରାଷ୍ଟ୍ରୀୟ ଅଧ୍ୟକ୍ଷ ଜେ.ପି. ନଡ୍ଡାଙ୍କୁ ତାଙ୍କ ଟୁଇଟ୍‌କୁ ନେଇ ଟାର୍ଗେଟ କରିଥିଲେ। କହିଥିଲେ, ଧ୍ୟାନ ହଟାଇବା ପାଇଁ ଏହା ଏକ ଉଦ୍ୟମ। କୃଷକମାନେ ଜାଣିଛନ୍ତି ଯେ ସେମାନଙ୍କ ସହ ଜମି ଅଧିଗ୍ରହଣ ପ୍ରସଙ୍ଗରେ ନଡ୍ଡା ନୁହନ୍ତି, ମୁଁ ରହିଥିଲି। ମୁଁ କାହାକୁ ଭୟ କରୁନାହିଁ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କି ଆଉ କାହାକୁ ନୁହେଁ। ମୁଁ ଜଣେ ସ୍ବଚ୍ଛ ମଣିଷ। ସେମାନେ ମୋତେ ଛୁଇଁପାରିବେ ନାହିଁ। ସେମାନେ ମୋତେ ଗୁଳି କରିପାରିବେ କିନ୍ତୁ ଛୁଇଁବା ସମ୍ଭବ ନୁହେଁ। ମୁଁ ଜଣେ ଦେଶଭକ୍ତ ଏବଂ ମୋ ଦେଶକୁ ସୁରକ୍ଷା ଦେଇଥାଏ। ଏହି କାର୍ଯ୍ୟକୁ ଜାରି ରଖିବି ବୋଲି ରାହୁଲ ଦୃଢ଼ୋକ୍ତି ବାଢ଼ିଛନ୍ତି। ଏହି ଅବସରରେ ରାହୁଲ ଅରୁଣାଚଳ ପ୍ରଦେଶରେ ଚାଇନା ଏକ ଗାଁ ବସାଇବା ଓ କୋଭଡ୍‌-୧୯ ମୁକାବିଲାରେ ସରକାରଙ୍କ ବିଫଳତା ସମେତ ଅନ୍ୟ କେତେକ ପ୍ରସଙ୍ଗ ମଧ୍ୟ ଉଠାଇଥିଲେ। ମୁଁ ଦେଶକୁ ତଳକୁ ନଇଁବାକୁ ଦେବିନାହିଁ ବୋଲି ସେ ଟୁଇଟ୍‌ କରିବା ସହ ସେଥିରେ ‘ଚାଇନା ଗ୍ରାମ’ ସମ୍ପର୍କିତ ଏକ ରିପୋର୍ଟକୁ ସଂଲଗ୍ନ କରିଥିଲେ। ସେହିପରି କଂଗ୍ରେସ ନେତା ରଣଦୀପ ସୁର୍ଜଓ୍ବୋଲା ଓ ମନୀଷ ତିଓ୍ବାରୀ ମଧ୍ୟ ଏହି ପ୍ରସଙ୍ଗରେ ମୋଦିଙ୍କୁ ଟାର୍ଗେଟ କରିଥିଲେ।
ଏହାର ଜବାବରେ ନଡ୍ଡା କହିଥିଲେ, ବିଦେଶରେ ମାସିକିଆ ଛୁଟି କାଟି ଏବେ ଫେରିଥିବା ରାହୁଲଙ୍କ ସମେତ ତାଙ୍କ ପରିବାର ଓ କଂଗ୍ରେସ ଚାଇନା ଉପରେ ମିଛ କହିବା କେବେ ବନ୍ଦ କରିବ। ପ୍ରଥମ ପ୍ରଧାନମନ୍ତ୍ରୀ ଜବାହରଲାଲ ନେହେରୁ ଚାଇନାକୁ ହଜାର ହଜାର କି.ମି. ଛାଡ଼ିଦେଇଥିଲେ। ଏକଥା କ’ଣ ସେମାନେ ଅସ୍ବୀକାର କରିପାରିବେ? କଂଗ୍ରେସ ଅନେକ ଥର ଚାଇନା ଆଗରେ କାହିଁ ଆମତ୍ସମର୍ପଣ କରିଥିଲା ବୋଲି ନଡ୍ଡା ଟୁଇଟରରେ ପ୍ରଶ୍ନ କରିଛନ୍ତି। ସେହିପରି ରାହୁଲ କୃଷକମାନଙ୍କୁ ବିଭ୍ରାନ୍ତ କରିଥିବା ନେଇ ଅଭିଯୋଗ ଆଣିବା ସହ ନଡ୍ଡା ପ୍ରଶ୍ନ କରିଛନ୍ତି, କଂଗ୍ରେସ ନେତୃତ୍ୱାଧୀନ ଉପା ସରକାର କାହିଁକି ସ୍ବାମୀନାଥନ୍‌ କମିଶନ ରିପୋର୍ଟକୁ ବର୍ଷ ବର୍ଷ ଧରି ଚାପି ରଖିଥିଲା ଏବଂ ସର୍ବନିମ୍ନ ସହାୟକ ମୂଲ୍ୟ (ଏମ୍‌ଏସ୍‌ପି) ବୃଦ୍ଧି କରି ନ ଥିଲା? ଚାଷୀମାନେ କଂଗ୍ରେସ ସରକାର ଅମଳରେ ଦଶନ୍ଧି ଧରି କାହିଁକି ଗରିବ ହୋଇ ରହିଥିଲେ? ସେମାନେ କେବଳ ବିରୋଧୀ ଦଳରେ ରହିଲେ ଚାଷୀଙ୍କ ପ୍ରତି ସହାନୁଭୂତି ଦେଖାଉଛନ୍ତି। ଚାଇନା ସହ କଂଗ୍ରେସ ଦଳ ସ୍ବାକ୍ଷର କରିଥିବା ଚୁକ୍ତିନାମାକୁ ରାହୁଲ ରଦ୍ଦ କରିବେ କି ବୋଲି ନଡ୍ଡା ଏକାଧିକ ଟୁଇଟ୍‌ରେ ପ୍ରଶ୍ନ କରିଥିଲେ। ଏହାକୁ ନେଇ ରାହୁଲ କହିଥିଲେ, ନଡ୍ଡା କିଏ? ସେ ମୋ ପ୍ରଫେସର କି? ମୁଁ ତାଙ୍କ ପ୍ରଶ୍ନର ଉତ୍ତର କାହିଁକି ଦେବି? ଯାହା ବି ଉତ୍ତର ଦେବି ଦେଶକୁ ଦେବି ବୋଲି ରାହୁଲ ନଡ୍ଡାଙ୍କୁ ହେୟଜ୍ଞାନ କରିଥିଲେ।


Enter your email to get our daily news in your inbox.

All Right Reserved By Dharitri.Com

ଝିଅର ବ୍ରତୋପନୟନ କଲେ ଇନ୍ଦୋରର ଦମ୍ପତି

ଇନ୍ଦୋର,୧୫।୭: ମଧ୍ୟପ୍ରଦେଶ ଇନ୍ଦୋରର ଜଣେ ମହାରାଷ୍ଟ୍ରିଆନ୍‌ ବା ମରାଠି ଦମ୍ପତି ବେଶ୍‌ କିଛି ବର୍ଷ ହେବ ଆବୁ ଧାବି(ଦୁବଇ)ରେ ରହି ଆସୁଛନ୍ତି। ଯୋଗେଶ ଆବୁଧାବିରେ ସପ୍ଟ...

ହାଇକୋର୍ଟଙ୍କ ଗୁରୁତ୍ୱପୂର୍ଣ୍ଣ ରାୟ: ସ୍କୁଲ-କଲେଜ୍‌ରେ ହିଜାବ ପିନ୍ଧିବାକୁ ମିଳିବନି ଅନୁମତି

ବେଙ୍ଗାଲୁରୁ,୧୫।୩: ହିଜାବ ବିବାଦକୁ ନେଇ କର୍ନାଟକ ହାଇକୋର୍ଟ ମଙ୍ଗଳବାର ଏକ ଗୁରୁତ୍ୱପୂର୍ଣ୍ଣ ରାୟ ଦେଇଛନ୍ତି। ସ୍କୁଲ କଲେଜଗୁଡ଼ିକରେ ହିଜାବ ନିଷେଧାଦେଶର ନିଷ୍ପତ୍ତିକୁ ଚ୍ୟାଲେଞ୍ଜ କରି ହାଇକୋର୍ଟ...

ଶ୍ରୀ ସାର୍‌ ସୟାଜି ଜେନରାଲ ହସ୍ପିଟାଲର ଶିଶୁ ବିଭାଗରେ ନିଆଁ

ଭଦୋଦରା,୧୦।୯: ଗୁଜୁରାଟ ଭଦୋଦରାରେ ଥିବା ଶ୍ରୀ ସାର୍‌ ସୟାଜି ଜେନରାଲ ହସ୍ପିଟାଲରେ ଥିବା ଶିଶୁ ବିଭାଗରେ ମଙ୍ଗଳବାର ନିଆଁ ଲାଗିଥିବା ସୂଚନା ମିଳିଛି। ତେବେ ଓ୍ବାର୍ଡରେ...

ବର୍ଦ୍ଧିତ ପିଆଜ ଦରକୁ ନେଇ ବୈଠକ ଡକାଇଲେ କ୍ୟାବିନେଟ ସଚିବ

ନୂଆଦିଲ୍ଲୀ,୧୧।୧୨: ଲଗାତାର ଭାବେ ପିଆଜ ଦର ହ୍ରାସ ହେଉ ନ ଥିବା ବେଳେ ଦିନକୁ ଦିନ ବୃଦ୍ଧି ପାଇବାରେ ଲାଗିଛି। ଦେଶରେ ବିଭିନ୍ନ ସହରରେ ପିଆଜ...

ମୋଦିଙ୍କ ସହିତ ଆଲୋଚନାରେ ସାମିଲ୍‌ ହେଲେନି କେରଳ ମୁଖ୍ୟମନ୍ତ୍ରୀ ପିନରାଇ ବିଜୟନ

ନୂଆଦିଲ୍ଲୀ,୨୭।୪: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସୋମବାର ଦେଶର ବିଭିନ୍ନ ରାଜ୍ୟର ମୁଖ୍ୟମନ୍ତ୍ରୀଙ୍କ ସହିତ ଭିଡ଼ିଓ କନଫରେନ୍ସିଂରେ ଲକ୍‌ଡାଉନ୍‌ ନେଇ ଆଲୋଚନା କରିଛନ୍ତି। ଏହି ଅବସରରେ କରୋନା...

ଅନିଦ୍ରା ସମସ୍ୟାରୁ ଦୂରେଇ ରହିବା ପାଇଁ ସକାଳେ ଅଧାକପ୍‌ ଏହି ଜୁସ୍‌…

ପ୍ରତିଦିନ ସକାଳେ ଅଧାକପ୍‌ ଗାଜର ଜୁସ୍‌ ପିଇଲେ ରାତିରେ ଭଲ ନିଦ ହେବା ସହିତ ଶରୀର ନିରୋଗ ରହିଥାଏ । ଅନିଦ୍ରା ସମସ୍ୟାରେ ଏହା ମହୌଷଧୀ...

ଅସ୍ତ୍ରବିରତି ବନ୍ଦ ହେଲେ ବି ଅନୁପ୍ରବେଶ ଜାରି…

ଶ୍ରୀନଗର,୨୬।୯: ଭାରତ ପାକିସ୍ତାନ ମଧ୍ୟରେ ଅସ୍ତ୍ରବିରତି ଚୁକ୍ତି ହୋଇଛି। ତେବେ ପାକିସ୍ତାନ ଅନ୍ୟ ଉପାୟରେ ନିୟନ୍ତ୍ରଣ ରେଖା (ଏଲ୍‌ଓସି)ରେ ଉତ୍ତେଜନା ସୃଷ୍ଟି କରିବାରେ ଲାଗିଛି। ଅସ୍ତ୍ରବିରତି...

ଦୈନିକ ସଂକ୍ରମଣ ୫ ହଜାର ତଳେ…

ନୂଆଦିଲ୍ଲୀ, ୬।୯: ଦେଶରେ କରୋନା ମହାମାରୀ ସଂକ୍ରମଣ ଥମିବାରେ ଲାଗିଛି। ଦୈନିକ ସଂକ୍ରମଣ ଏବଂ ମୃତ୍ୟୁ ସଂଖ୍ୟା ଦିନେ କମିଲେ ପୁଣି ବଢୁଛି। ଇତି ମଧ୍ୟରେ...

Advertisement
Archives

Model This Week