ନୂଆଦିଲ୍ଲୀ,୩।୫: ସେଣ୍ଟ୍ରାଲ ବ୍ୟାଙ୍କ ଅଫ୍ ଇଣ୍ଡିଆ (ସିବିଓଆଇ)ର ନିର୍ଦ୍ଦେଶକ ମଣ୍ଡଳୀ ବୈଠକରେ ୨୦୨୨-୨୩ ଆର୍ଥିକ ବର୍ଷର ବାର୍ଷିକ ଫଳାଫଳ ସମ୍ପର୍କରେ ଘୋଷଣା କରାଯାଇଛି। ସେହିଭଳି ୨୦୨୩ ମାର୍ଚ୍ଚ ଶେଷ ସୁଦ୍ଧା ବ୍ୟାଙ୍କ ମୋଟ ୫୧.୩୮% ଅଭିବୃଦ୍ଧି ହାର ହାସଲକରି ୧୫୮୨ କୋଟି ଟଙ୍କାର ନେଟ୍ ଲାଭ ହାସଲ କରିପାରିଛି। ଅପରପକ୍ଷରେ ୨୦୨୧-୨୨ ଆର୍ଥିକ ବର୍ଷର ଏହି ସମାନ ଅବଧି ସମୟ ମଧ୍ୟରେ ବ୍ୟାଙ୍କର ନେଟ୍ ଲାଭ ୧୦୪୫ କୋଟି ଟଙ୍କା ରହିଥିଲା। ଏପରିକି ବ୍ୟାଙ୍କର ସମୁଦାୟ ବ୍ୟବସାୟ ୮.୩୯% ଅଭିବୃଦ୍ଧି ହାରରେ ୫,୭୭,୦୭୫ କୋଟିରେ ପହଞ୍ଚତ୍ଛି। ବ୍ୟାଙ୍କର ଅଗ୍ରିମ ହାର ୧୪.୭୯% ବୃଦ୍ଧି ପାଇ ୨,୧୭,୭୭୯ କୋଟିରେ ପହଞ୍ଚତ୍ପାରିଛି, ଯାହା ପୂର୍ବବର୍ଷ ଏହି ସମୟ ମଧ୍ୟରେ ୧,୮୯,୭୧୨ କୋଟି ରହିଥିଲା। ସେହିପରି ବ୍ୟାଙ୍କର ଗ୍ରସ୍ ଏନ୍ପିଏ ୮.୪୪% କୁ ହ୍ରାସ ପାଇଥିବା ବେଳେ ନେଟ୍ ଏନ୍ପିଏ ୧.୭୭% କୁ ହ୍ରାସ ପାଇଛି। ଫଳରେ ବ୍ୟାଙ୍କର ପ୍ରୋଭିଜନ୍ କଭରେଜ ରେସିଓ ୯୨.୪୮% କୁ ବୃଦ୍ଧି ପାଇଛି। ଉଲ୍ଲେଖଯୋଗ୍ୟ, ୨୦୨୨-୨୩ ଆର୍ଥିକ ବର୍ଷରେ ବ୍ୟାଙ୍କର ଡିଜିଟାଲ କାରବାର, ମୋବାଇଲ ବ୍ୟାଙ୍କିଙ୍ଗ୍, ଆଇଏମ୍ପିଏସ୍ ଏବଂ ୟୁପିଆଇ କାରବାର ଆଦିରେ ୩୭.୩୯ % ବୃଦ୍ଧି ଘଟିଛି।
