ଢେଙ୍କାନାଳ ଅଫିସ,୨୧।୯: ଢେଙ୍କାନାଳ ଜିଲା ସଦର ଥାନା କଙ୍କଡାହାଡ ଗ୍ରାମ ଛକରେ ବୁଧବାର ସକାଳେ ଏକ ଗୋରୁ ବୋଝେଇ ପିକ୍ଅଫ ଭ୍ୟାନ୍ ଜବତ କରାଯାଇଛି। ଭ୍ୟାନ୍ରେ ୨୦ ଗୋରୁ ଚାଲାଣ କରାଯାଉଥିବା ଖବରପାଇ ଗ୍ରାମବାସୀ ଓ ବଜରଙ୍ଗ କ୍ଲବ୍ର ସଦସ୍ୟମାନେ ସେମାନଙ୍କୁ ଧରି ପୋଲିସ ଜିମା ଦେଇଥିଲେ। ଗୋରୁ ବୋଝେଇ ପିକ୍ଅଫ ଭ୍ୟାନ୍ ଆଗରେ ଏକ ଗାଡ଼ିରେ ଯାଉଥିବା ପ୍ରାୟ ୧୦ ଜଣ ଲୋକ ବନ୍ଧୁକ ଦେଖାଇ ଗ୍ରାମବାସୀଙ୍କୁ ଭୟଭୀତ କରିଥିଲେ। କିନ୍ତୁ ଗ୍ରାମବାସୀ ସେମାନଙ୍କୁ ଗୋଡ଼ାଇବାରୁ ସମସ୍ତେ ପଳାଇଥିଲେ। ପିକ୍ଅଫ ଭ୍ୟାନ୍ ଚାଳକ ମଧ୍ୟ ଫେରାର ହୋଇଯାଇଥିଲେ। ହେଲେ ଭ୍ୟାନ ଭିତରେ ଚାପି ହୋଇ ଗୋଟିଏ ଗାଇର ମୃତ୍ୟୁ ହୋଇଥିବା ଜଣାପଡିଛି। ଅନ୍ୟ ଗୋରୁଙ୍କୁ ଗ୍ରାମବାସୀ ଛାଡ଼ି ଦେଇଥିଲେ। ସଦର ଥାନା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛି।
