କାର୍ଗୋ ପ୍ୟାଣ୍ଟ ପିନ୍ଧିବାକୁ ଯେମିତି କମ୍ଫର୍ଟେବଲ୍ ଦେଖିବାକୁ ସେମିତି ଆକର୍ଷଣୀୟ ହୋଇଥାଏ। ତା’ଛଡ଼ା ଏହା ଟାଇଟ୍ ଫିଟିଙ୍ଗ୍ ନ ହୋଇଥିବାରୁ ଖରାଦିନେ ବି ଏହାକୁ ଆରାମରେ ପିନ୍ଧିହୁଏ। କୁଲ୍ ଫ୍ୟାଶନେବଲ୍ ଲୁକ୍ ଦେଉଥିବା ଏହି କାର୍ଗୋ ପ୍ୟାଣ୍ଟର ଫ୍ୟାଶନ କେବେ ଆଉଟ୍ଡେଟେଡ୍ ହୁଏ ନାହିଁ। ସବୁଠୁ ବଡ଼ କଥା ହେଉଛି, ଏହି ପ୍ୟାଣ୍ଟକୁ ଉଭୟ ପୁରୁଷ ଓ ମହିଳା ବେଶ୍ ଆରାମରେ ପିନ୍ଧିପାରିବେ। ଜାଣନ୍ତୁ କାର୍ଗୋ ପ୍ୟାଣ୍ଟର କେତୋଟି ଲାଟେଷ୍ଟ ଡିଜାଇନ୍ ସମ୍ପର୍କରେ…
* ତିନି ପ୍ରକାରର କାର୍ଗୋ ପ୍ୟାଣ୍ଟ: କ୍ଲାସିକ୍ ୟୁଟିଲିଟି ପ୍ୟାଣ୍ଟ, କାର୍ଗୋ ଜୋଗର୍ସ, ସ୍କିନି କମ୍ବାଟ୍ ଟ୍ରାଉଜର୍ସ ହେଉଛି କାର୍ଗୋ ପ୍ୟାଣ୍ଟର ତିନୋଟି ମୁଖ୍ୟ ଭେରାଇଟି। ବର୍ତ୍ତମାନ ଯୁବପିଢିଙ୍କ ଭିତରେ ଏହି ଟାଇପ୍ସର କାର୍ଗୋ ପ୍ୟାଣ୍ଟକୁ ନେଇ ବେଶ୍ ଡିମାଣ୍ଡ ରହିଛି।
* ସ୍ଲିମ୍ ଓ ଷ୍ଟ୍ରେଟ୍ କଟ୍: କାର୍ଗୋ ପ୍ୟାଣ୍ଟଗୁଡ଼ିକ ସାଧାରଣତଃ ଢିଲା ପାର୍ଟନରେ ଆସିଥାଏ। ତଥାପି ସ୍ଲିମ୍ ଓ ଷ୍ଟ୍ରେଟ୍ କଟ୍ ଡିଜାଇନ୍ରେ ଆସୁଥିବା କାର୍ଗୋ ପ୍ୟାଣ୍ଟଗୁଡ଼ିକ ପିନ୍ଧିବାକୁ ବେଶ୍ କମ୍ପର୍ଟେବଲ୍ ଲାଗିଥାଏ। କେହି କେହି ତ ଓଭର୍ ସାଇଜ୍ କାର୍ଗୋ ପ୍ୟାଣ୍ଟ ପିନ୍ଧିବାକୁ ବି ପସନ୍ଦ କରିଥାନ୍ତି। ତେବେ ଯାହାବି ପିନ୍ଧନ୍ତୁ, ତାହା ଯେମିତି ଆପଣଙ୍କ ହାଇଟ୍ ଓ ପର୍ସନାଲିଟିକୁ ସୁଟ୍ କରୁଥିବ, ସେଥିପ୍ରତି ଧ୍ୟାନ ଦେବା ନିହାତି ଆବଶ୍ୟକ।
*ଫ୍ୟାବ୍ରିକ୍ କେମିତି ହେବା ଦରକାର: ଅନ୍ୟସବୁ ଫ୍ୟାବ୍ରିକ୍ ତୁଳନାରେ କଟନ୍ କପଡ଼ାରେ ତିଆରି କାର୍ଗୋ ପ୍ୟାଣ୍ଟ ଦେଖିବାକୁ ଯେମିତି ସୁନ୍ଦର ଲାଗେ ପିନ୍ଧିବାକୁ ସେମିତି କମ୍ଫର୍ଟେବଲ୍ ହୋଇଥାଏ।
* ଟି-ଶାର୍ଟ ସହିତ ମ୍ୟାଚିଂ: ଏହି ପ୍ୟାଣ୍ଟ ସାଙ୍ଗକୁ ଶାର୍ଟ ତୁଳନାରେ ଟି-ଶାର୍ଟ ବହୁତ ଭଲ ମାନିଥାଏ। ବିଶେଷକରି ଟର୍ଟଲ୍ ନେକ୍ ତଥା ଚଙ୍କି କ୍ରିଉ ନେକ୍ ବାଲା ଟି-ଶାର୍ଟ ଅଧିକ ଫ୍ୟାଶନେବଲ୍ ଲାଗିଥାଏ।
* ପ୍ରିଣ୍ଟେଡ୍ କାର୍ଗୋ ପ୍ୟାଣ୍ଟ: ଯୁବପିଢିଙ୍କ ଗହଣରେ ଏହି ପ୍ୟାଣ୍ଟର ବି ଭଲ ଚାହିଦା ରହିଥାଏ। ସବୁଠୁ ବଡ଼ କଥା ହେଉଛି ପ୍ରିଣ୍ଟେଡ୍ କାର୍ଗୋ ପ୍ୟାଣ୍ଟ ସହିତ ଯେ କୌଣସି ରଙ୍ଗ ହେଉ ଅବା ପାର୍ଟନର ଶାର୍ଟ ଆରାମରେ ପିନ୍ଧିହୁଏ।
* ଫର୍ମାଲ୍ ଲୁକ୍ ବି ଦିଏ: ସାଙ୍ଗସାଥୀଙ୍କ ସହ ଗେଟ୍ ଟୁଗେଦର୍ ହେଉ ଅବା ଆଉଟିଂରେ ଗଲାବେଳେ ଅନେକେ କାର୍ଗୋ ପ୍ୟାଣ୍ଟ ପିନ୍ଧିବାକୁ ପସନ୍ଦ କରିଥାନ୍ତି। ତେବେ କାର୍ଗୋ ପ୍ୟାଣ୍ଟ ଯେ କେବଳ କାଜୁଆଲ୍ ଲୁକ୍ ପାଇଁ ଫିଟ୍ ତାହା ନୁହେଁ ଏହାକୁ ଅଫିସିଆଲି ମଧ୍ୟ କ୍ୟାରି କରିହେବ। ଏଥିପାଇଁ କେବଳ ଖାକି ରଙ୍ଗର କାର୍ଗୋ ପ୍ୟାଣ୍ଟଟିଏ ଦରକାର। ଏହି ପ୍ୟାଣ୍ଟ ସାଙ୍ଗକୁ ଧଳା ରଙ୍ଗର ଶାର୍ଟ ଓ କୋଟ୍, ତା’ସାଙ୍ଗକୁ ଘଣ୍ଟା ଓ ବେଲ୍ଟ ପିନ୍ଧିଦେଲେ ଆରାମରେ ଫର୍ମାଲ୍ ଲୁକ୍ ମିଳିଯିବ।
* ସ୍ନିକର୍ସ: କାଜୁଆଲ୍ ଲୁକ୍ ପାଇଁ କାର୍ଗୋ ପ୍ୟାଣ୍ଟ ସହିତ ସ୍ନିକର୍ସ ବହୁତ ଭଲ ଲାଗିଥାଏ। ତେବେ ଷ୍ଟାଇଲିଶ୍ ଲୁକ୍ ପାଇଁ କେହି କେହି ଏହା ସହିତ ସୁଜ୍ ହେଉ ଅବା ହିଲ୍ ବି ପିନ୍ଧିଥାନ୍ତି।
