ଜଳେଶ୍ୱର,୪ା୪(ଡି.ଏନ.ଏ.): ପଶ୍ଚିମବଙ୍ଗକୁ ଏକ ଟ୍ରକ ଯୋଗେ ୩ ବସ୍ତା (୫୪ କିଲୋ ୧୮୦ଗ୍ରାମ) ଗଞ୍ଜେଇ ଚାଲାଣ ବେଳେ ୬୦ନଂ. ଜାତୀୟ ରାଜପଥରୁ ଜଳେଶ୍ୱର ପୋଲିସ ଧରିବାରେ ସକ୍ଷମ ହୋଇଛି। ଏଥିରେ ସମ୍ପୃକ୍ତ ୪ଜଣଙ୍କୁ ଗିରଫ କରି କୋର୍ଟଚାଲାଣ କରାଯାଇଥିବା ସୋମବାର ଖବରଦାତା ସମ୍ମିଳନୀରେ ଜଳେଶ୍ୱର ଏସ୍ଡିପିଓ ଦିଲୀପ କୁମାର ସାହୁ ସୂଚନା ଦେଇଛନ୍ତି ା ଏକ ୬ ଚକିଆ ଟ୍ରକ୍ରେ ୩ଟି ପ୍ଲାଷ୍ଟିକ ବ୍ୟାଗରେ ଗଞ୍ଜେଇ ଭର୍ତ୍ତି ହୋଇ ପଶ୍ଚିମବଙ୍ଗ ଚାଲାଣ ହେଉଥିଲା। ଗିରଫ ହୋଇଥିବା ୪ଜଣଙ୍କ ବୟସ ୨୧ରୁ ୩୮ ବର୍ଷ। ଏମାନଙ୍କ ମଧ୍ୟରେ ଜଣେ ମଧ୍ୟସ୍ଥଙ୍କ ଘର ଜଳେଶ୍ୱର ଥାନା ଶାହାଡାପଡା ଗାଁର ବୋଲି ଜଣାପଡିଛି ା ଅନ୍ୟ ୨ଜଣଙ୍କ ଘର ଉତ୍ତର ୨୪ ପ୍ରଗଣା ଜିଲା ବୋଲଗାୱଁ ହୋଇଥିବା ବେଳେ ଅନ୍ୟଜଣଙ୍କ ଘର ପ୍ରେଟାପୋଲ ଥାନା ଅଞ୍ଚଳରେ। ଜବତ ଗଞ୍ଜେଇର ଓଜନର ୫୪ କି.ଗ୍ରା. ୧୮୦ ଗ୍ରାମ। ଏହି ଘଟଣାରେ ଜଳେଶ୍ୱର ଅଞ୍ଚଳର କେତେକ ଯୁବକଙ୍କ ସମ୍ପୃକ୍ତି ଥିବା ପୋଲିସ ସନ୍ଦେହ କରୁଛି।
