କୋରାପୁଟ,୨୧ା୧(ସ୍ବ.ପ୍ର.): କୋରାପୁଟ ଜିଲାର ବିଶେଷ କରି ଆନ୍ଧ୍ର ସୀମାନ୍ତ ଅଞ୍ଚଳରେ ବ୍ୟାପକ ଭାବେ ଗଞ୍ଜେଇ ଚାଷ କରାଯାଉଥିବାବେଳେ ଏହାକୁ ବାହାର ରାଜ୍ୟକୁ ଚାଲାଣ ପାଇଁ ଗଞ୍ଜେଇ ମାଫିଆ ବିଭିନ୍ନ ଉପାୟ ଅବଳମ୍ବନ କରୁଥିବା ବହୁବାର ନଜିର ରହିଛି। କେତେବେଳେ ମାଛ ବାକ୍ସରେତ କେତେବେଳେ ପଣସ ଗାଡ଼ିରେ, ଆଉ କେତେବେଳ ଝାଡୁ ଗାଡ଼ିରେ ପୁଣି କେତେବେଳ ସିଟ୍ ତଳେ ଲୁଚାଇ ନେଉଥିବାବେଳେ ପ୍ରଥମ କରି ସ୍କୁଲ ବ୍ୟାଗ୍ରେ ଗଞ୍ଜେଇ ଚାଲାଣ ହେଉଥିବା ବର୍ତ୍ତମାନ ଜଣାପଡ଼ିଛି। ମାଫିଆମାନଙ୍କ ଦ୍ୱାରା ଏପରି ଅଭିନବ ଉପାୟ ନେଇ ଶନିବାର ମାଛକୁଣ୍ଡ ଓ ଲମତାପୁଟ ପୋଲିସ ଲମତାପୁଟର ମାଲେଗାଁ ଛକ ନିକଟରେ ଚଢ଼ାଉ କରି ସ୍କୁଲ ବ୍ୟାଗରେ ଚାଲାଣ ହେଉଥିବା ୨୦ କେଜିରୁ ଊର୍ଦ୍ଧ୍ୱ ଗଞ୍ଜେଇ ଜବତ କରିଥିବାବେଳେ ଏଥିରେ ସଂପୃକ୍ତ ବିହାର ଓ ଉତ୍ତରପ୍ରଦେର ୪ ଯୁବକଙ୍କ ଗିରଫ କରି କୋର୍ଟଚାଲାଣ କରିଛ। ଏହି ଗଞ୍ଜେଇ ଆନ୍ଧ୍ର ସୀମାନ୍ତ ଅଞ୍ଚଳରୁ ଚାଲାଣ କରାଯାଉଥିବା କୌଣସି ସୂତ୍ରରୁ ଖବର ପାଇ ନନ୍ଦପୁର ଏସ୍ଡିପିଓ ସଞ୍ଜୟ କୁମାର ମହାପାତ୍ର ମାଛକୁଣ୍ଡ ଓ ଲମତାପୁଟ ପୋଲିସକୁ ନିର୍ଦ୍ଦେଶ ଦେଇଥିଲେ। ଫଳରେ ପୋଲିସ ମାଲେଗାଁ ଛକରୁ ଏହି ଗଞ୍ଜେଇ ଧରିବାରେ ସଫଳ ହୋଇଥିଲା।
