ଧରିତ୍ରୀ ଏବଂ ଓଡ଼ିଶା ପୋଷ୍ଟର ମିଳିତ ଆନୁକୂଲ୍ୟରେ ଆୟୋଜିତ ବହୁପ୍ରତୀକ୍ଷିତ ବିଜ୍ନେସ ଏମିନେସ୍ସ ଆୱାର୍ଡ୍ସ-୨୦୨୬ ଷଷ୍ଠ ସଂସ୍କରଣ ଗୁରୁବାର ଭୁବନେଶ୍ୱରର ହୋଟେଲ ସ୍ବସ୍ତି ପ୍ରିମିୟମରେ ଅନୁଷ୍ଠିତ ହେଉଛି।
ଓଡ଼ିଶାର ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଏବଂ ଶିଳ୍ପ, ଦକ୍ଷତା ବିକାଶ ତଥା ବୈଷୟିକ ଶିକ୍ଷା ମନ୍ତ୍ରୀ ସମ୍ପଦ ଚନ୍ଦ୍ର ସ୍ବାଇଁ ପୁରସ୍କାର ଉତ୍ସବରେ ଯୋଗଦେବାର କାର୍ଯ୍ୟକ୍ରମ ରହିଛି।
ଏହି କାର୍ଯ୍ୟକ୍ରମରେ ବିଭିନ୍ନ କ୍ଷେତ୍ରର ପ୍ରମୁଖ ବ୍ୟବସାୟ ନେତା ଏବଂ ବୃତ୍ତିଗତଙ୍କ ଅଂଶଗ୍ରହଣ ଦେଖିବାକୁ ମିଳିବ। ପ୍ରତିବର୍ଷ ଆୟୋଜିତ ହେଉଥିବା ବିଜ୍ନେସ ଏମିନେସ୍ସ ଆୱାର୍ଡ୍ସ-୨୦୨୬ର ଲକ୍ଷ୍ୟ ହେଉଛି ବ୍ୟବସାୟ ଏବଂ ଉଦ୍ୟୋଗିତାରେ ଉଲ୍ଲେଖନୀୟ ଅବଦାନକୁ ସମ୍ମାନିତ କରିବା, ଓଡ଼ିଶାରେ ନବସୃଜନ, ନେତୃତ୍ୱ ଏବଂ ପ୍ରଭାବର ଭାବନାକୁ ପାଳନ କରିବା।
ଶିଳ୍ପ, ଦକ୍ଷତା ବିକାଶ ଏବଂ ବୈଷୟିକ ଶିକ୍ଷା ମନ୍ତ୍ରୀ ସମ୍ପଦ ଚନ୍ଦ୍ର ସ୍ବାଇଁ(ମୁଖ୍ୟବକ୍ତା) ବିଜନେସ୍ ଏମିନେନ୍ସ ଆୱାର୍ଡ୍ସ-୨୦୨୬ରେ ପହଞ୍ଚିଛନ୍ତି। ଉଦ୍ୟୋଗୀତା ଉତ୍ସବକୁ ପ୍ରୋତ୍ସାହିତ ଏବଂ ପୁରସ୍କାର ବିଜେତାଙ୍କୁ ଉତ୍ସାହିତ କରିବା ପାଇଁ ସ୍ବାଇଁ ପହଞ୍ଚିଛନ୍ତି।
ବିଜନେସ୍ ଏମିନେନ୍ସ ଆୱାର୍ଡ୍ସ-୨୦୨୬ରେ ପ୍ରତିଷ୍ଠିତ ବ୍ୟବସାୟୀମାନେ ପହଞ୍ଚିଛନ୍ତି। ଏଥିସହିତ ଧରିତ୍ରୀ ତଥା ଓଡ଼ିଶା ପୋଷ୍ଟର ସମ୍ପାଦକ ତଥାଗତ ସତପଥୀ, ସିଇଓ ଆଦ୍ୟାଶା ସତପଥୀ ଅତିଥିମାନଙ୍କୁ ସ୍ବାଗତ କରିଛନ୍ତି।
ଓଡ଼ିଶାର ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ବିଜନେସ୍ ଏମିନେନ୍ସ ଆୱାର୍ଡ୍ସ-୨୦୨୬ରେ ମୁଖ୍ୟ ଅତିଥି ଭାବରେ ଯୋଗ ଦେଇଛନ୍ତି। ଏହି ପୁରସ୍କାର ବିତରଣ ଉତ୍ସବରେ ଯୋଗ ଦେଇଥିବା ଉଦ୍ୟୋଗୀମାନଙ୍କୁ ମୁଖ୍ୟମନ୍ତ୍ରୀ ଉତ୍ସାହିତ କରିବା ସହ ପୁରସ୍କୃତ ମଧ୍ୟ କରିବେ।
ଧରିତ୍ରୀ ଏବଂ ଓଡ଼ିଶା ପୋଷ୍ଟର ସିଇଓ ଆଦ୍ୟାଶା ସତପଥୀ ସ୍ବାଗତ ଭାଷଣ ପ୍ରଦାନ କରିଛନ୍ତି। ସେ ବିଜନେନ୍ସ ଏମିନେନ୍ସ ଆୱାର୍ଡ୍ସ ପଛର ଦୃଷ୍ଟିକୋଣ, ନବସୃଜନ ଏବଂ ଉତ୍କର୍ଷତା ଉପରେ ଆଲୋକପାତ କରିଛନ୍ତି। ଏହି ଅବସରରେ ସେ କହିଛନ୍ତି, ୨୦୨୧ କୋଭିଡ ସମୟରେ ଆମେ ବିଜନେନ୍ସ ଏମିନେନ୍ସ ଆୱାର୍ଡ୍ସ ଆରମ୍ଭ କରିଥିଲୁ, ଯାହାର ଲକ୍ଷ୍ୟ ହେଉଛି ରିସ୍କ ନେଉଥିବା, ସୁଯୋଗ ଦେବା ଏବଂ ଅନେକଙ୍କ ପାଇଁ ନିଯୁକ୍ତି ସୃଷ୍ଟି କରୁଥିବା ଉଦ୍ୟୋଗୀମାନଙ୍କୁ ଉତ୍ସାହିତ କରିବା
କାର୍ଯ୍ୟକ୍ରମର ମୁଖ୍ୟବକ୍ତା ଶିଳ୍ପ, ଦକ୍ଷତା ବିକାଶ ଏବଂ ବୈଷୟିକ ଶିକ୍ଷା ମନ୍ତ୍ରୀ ସମ୍ପଦ ଚନ୍ଦ୍ର ସ୍ୱାଇଁ ଓଡ଼ିଶାର ପରିବର୍ତ୍ତିତ ବ୍ୟବସାୟିକ ଦୃଶ୍ୟପଟ ଏବଂ ନୂଆ ଯୁଗର ଉଦ୍ୟୋଗୀଙ୍କ ଉତ୍ଥାନ ଉପରେ ଆଲୋକପାତ କରିଛନ୍ତି।
ମୁଖ୍ୟମନ୍ତ୍ରୀ ମୋହନ ମାଝୀ ନିଜ ଅଭିଭାଷଣ ରଖିଛନ୍ତି। ଯେଉଁଥିରେ ସେ କହିଛନ୍ତି, ଏହି ପୁରସ୍କାର ସଫଳତାର ଉତ୍ସବ ନୁହେଁ ଏହା ହେଉଛି ସାହସ, ସଂଘର୍ଷ ଓ ଆତ୍ମବିଶ୍ୱାସର, ନିଷ୍ଠା ଓ ଉଦ୍ୟେୀଗୀ ମନୋଭାବର ବଡ଼ ସମ୍ମାନ।
ଶେଷରେ ଧରିତ୍ରୀ ଏବଂ ଓଡ଼ିଶା ପୋଷ୍ଟ ସମ୍ପାଦକ ତଥାଗତ ସତପଥୀ ସମୟ ବାହାର କରି ମୁଖ୍ୟମନ୍ତ୍ରୀ ମୋହନ ମାଝୀ କାର୍ଯ୍ୟକ୍ରମରେ ଯୋଗଦେଇଥିବାରୁ ତାଙ୍କୁ ଧନ୍ୟବାଦ ଦେଇଛନ୍ତି। ସେହିପରି ସମ୍ପଦ ଚନ୍ଦ୍ର ସ୍ୱାଇଁଙ୍କ ଉପସ୍ଥିତି ପାଇଁ ତାଙ୍କୁ କୃତଜ୍ଞତା ଜଣାଇଛନ୍ତି। ସେ ସମସ୍ତ ପୁରସ୍କାରପ୍ରାପ୍ତ ବ୍ୟକ୍ତିଙ୍କୁ ଅଭିନନ୍ଦନ ଜଣାଇଛନ୍ତି ଏବଂ ଓଡ଼ିଶାର ଅଭିବୃଦ୍ଧିରେ ସେମାନଙ୍କର ଅବଦାନକୁ ପ୍ରଶଂସା କରିଛନ୍ତି।