ଅତାବିରା, ୨୬।୨(ଯୁଧିଷ୍ଠିର ମହାପାତ୍ର): ସମ୍ବଲପୁର-ବରଗଡ଼ ୫୩ନଂ ଜାତୀୟ ରାଜପଥର ଅତାବିରାରେ ଏକ ବସ ଦୁର୍ଘଟଣା l ଆଜି ସକାଳ ୮ଟା ସମୟରେ ବଣ୍ଟି ନାମକ ଏକ ଘରୋଇ ବସ ଦୁର୍ଘଟଣାଗ୍ରସ୍ତ ହୋଇଛି l ସମ୍ବଲପୁରରୁ ବରଗଡ଼ ପଟକୁ ଯାଉଥିବାବେଳେ ଦମଦମା ପୋଲରେ ଝୁଲି ପଡିଥିଲା ବସ। ଫଳରେ ଅଳ୍ପକେ ବର୍ତ୍ତି ଯାଇଥିଲେ ଯାତ୍ରୀ l
ପ୍ରତ୍ୟକ୍ଷଦର୍ଶୀଙ୍କ କହିବା ଅନୁଯାୟୀ, ଭାରସାମ୍ୟ ହରାଇ ପୋଲ ଉପରକୁ ଚଢ଼ିଯାଇଥିଲା ବସ। ଯାହାଫଳରେ ଯାତ୍ରୀ ମାନେ ଜୋର୍ ରେ ଚିତ୍କାର କରିଥିଲେ । ଅତାବିରା ସ୍ମଶାନ ଘାଟ ପାଖରେ ଥିବା ଦମ ଦମା ନଦୀର ପୋଲରେ ଅଧା ଝୁଲା ଅବସ୍ଥାରେ ବସଟି ଅଟକି ଯାଇଥିଲା l ଅଳ୍ପକେ ବର୍ତ୍ତି ଯାଇଥିଲେ ଯାତ୍ରୀ l ପୋଲ ତଳକୁ ଖସିଥିଲେ ଏକ ବଡ ଅଘଟଣ ହୋଇଥାନ୍ତା। ଦୁର୍ଘଟଣାରେ ଆହତ ଯାତ୍ରୀମାନଙ୍କୁ ଅତାବିରା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ପ୍ରାଥମିକ ଚିକିତ୍ସା କରାଯାଉଛି। ଅତାବିରା ହସ୍ପିଟାଲରେ ୨୦ରୁ ଅଧିକ ଯାତ୍ରୀଙ୍କୁ ଚିକିତ୍ସା କରାଯାଇଥିଲା l ପ୍ରାଣ ବିକଳରେ କେତେକ ଆହତ ଯାତ୍ରୀ ନିଜ ବ୍ୟବସ୍ଥାରେ ଅନ୍ୟ ଘରୋଇ ଡାକ୍ତରଖାନାକୁ ସିଧାସଳଖ ଯାଇଛନ୍ତି l ଘଟଣାସ୍ଥଳକୁ ପୋଲିସ ଅତାବିରା ପୋଲିସ ପହଞ୍ଚି ଆହତ ଯାତ୍ରୀମାନଙ୍କୁ ହସ୍ପିଟାଲ ପଠାଇଛନ୍ତି l
Dharitri – Odisha’s No.1 Odia Daily
