ନୟାଗଡ ଅଫିସ୍,୩୦।୧: ନୟାଗଡ଼ ଜିଲା ଦଶପଲା ବ୍ଲକ ବାଣୀଗୋଛା ଥାନାର ଫାଲପାଦୁ ନିକଟରେ ଡିଭାଇଡରକୁ ଧକା ଦେଇ ଏକ ବସ ଜଳି ଯାଇଛି। ବସରେ ୩୦ ଆଖି ଅପରେସନ ରୋଗୀ ଥିଲେ। ଏଥିରୁ ୧୫ ଜଣ ଆହତ ହୋଇଛନ୍ତି। ଆହତଙ୍କ ଘର ବୌଦ ଜିଲା ହରଭଙ୍ଗା ଅଞ୍ଚଳରେ ବୋଲି ଜଣାପଡିଛି।
ଖୋର୍ଦ୍ଧା ଜିଲା କୁହୁଡିଠାରେ ଥିବା ସାଇ ସେବା ସଦନ ହସ୍ପିଟାଲରୁ ବୌଦ୍ଧ ଜିଏୟଲା ହରଭଙ୍ଗା ଅଭିମୁଖେ ପ୍ରାୟ ୩୦ ଜଣ ଆଖି ଅପରେଶନ ରୋଗୀ ଙ୍କୁ ନେଇ ଯାଉଥିବା ବସଟି ରବିବାର ବିଳମ୍ବିତ ରାତିରେ ଫାଲପାଦୁଠାରେ ଭାରସାମ୍ୟ ହରାଇ ରାସ୍ତାକଡ ଡିଭାଇଡରକୁ ପିଟି ହୋଇ ଜଳି ଯାଇଥିଲା। ଘଟଣାସ୍ଥଳରେ ସ୍ଥାନୀୟ ଲୋକ ପହଞ୍ଚି ଆହତଙ୍କୁ ଉଦ୍ଧାର କରି ଦଶପଲା ଓ ବାଣୀଗୋଛା ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ। ବସରେ ନିଆଁ ନେଇ ଦଶପଲା ଦମକଳବାହିନୀକୁ ଫୋନ କର ଯାଇଥିବା ବେଳେ ୨ ଘଣ୍ଟା ବିଳମ୍ବରେ ଦମକଳବାହିନୀ ପହଞ୍ଚି ଥିଲା। ଏନେଇ ଉତ୍ତେଜନା ଦେଖା ଦେଇଥିଲା। ଅନ୍ୟପଟେ ଘଟଣାସ୍ଥଳରୁ ବସ ଚାଳକ ଓ ହେଲଫର ଫେରାର ହୋଇଯାଇଛନ୍ତି। ପୋଲିସ ଘଟଣାର ତଦନ୍ତ ଜାରି ରଖିଛି।
