ଅହମ୍ମଦାବାଦ, ୨୦।୭: ଭାରତ ପାକିସ୍ତାନ ଅନ୍ତରାଷ୍ଟ୍ରୀୟ ସୀମାସ୍ଥିତ ଗୁଜରାଟର ହରାମି ନାଲା କ୍ରିକ୍ ଅଞ୍ଚଳରେ ପ୍ରବଳ ଗରମ ଯୋଗୁ ଶନିବାର ସୀମା ସୁରକ୍ଷା ବଳ(ବିଏସ୍ଏଫ୍)ର ଜଣେ ଅଧିକାରୀ ଓ ଜଣେ ଯବାନଙ୍କର ମୃତ୍ୟୁ ଘଟିଛି। ଆସିଷ୍ଟାଣ୍ଟ୍ କମାଣ୍ଡାଣ୍ଟ୍ ବିଶ୍ୱ ଦେଓ ଓ ହେଡ୍ କନଷ୍ଟେବଳ ଦୟାଲ ରାମଙ୍କର ଡିହାଇଡ୍ରେସନ ଓ ହିଟ୍ ଷ୍ଟ୍ରୋକ୍ ଯୋଗୁ ମୃତ୍ୟୁ ଘଟିଥିବା ଆଧିକାରିକ ସୂତ୍ରରୁ ଜଣାପଡ଼ିଛି।
ଅଧିକାଂଶ ସମୟ ସୀମା ସୁରକ୍ଷାରେ ନିୟୋଜିତ ରହୁଥିବାରୁ ଉଭୟଙ୍କ ଶରୀରର ଜଳୀୟଅଂଶ କମିଯାଇଥିଲା। ସୂଚନାଯୋଗ୍ୟ, ଗତ କିଛି ଦିନ ଧରି ଗୁଜରାଟର ରନ୍ ଅଫ୍ କଚ୍ଛ ଓ ହରାମି ନାଲା କ୍ରିକ୍ ଅଞ୍ଚଳରେ ତାପମାତ୍ରା ୩୪ରୁ ୩୬ ଡିଗ୍ରୀ ସେଲ୍ସିୟସ ରହୁଥିବାବେଳେ ଆଦ୍ରତା ସ୍ତର ୮୦ରୁ ୮୨% ଯାଏ ପହଞ୍ଚୁଛି।
