ବନ୍ଦର ସେରି ବେଗାଓ୍ବନ,୧୨।୧:ଏସିଆର ଅନ୍ୟତମ ସବୁଠୁ ଯୋଗ୍ୟ ବ୍ୟାଚେଲର ଭାବେ ପରିଚିତ ବ୍ରୁନେଇର ଯୁବରାଜ ଅବଦୁଲ ମାଟିନ୍ ଏକ ସାଧାରଣ ପରିବାରରେ ଗୁରୁବାର ବିବାହ କରିଛନ୍ତି। ୧୦ ଦିନ ଧରି ଏହି ବିବାହ ଉତ୍ସବ ଚାଲିବ। ରାଜଧାନୀ ବନ୍ଦର ସେରି ବେଗାଓ୍ବନର ସ୍ବର୍ଣ୍ଣଖଚିତ ମସ୍ଜିଦରେ ୩୨ ବର୍ଷୀୟ ଯୁବରାଜ ୨୯ ବର୍ଷୀୟା ୟାଙ୍ଗ ମୁଲିଆ ଆନିଶ ରୋସ୍ନାଙ୍କ ସହ ବିବାହ ବନ୍ଧନରେ ଆବଦ୍ଧ ହୋଇଛନ୍ତି। ପୋଲୋ ଖେଳୁଥିବା ଯୁବରାଜ ମାଟିନ ହେଉଛନ୍ତି ବିଶ୍ୱର ସବୁଠୁ ଦୀର୍ଘଦିନ ଶାସନରେ ଥିବା ସୁଲ୍ତାନ ହାସାନଲ ବୋଲ୍କିଆଙ୍କ ଦଶମ ସନ୍ତାନ। ସେ ଏକଦା ବିଶ୍ୱର ସବୁଠୁ ଧନୀ ବ୍ୟକ୍ତି ଥିଲେ। ତାଙ୍କ ବୋହୂ ହେଉଛନ୍ତି, ତାଙ୍କ ବାପାଙ୍କ ମୁଖ୍ୟ ଉପଦେଷ୍ଟାଙ୍କ ନାତୁଣୀ। ତାଙ୍କର ଏକ ଫେଶନ ବ୍ରାଣ୍ଡ ରହିଥିବାବେଳେ ସେ ଏକ ପର୍ଯ୍ୟଟନ ବ୍ୟବସାୟର ମାଲିକ। ରବିବାର ୧,୭୮୮ ପ୍ରକୋଷ୍ଠ ବିଶିଷ୍ଟ ରାଜପ୍ରାସାଦରେ ଏହି ରାଜକୀୟ ବିବାହର ସମାପନ ଉତ୍ସବ ଅନୁଷ୍ଠିତ ହେବ। ଅତିଥି ତାଲିକାରେ ଅନ୍ତର୍ଜାତୀୟ ରାଜପରିବାର ସଦସ୍ୟ ଏବଂ ରାଜନେତାମାନେ ରହିଛନ୍ତି। ରବିବାର ହେବାକୁ ଥିବା ବିଶାଳ ଶୋଭାଯାତ୍ରାକୁ ରାସ୍ତା ପାର୍ଶ୍ୱରେ ଛିଡ଼ାହୋଇ ଉପଭୋଗ କିରବାକୁ ବ୍ରୁନେଇ ବାସିନ୍ଦା ଯୋଜନା କରିଛନ୍ତି।
