ଝାରସୁଗୁଡା ଅଫିସ,୨୦।୫: ଆସନ୍ତା ୩୧ରେ ବ୍ରଜରାଜନଗରରେ ଉପନିର୍ବାଚନ ଅନୁଷ୍ଠିତ ହେବ। ଏଥିପାଇଁ ରାଜନୀତି ସରଗରମ ରହିଛି। ତେବେ ନିର୍ବାଚନରେ ୫ଟି ପିଙ୍କ୍ ବୁଥ୍କୁ ମିଶାଇ ମୋଟ ୨୭୯ ବୁଥ୍ରେ ଭୋଟ୍ ଗ୍ରହଣ ହେବ। ଏ ନେଇ ମୁଖ୍ୟ ନିର୍ବାଚନ ଅଧିକାରୀ ସୂଚନା ଦେଇଛନ୍ତି। ସେ କହିଛନ୍ତି, ୩ ଜଣ ପ୍ରାର୍ଥୀ ଓହରିବା ପରେ ୧୧ ଜଣ ପ୍ରାର୍ଥୀ ପ୍ରତିଦ୍ୱନ୍ଦିତା କରୁଛନ୍ତି। ୧୩୩ ନୂଆ ଭୋଟରଙ୍କୁ ମିଶାଇ ମୋଟ୍ ୨,୧୪, ୮୭୮ ଭୋଟ୍ ଦେବେ। ସେଥିମଧ୍ୟରୁ ୩୫୨୦ ଭିନ୍ନକ୍ଷମ, ୧୬୨୮ ଅଶୀତିପର, ୨୧୪ ଚାକିରିଆ ଭୋଟର ଅଛନ୍ତି। ସେହିପରି ଭୋଟରମାନେ ସୁରୁଖୁରୁରେ ଭୋଟ ଦେବା ନେଇ ସ୍ବତନ୍ତ୍ର ବ୍ୟବସ୍ଥା କରାଯିବ। ସବୁ ଭୋଟରଙ୍କର ଥର୍ମାଲ ସ୍କ୍ରିନିଂ ହେବା ସହ ମାସ୍କ ପିନ୍ଧିବାକୁ ମୁଖ୍ୟ ନିର୍ବାଚନ ଅଧିକାରୀ କହିଛନ୍ତି ।
