ନ୍ୟୁୟର୍କ,୯ ।୧୨: କୋଭିଡ-୧୯ ମହାମାରୀ ପାଇଁ ଟିକା ପ୍ରସ୍ତୁତ କରୁଥିବା କମ୍ପାନୀ ଫାଇଜର କହିଛି ଗୋଟିଏ ଡୋଜ ବୁଷ୍ଟର ଓମିକ୍ରନ୍ଠାରୁ ସୁରକ୍ଷା ଦେଇପାରିବ । ଫାଇଜର ଓ ଏହାର ସହଯୋଗୀ ବାୟୋଏନଟେକ କହିଛି, ଗବେଷଣାରୁ ଜଣାପଡିଛି କି ଓମିକ୍ରନ୍ ବିରୋଧରେ ଗୋଟିଏ ବୁଷ୍ଟର ଡୋଜ ତଥାକଥିତ ଆଣ୍ଟିବଡି ସ୍ତରକୁ ୨୫ ଗୁଣା ବୃଦ୍ଧି କରୁଛି । ଫାଇଜର ପକ୍ଷରୁ ଏକ ପ୍ରେସ୍ ରିଲିଜରେ ଏହା କୁହାଯାଇଥିବା ବେଳେ ଏହା ପ୍ରଥମ ଗବେଷଣା ପରେ ଘୋଷଣା ଓ ଏପର୍ଯ୍ୟନ୍ତ ଏହାକୁ ନେଇ ବିଶେଷଜ୍ଞଙ୍କ ସମୀକ୍ଷା ହୋଇନାହିଁ ବୋଲି ସ୍ପଷ୍ଟ କରାଯାଇଛି ।
କମ୍ପାନୀ ପକ୍ଷରୁ ପ୍ରଥମରୁ କରୋନା ସଂକ୍ରମଣ(ଓମିକ୍ରନ୍)କୁ ଦୃଷ୍ଟିରେ ରଖି ଟିକା ନିର୍ମାଣ କରିବା କାମ ଆରମ୍ଭ କରି ଦେଇଥିଲେ । ବିଶେଷଜ୍ଞମାନେ ଅନୁମାନ ଲଗାଇଥିଲେ କି କୋଭିଡ-୧୯ର ତୃତୀୟ ଡୋଜ ସହ ଆଣ୍ଟିବଡିରେ ବୃଦ୍ଧି ଭବିଷ୍ୟତରେ ଆସୁଥିବା ନୂଆ ଭାରିଏଣ୍ଟକୁ ସାମ୍ନା କରିବାକୁ ପର୍ଯ୍ୟାପ୍ତ ହେବ । ଆଣ୍ଟିବଡିର ସ୍ତର କହିଥାଏ ଗୋଟିଏ କରୋନା ଟିକା କରୋନା ଭାଇରସ ସଂକ୍ରମଣକୁ କେତେ ଭଲ ଭାବେ ରୋକି ପାରିବ ।
